Harley Davidson : താങ്ങാവുന്ന ഇ-ബൈക്കുകളുമായി ഹാര്‍ലി
ഹാർലി-ഡേവിഡ്സൺ (Harley Davidson) അതിന്റെ പ്രീമിയം ഇവി ബ്രാൻഡായ ലൈവ്‌വെയറിന് (LiveWire) കീഴിൽ കൂടുതൽ ഇലക്ട്രിക് ബൈക്കുകൾ ആസൂത്രണം ചെയ്യുകയാണെന്ന് റിപ്പോര്‍ട്ട്
കൂടുതൽ താങ്ങാനാവുന്ന ഇ-ബൈക്കുകൾ (Electric Bikes) അവതരിപ്പിക്കാൻ ഐക്കണിക്ക് അമേരിക്കന്‍ ഇരുചക്ര വാഹന ബ്രാന്‍ഡായ ഹാർലി-ഡേവിഡ്സൺ (Harley Davidson) ഒരുങ്ങുന്നതായി റിപ്പോര്‍ട്ട്. ഹാർലി-ഡേവിഡ്സൺ (Harley Davidson) അതിന്റെ പ്രീമിയം ഇവി ബ്രാൻഡായ ലൈവ്‌വെയറിന് (LiveWire) കീഴിൽ കൂടുതൽ ഇലക്ട്രിക് ബൈക്കുകൾ ആസൂത്രണം ചെയ്യുകയാണെന്ന് അന്താരാഷ്ട്ര മാധ്യമ റിപ്പോർട്ടുകളെ ഉദ്ദരിച്ച് ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു.
ഹാർലി ലൈവ്‍വയര്‍ ഇന്ത്യയിലേക്ക്
ഇതിന്‍റെ ഭാഗമായി ലൈവ്‌വയർ വണ്ണിന്റെ സഹോദരനായ ‘എസ്2 ഡെൽ മാർ’ അടുത്ത കുറച്ച് വർഷങ്ങളിൽ കമ്പനി അവതരിപ്പിക്കും എന്നാണ് റിപ്പോര്‍ട്ടുകള്‍. കമ്പനിയുടെ പുതിയ പ്രൊപ്രൈറ്ററി സ്‌കേലബിൾ മോഡുലാർ ‘ആരോ’ പ്ലാറ്റ്‌ഫോമിനെ അടിസ്ഥാനമാക്കിയായിരിക്കും ഈ ബൈക്ക് എത്തുന്നത്. ഈ പുതിയ പ്ലാറ്റ്‌ഫോം മിഡിൽവെയ്റ്റ് സെഗ്‌മെന്റിലേക്ക് ചെഡ്ഡാർ-സൗഹൃദ കൂട്ടിച്ചേർക്കലായി തിരഞ്ഞെടുക്കപ്പെട്ടിരിക്കുന്നു. ഭാവിയിൽ ഇതേ പ്ലാറ്റ്‌ഫോം ഉപയോഗിച്ച് കൂടുതൽ മോഡലുകൾ കൂട്ടിച്ചേർക്കപ്പെടും.
ഹാര്‍ലി ഡേവിഡ്‌സന്‍റെ ആദ്യ ഇലക്ട്രിക് ബൈക്ക് അവതരിച്ചു
മിഡിൽവെയ്റ്റ് ലൈവ് വയർ എസ്2 (സിസ്റ്റം 2) മോഡലുകൾക്ക് ശേഷം ഇതേ പ്ലാറ്റ്‌ഫോമിൽ കൂടുതൽ ബൈക്കുകൾ ഹാർലി അവതരിപ്പിക്കും. ലൈവ് വയർ എസ് 3 മോഡലുകളുടെയും ഹെവിവെയ്റ്റ് ലൈവ് വയർ എസ് 4 മോഡലുകളുടെയും കൂടുതൽ ഭാരം കുറഞ്ഞ സീരീസ് ഉണ്ടാകും. H-D LiveWire One ബ്രാൻഡിന്റെ പ്രീമിയം മോഡലായി തുടരുമെന്നാണ് റിപ്പോര്‍ട്ടുകള്‍.
ഹാര്‍ലി പാൻ അമേരിക്ക 1250 ന്‍റെ ബുക്കിംഗ് തുടങ്ങി ഹീറോ
സ്ട്രെസ്‍ഡ് അംഗമായി ബാറ്ററി ഉപയോഗിക്കുന്നതിനാൽ പുതിയ ആരോ പ്ലാറ്റ്‌ഫോം നിലവിലെ ലൈവ്‌വയർ വണ്ണിന്റെ ബാറ്ററി-ഇൻ-ഫ്രെയിം പ്രവർത്തനത്തെ മറികടക്കും. കെടിഎം സൂപ്പര്‍ഡ്യൂക്ക് ആര്, ബിഎംഡബ്ല്യു മോട്ടോറാഡിന്‍റെ R1100RS, അല്ലെങ്കിൽ Ducati-യുടെ ലൈനപ്പിൽ കാണുന്നത് പോലെയുള്ള ഒന്നായിരിക്കും ഇത്. വ്യത്യസ്‍ത കോൺഫിഗറേഷനുകളിൽ ഉപയോഗിക്കാൻ കഴിയുന്ന മോട്ടോർ, ബാറ്ററി, ഇൻവെർട്ടർ, ഓൺ-ബോർഡ് ചാർജർ എന്നിവ പ്ലാറ്റ്‌ഫോമിൽ അവതരിപ്പിക്കും.
ഐക്കണിക്ക് മോട്ടോർസൈക്കിൾ നിർമ്മാതാവിൽ നിന്നുള്ള പുതിയ ബാറ്ററിയിൽ പ്രവർത്തിക്കുന്ന മോഡലുകളും എത്താന്‍ ഒരുങ്ങുകയാണ്. അന്താരാഷ്ട്ര വിപണികളില്‍ അവതരിപ്പിച്ചതിന് ശേഷം ഇന്ത്യൻ വിപണിയിലേക്കും ഈ ബൈക്കുകള്‍ പ്രവേശിക്കും. കൂടുതൽ വിശദാംശങ്ങൾ സമീപഭാവിയിൽ പുറത്തുവരുമെന്ന് പ്രതീക്ഷിക്കാം.
ഹാർലി ഡേവിഡ്സണ്ണിനായി വിപുലമായ സംവിധാനമൊരുക്കാൻ ഹീറോ മോട്ടോകോർപ്പ്
ഇന്ത്യയിലെ പ്രവര്‍ത്തനം ഹാര്‍ലി ഡേവിഡ്‍സണ്‍ അടുത്തിടെ അവസാനിപ്പിച്ചിരുന്നു. ഹീറോ മോട്ടോ കാര്‍പാണ് ഇപ്പോള്‍ ഇന്ത്യയില്‍ ഹാര്‍ലിയുടെ പങ്കാളി. കഴിഞ്ഞ വർഷം ഒക്ടോബറിലാണ് ഇന്ത്യൻ വിപണിയിൽ ഹാർലി-ഡേവിഡ്‌സണുമായി ഹീറോ പങ്കാളിത്തം പ്രഖ്യാപിക്കുന്നത്. ഉപഭോക്താക്കളുടെ ടച്ച് പോയിൻറുകളും മോട്ടോർസൈക്കിളുകളുടെ സർവ്വീസ് കേന്ദ്രങ്ങളും ഹീറോ വിപുലീകരിക്കുന്നുണ്ട്. ഹാർലി-ഡേവിഡ്സൺ ഉപഭോക്താക്കൾക്കായി രാജ്യത്തുടനീളം 14 സമ്പൂർണ്ണ ഡീലർഷിപ്പുകളുടെയും ഏഴ് അംഗീകൃത സേവന കേന്ദ്രങ്ങളുടെയും ശൃംഖലയാണ് ഇപ്പോൾ ഹീറോക്കുള്ളത് എന്നാണ് റിപ്പോര്‍ട്ടുകള്‍.
വെർച്വൽ ഷോറൂമുമായി ഹാർലി ഡേവിഡ്സൺ
