കേരള ചിക്കനില്‍ 113 ഒഴിവ്; ജനുവരി 27 വരെ അപേക്ഷിക്കാം; ബിരുദമാണ് യോഗ്യത
ഒരു വർഷത്തെ കരാർ നിയമനമാണ്. വിവിധ ജില്ലകളിലായി അവസരം. ബിരുദമാണ് യോഗ്യത.
തിരുവനന്തപുരം: കുടുംബശ്രീ ബ്രോയിലർ ഫാർമേഴ്സ് പ്രൊഡ്യൂസേഴ്സ് കമ്പനിയുടെ കേരള ചിക്കൻ പദ്ധതിയുടെ ഭാഗമായി ഒഴിവുകളുണ്ട്. ഒരു വർഷത്തെ കരാർ നിയമനമാണ്. വിവിധ ജില്ലകളിലായി അവസരം. ബിരുദമാണ് യോഗ്യത. രണ്ടുവർഷത്തെ പ്രവൃത്തിപരിചയം. എം.ബി.എ. അഭിലഷണീയം. പ്രായപരിധി 30 വയസ്സ്.
ഫാം സൂപ്പർവൈസർ- 14: പൗൾട്രി പ്രൊഡക്ഷൻ ആൻഡ് ബിസിനസ് മാനേജ്മെന്റിൽ ബിരുദവും രണ്ടുവർഷത്തെ പ്രവൃത്തിപരിചയവും അല്ലെങ്കിൽ പൗൾട്രി പ്രൊഡക്ഷനിൽ ഡിപ്ലോമയും മൂന്നുവർഷത്തെ പ്രവൃത്തിപരിചയവും, കംപ്യൂട്ടർ പരിജ്ഞാനം. സ്വന്തമായി വാഹനവും ഡ്രൈവിങ് ലൈസൻസുമുണ്ടായിരിക്കണം. പ്രായപരിധി 30 വയസ്സ്. ശമ്പളം 15000 രൂപ.
ലിഫ്റ്റിങ് സൂപ്പർവൈസർ- 28: പ്ലസ്ടു ആണ് യോഗ്യത. പ്രായപരിധി 35 വയസ്സ്.
പ്രൊഡക്ഷൻ മാനേജർ- 1: യോഗ്യത: ബി.വി.എസ്.സി., മൂന്നുവർഷത്തെ പ്രവൃത്തിപരിചയം. പൗൾട്രി മേഖലയിൽ പ്രവൃത്തിപരിചയമുള്ളവർക്ക് മുൻഗണന. പ്രായപരിധി: 35 വയസ്സ്. വിശദവിവരങ്ങളും അപേക്ഷാഫോറവും www.keralachicken.org.in എന്ന വെബ്സൈറ്റിലുണ്ട്. ഒരാൾക്ക് ഒരു ജില്ലയിലേക്ക് മാത്രമേ അപേക്ഷിക്കാനാകൂ. അപേക്ഷകൾ അതത് ജില്ലകളിലെ ഓഫീസുകളിലേക്കാണ് അയയ്ക്കേണ്ടത്. അവസാന തീയതി ജനുവരി 27.
