Upcoming Premium Bikes : 2022-ൽ എത്തുന്ന ചില മുൻനിര പ്രീമിയം ബൈക്കുകൾ
ഇതാ അടുത്ത വർഷം ഇന്ത്യൻ വാഹന വിപണിയിൽ വിൽപ്പനയ്‌ക്ക് എത്താനിരിക്കുന്ന ചില പ്രീമിയം ബൈക്കുകളുടെയും സ്‌കൂട്ടറുകളുടെയും ഒരു പട്ടിക
ബജാജ് ഓട്ടോ (Bajaj Auto), റോയൽ എൻഫീൽഡ് (Royal Enfield), ഹീറോ മോട്ടോകോർപ്പ് (Hero MotorCorp) തുടങ്ങിയ ബൈക്ക് നിർമ്മാതാക്കളിൽ നിന്നുള്ള ചില പ്രധാന ലോഞ്ചുകൾക്ക് 2022 സാക്ഷ്യം വഹിക്കാന്‍ ഒരുങ്ങുകയാണ്. രാജ്യത്തെ എന്‍ട്രി ലെവല്‍ ടൂ വീലര്‍ മാര്‍ക്കറ്റ് (Entry Level Two Wheeler Market) തകര്‍ന്നടിഞ്ഞ അവസ്ഥയിലാണ്. പ്രീമിയം ടൂ വീലര്‍ സെഗ്മെന്‍റ് (Premium Two Wheeler Segment) ഇപ്പോഴും കുലക്കമില്ലാതെ പിടിച്ചു നില്‍ക്കുന്നു. ഈ സാഹചര്യത്തില്‍ പുതിയ പ്രീമിയം ബൈക്കുകള്‍ ഏതൊക്കെയാണെന്ന് പരിശോധിക്കുന്നത് കൌതുകകരമായിരിക്കും. ഇതാ അടുത്ത വർഷം ഇന്ത്യൻ വാഹന വിപണിയിൽ വിൽപ്പനയ്‌ക്ക് എത്താനിരിക്കുന്ന ചില പ്രീമിയം ബൈക്കുകളുടെയും സ്‌കൂട്ടറുകളുടെയും ഒരു പട്ടിക പരിചയപ്പെടാം.
റോയൽ എൻഫീൽഡ് സ്‌ക്രാം 411:
ചെന്നൈ ആസ്ഥാനമായുള്ള ബൈക്ക് നിർമ്മാതാവ് ജനപ്രിയ ഹിമാലയൻ എഡിവിയുടെ പുതിയതും താങ്ങാനാവുന്നതുമായ പതിപ്പ് ഇന്ത്യയിൽ അവതരിപ്പിക്കാൻ ഒരുങ്ങുന്നു. 2022 ഫെബ്രുവരിയിൽ ഹിമാലയനേക്കാൾ റോഡ് അധിഷ്‍ഠിതമായ മോഡലായി ബൈക്ക് പുറത്തിറങ്ങും. കമ്പനിയുടെ അടുത്ത ലോഞ്ച് അഡ്വഞ്ചര്‍ ടൂററായി റോയല്‍ എന്‍ഫീല്‍ഡ് ഹിമാലയന്‍റെ വിലയേക്കാള്‍ കുറവും കൂടുതൽ താങ്ങാനാവുന്ന റോഡ് അധിഷ്‍ഠിത പതിപ്പായിരിക്കുമെന്നും അത് 2022 ഫെബ്രുവരിയിൽ വില്‍പ്പനയ്ക്ക് എത്തുമെന്നുമാണ് സൂചനകള്‍. സ്‌ക്രാം 411 എന്നാണ് ഈ ബൈക്കിന്‍റെ കോഡുനാമം. എന്നാൽ ബൈക്കിന്‍റെ ഔദ്യോഗിക നാമം ഇതുവരെ വ്യക്തമാക്കിയിട്ടില്ല. ചെന്നൈ ആസ്ഥാനമായുള്ള ബൈക്ക് നിർമ്മാതാവിന് മറ്റ് നിരവധി ലോഞ്ചുകൾ ആസൂത്രണം ചെയ്‍തിട്ടുണ്ടെങ്കിലും 2022 ൽ പുതിയ മോഡൽ ലോഞ്ചുകൾക്ക് വഴിയൊരുക്കുന്ന സ്‌ക്രാം 411 ന് ശേഷം മാത്രമേ ആ ലോഞ്ചുകള്‍ നടക്കൂ എന്നാണ് റിപ്പോര്‍ട്ടുകള്‍. ബൈക്കിന്‍റെ ചില വിവരങ്ങള്‍ മുമ്പ് ഇന്റർനെറ്റിൽ ചോർന്നിരുന്നു.
വരുന്നൂ മോഹവിലയില്‍ പുത്തന്‍ ബുള്ളറ്റ്, ആകാംക്ഷയില്‍ വാഹനലോകം
ന്യൂജെൻ കെടിഎം ആർസി390:
ബജാജ് ഓട്ടോ പുതിയ തലമുറ RC 390 സ്‌പോർട് ബൈക്കുകൾ അടുത്ത വർഷം ഇന്ത്യയിൽ അവതരിപ്പിക്കും. 2022 ന്റെ ആദ്യ പാദത്തിൽ ലോഞ്ച് നടക്കുമെന്ന് പ്രതീക്ഷിക്കുന്നു. പുതിയ RC 390 ഔട്ട്‌ഗോയിംഗ് മോഡലിനേക്കാൾ അൽപ്പം വില കൂടുതലായിരിക്കും. കൂടുതൽ സ്‌പോർട്ടി ലുക്കിലാണ് പുത്തൻ കെടിഎം ആർസി 390 എന്ന് അടുത്തിടെ പുറത്തുവന്ന ബൈക്കിന്‍റെ ചിത്രങ്ങൾ വ്യക്തമാക്കുന്നു. കൂടുതൽ ഷാർപ്പ് ആയ ഫെയറിംഗ് ആണ് പുത്തൻ മോഡലിന്റെ ആകർഷണം. ഈ ഫെയറിങ്ങിൽ കൂടുതൽ വലിപ്പത്തിലുള്ള കെടിഎം ബ്രാൻഡിംഗ് കാണാം. കെടിഎമ്മിന്റെ സ്വന്തം ഓറഞ്ച് നിറത്തിനു പകരം കറുപ്പിൽ പൊതിഞ്ഞ പുത ഡിസൈനിലുള്ള അലോയ് വീലുകളാണ് ഇതിൽ. വണ്ണം കുറഞ്ഞ ടെയിൽ സെക്ഷൻ, പുതിയ ഡിസൈനിലുള്ള സ്പ്ലിറ്റ് സീറ്റുകൾ, ഗ്രാബ് റെയിലുകൾ എന്നിവയും പുതിയ ആർസി 390യിലുണ്ടാവും. ഗോളാകൃതിയിലുള്ള പെട്രോൾ ടാങ്ക് വലിപ്പത്തിലും അല്പം മുന്നേറിയിട്ടുണ്ട്.
റോയൽ എൻഫീൽഡ് ഹണ്ടർ 350:
ചെന്നൈ ആസ്ഥാനമായുള്ള ഐക്കണിക്ക് ബൈക്ക് നിർമ്മാതാവായ റോയല്‍ എന്‍ഫീല്‍ഡ് പുതിയ ഉൽപ്പന്നങ്ങളുടെ ഒരു ശ്രേണി തന്നെ പുറത്തിറക്കാന്‍ ഒരുങ്ങുകയാണ്. സ്‌ക്രാം 411 ന് ശേഷം, കമ്പനി 2022 പകുതിയോടെ ഹണ്ടർ 350 അവതരിപ്പിച്ചേക്കും. ഇത് മെറ്റിയർ 350 അടിസ്ഥാനമാക്കിയുള്ളതായിരിക്കും, അതേ എഞ്ചിൻ പ്ലാറ്റ്‌ഫോമും ഉപയോഗിക്കും. റോയൽ എൻഫീൽഡിൽ നിന്നുള്ള വരാനിരിക്കുന്ന ബൈക്കുകളില്‍ പ്രധാനപ്പെട്ട ഒന്നാണ് ഹണ്ടർ 350 എന്ന് ഏകദേശം സ്ഥിരീകരിച്ചിട്ടുണ്ട്. മെറ്റിയർ 350 പ്ലാറ്റ്‌ഫോമിനെ അടിസ്ഥാനമാക്കി വരുന്ന മറ്റൊരു ഉൽപ്പന്നമായിരിക്കും ഇത്. എന്നാൽ വ്യത്യസ്‍തമായ സ്റ്റൈലിംഗും രൂപകൽപ്പനയും സജ്ജീകരണവും ബൈക്കില്‍ അവതരിപ്പിക്കും. ലോഞ്ച് ചെയ്യുമ്പോൾ ഇത് ട്രിപ്പർ നാവിഗേഷൻ സംവിധാനവും ഈ ബൈക്കില്‍ ഉണ്ടാകുമെന്ന് റിപ്പോര്‍ട്ടുകള്‍ ഉണ്ട്.
ഇതാ 2022ല്‍ ഇന്ത്യൻ ടൂവീലര്‍ വിപണിയെ ഞെട്ടിക്കാനിരിക്കുന്ന ചില ബൈക്കുകൾ
SG650 കൺസെപ്റ്റ് മോട്ടോർസൈക്കിളിനെ കഴിഞ്ഞ ദിവസം EICMA 2021 ഷോയില്‍ അവതരിപ്പിച്ചിരുന്നു. ഏതാനും മാസങ്ങൾക്കുള്ളിൽ ലോഞ്ച് ചെയ്യാൻ പോകുന്ന പുതിയ 650 സി സി ക്രൂയിസറിന്റെ കൺസെപ്റ്റ് രൂപം ആണിത്. കമ്പനിയുടെ ക്ലാസിക് ഡിസൈനിന്റെയും ഭാവിയിൽ അവരുടെ ബൈക്കുകൾ എങ്ങനെയായിരിക്കുമെന്നതിന്റെയും മിശ്രിതമാണ് റോയൽ എൻഫീൽഡ് SG650 കൺസെപ്റ്റ്. രസകരമായ ഒരു ഡിജിറ്റൽ ഗ്രാഫിക്സ് സ്‍കീമിനൊപ്പം ബ്രഷ് ചെയ്‍ത അലുമിനിയത്തിലും കറുപ്പ് നിറത്തിലും കൺസെപ്റ്റ് മെഷീൻ ശ്രദ്ധേയമാണ്. സംയോജിത പൊസിഷൻ ലൈറ്റുകളുള്ള ഒരു വൃത്താകൃതിയിലുള്ള ഹെഡ്‌ലൈറ്റ് ബൈക്കിലുണ്ട്. വശങ്ങളില്‍ നീല നിറത്തിൽ RE ലോഗോ ഉള്ള ഒരു ചങ്കി ഇന്ധന ടാങ്ക് കാണാം. ടാങ്കും റിമ്മുകളും ഒരു സോളിഡ് അലൂമിനിയത്തിൽ നിന്ന് CNC ബില്ലറ്റ് മെഷീൻ ചെയ്‍തിരിക്കുന്നു. ടെയിൽ സെക്ഷൻ, അരിഞ്ഞ ഫെൻഡർ, ആകർഷകമായ മറ്റൊരു ഡിസൈൻ ഘടകമാണ്, അതുപോലെ തന്നെ തടിച്ച മെറ്റ്സെലർ ടയറുകളും ബൈക്കില്‍ ഉണ്ട്. ഇന്റർസെപ്റ്റർ 650, കോണ്ടിനെന്റൽ GT 650 എന്നിവയിലെ അതേ പാരലൽ-ട്വിൻ യൂണിറ്റായിരിക്കും പുതിയ ബൈക്കിന്‍റെയും ഹൃദയം. ഈ എഞ്ചിൻ 47hp ഉം 52Nm ടോർക്കും ഉല്‍പ്പാദിപ്പിക്കും.
ടിവിഎസ് സെപ്പലിന്‍ ക്രൂയിസര്‍:
ടിവിഎസ് സെപ്പലിന്‍ ക്രൂയിസര്‍ ലോഞ്ചിനെ കുറിച്ച് ഔദ്യോഗിക സ്ഥിരീകരണം ഒന്നും നിലവില്‍ ഇല്ലെങ്കിലും ഹൊസൂർ ആസ്ഥാനമായുള്ള വാഹന നിർമ്മാതാവ് 2022 പകുതിയോടെ അതിന്റെ ആദ്യ ക്രൂയിസർ പുറത്തിറക്കും എന്ന് പ്രതീക്ഷിക്കുന്നു. 2018 ഓട്ടോ എക്‌സ്‌പോയിൽ പ്രദർശിപ്പിച്ച സെപ്പെലിൻ ക്രൂയിസറിന്റെ പ്രൊഡക്ഷൻ-സ്പെക്ക് പതിപ്പായിരിക്കും ഇത്. നോഹരമായൊരു ഡിസൈന്‍ ആയിരുന്നു ടിവിഎസിന്‍റെ സെപ്പെലിൻ കൺസെപ്റ്റിന്. സ്‌പോര്‍ട്ടി രൂപമായിരുന്നു സെപ്‌ലിന്‍ ക്രൂയിസര്‍ കണ്‍സെപ്റ്റിനുണ്ടായിരുന്നത്. ഹൈടെക്ക് സവിശേഷതകളുടെ ഒരു ശ്രേണി ഈ ഡിസൈനിന്‍റെ സവിശേഷതയായിരുന്നു.
ആക്ടീവ 125 പ്രീമിയം എഡിഷന്‍ അവതരിപ്പിച്ച് ഹോണ്ട
റോയൽ എൻഫീൽഡ് ഷോട്ട്ഗൺ (SG 650):
അടുത്തിടെയാണ് കമ്പനി കഴിഞ്ഞ മാസം EICMA യിൽ SG 650 പ്രോട്ടോടൈപ്പ് പ്രദർശിപ്പിച്ചത്. 2022 ലെ ഉത്സവ സീസണോടെ ഇതേ മോഡലിന്റെ പ്രൊഡക്ഷൻ-സ്പെക്ക് പതിപ്പ് ഇന്ത്യയിൽ അവതരിപ്പിക്കപ്പെടുമെന്ന് പ്രതീക്ഷിക്കുന്നു. നിലവിൽ 650 ട്വിൻസ് ബൈ RE-യുടെ അതേ 650 സിസി പ്ലാറ്റ്‌ഫോമിനെ അടിസ്ഥാനമാക്കിയാണ് ഇത് വരുന്നത്. ഒന്നുകിൽ ക്ലാസിക് 650 അല്ലെങ്കിൽ ഷോട്ട്ഗൺ 650 എന്ന പേരിലായിരിക്കും ബൈക്ക് എത്തുക എന്നാണ് റിപ്പോര്‍ട്ടുകള്‍.
