സെപ്റ്റംബർ 3 മുതൽ അപേക്ഷ സമർപ്പിച്ചു തുടങ്ങാം. സെപ്റ്റംബർ 23 ആണ് അപേക്ഷ സമർപ്പിക്കാനുള്ള അവസാന തീയതി.
ദില്ലി: ഡിഫൻസ് റിസർച്ച് ആൻഡ് ഡെവലപ്മെന്റ് ഓർഗനൈസേഷൻ (ഡി.ആർ.ഡി.ഒ) ഡിഫൻസ് റിസർച്ച് ടെക്നിക്കൽ കേഡറിന് കീഴിലുള്ള സീനിയർ ടെക്നിക്കൽ അസിസ്റ്റന്റ്-ബി (എസ്.ടി.എ-ബി), ടെക്നീഷ്യൻ-എ (ടെക്-എ) ഒഴിവുകൾ എന്നിവയിലേക്കുള്ള അപേക്ഷ ക്ഷണിച്ചു. 1901 ഡി.ആർ.ഡി.ഒ സെപ്റ്റാം-10 തസ്തികകളിലേക്കുള്ള അപേക്ഷാ നടപടികളാണ് ആരംഭിച്ചത്. സെപ്റ്റംബർ 3 മുതൽ അപേക്ഷ സമർപ്പിച്ചു തുടങ്ങാം. സെപ്റ്റംബർ 23 ആണ് അപേക്ഷ സമർപ്പിക്കാനുള്ള അവസാന തീയതി. താൽപ്പര്യമുള്ള ഉദ്യോഗാർത്ഥികൾക്ക് http://drdo.gov.in ൽ ഓൺലൈനായി അപേക്ഷിക്കാം.
ശമ്പള വിശദാംശങ്ങൾ
സീനിയർ ടെക്നിക്കൽ അസിസ്റ്റന്റ്- ബി: പ്രതിമാസം 35,400- 1,12,400
ടെക്നീഷ്യൻ എ: പ്രതിമാസം 19,900 - 63,200
സീനിയർ ടെക്നിക്കൽ അസിസ്റ്റന്റ് തസ്തികയിലേക്കുള്ള അപേക്ഷകന് സയൻസിൽ ബിരുദം അല്ലെങ്കിൽ എൻജിനീയറിങ്, ടെക്നോളജി, കമ്പ്യൂട്ടർ സയൻസ് എന്നീ വിഷയങ്ങളിൽ ഡിപ്ലോമ ഉണ്ടായിരിക്കണം.
ടെക്നീഷ്യൻ എ: ഉദ്യോഗാർത്ഥി 10-ാം ക്ലാസ് അല്ലെങ്കിൽ അംഗീകൃത ബോർഡിൽ നിന്നുള്ള തത്തുല്യ പരീക്ഷ പാസായിരിക്കണം. അംഗീകൃത ഇൻഡസ്ട്രിയൽ ട്രെയിനിംഗ് ഇൻസ്റ്റിറ്റ്യൂട്ടിൽ (ഐ.ടി.ഐ) നിന്നുള്ള സർട്ടിഫിക്കറ്റും ഉണ്ടായിരിക്കണം.
അപേക്ഷിക്കാനുള്ള നടപടികൾ;
ഡി.ആർ.ഡി.ഒ ഔദ്യോഗിക വെബ്സൈറ്റായ drdo.gov.in സന്ദർശിക്കുക.
സെപ്റ്റാം റിക്രൂട്ട്മെന്റ് ലിങ്കിൽ ക്ലിക്ക് ചെയ്യുക
ആവശ്യമായ വിവരങ്ങൾ ഉപയോഗിച്ച് രജിസ്റ്റർ ചെയ്യുക
ഫോം പൂരിപ്പിച്ച് സമർപ്പിക്കുക
ഡൗൺലോഡ് ചെയ്ത് പ്രിന്റ് ഔട്ട് എടുക്കുക
15-ാമത് കുട്ടികളുടെ ജൈവവൈവിധ്യ കോൺഗ്രസ്സ്
കേരള സംസ്ഥാന ജൈവവൈവിധ്യബോര്ഡ് 15-ാമത് കുട്ടികളുടെ ജൈവവൈവിധ്യ കോണ്ഗ്രസ്സിന്റെ ഭാഗമായി ജില്ലാ, സംസ്ഥാനതലത്തില് സ്കൂള് കുട്ടികള്ക്കായി മത്സരങ്ങള് സംഘടിപ്പിക്കുന്നു. ഫോട്ടോഗ്രാഫിക് മത്സരം, ഉപന്യാസ മത്സരം, പ്രോജക്ട് അവതരണം, പെയിന്റിംഗ് മത്സരം, പെന്സില് ഡ്രോയിംഗ് മത്സരം എന്നിവ നടത്തുന്നു. പങ്കെടുക്കാനാഗ്രഹിക്കുന്നവര് പൂരിപ്പിച്ച അപേക്ഷ അതത് ജില്ലാ കോര്ഡിനേറ്ററുടെ ഇ-മെയില് വിലാസത്തിലേക്ക് നവംബർ 10നു മുമ്പ് അയയ്ക്കണം. കൂടുതൽ വിവരങ്ങള്ക്കും അപേക്ഷാഫോമിനും: www.keralabiodiversity.org.
