ഗവേഷണ പദ്ധതിയിൽ ജൂനിയർ റിസർച്ച് ഫെല്ലോ നിയമനം
സസ്യ പരിവേക്ഷണം, ബയോപ്രോസ്‌പെക്റ്റിംഗ്, പ്ലാന്റ് ടിഷ്യുകൾച്ചർ, ജെംപ്ലാസം പരിപാലനം എന്നിവയിൽ പ്രവൃത്തി പരിചയം അഭികാമ്യം.
തിരുവനന്തപുരം: പാലോട് ജവഹർലാൽ നെഹ്‌റു ട്രോപ്പിക്കൽ ബൊട്ടാണിക് ഗാർഡൻ ആന്റ് റിസർച്ച് ഇൻസ്റ്റിറ്റ്യൂട്ട് നടപ്പാക്കുന്ന ഗവേഷണ പദ്ധതിയിൽ ജൂനിയർ റിസർച്ച് ഫെല്ലോ തസ്തികയിൽ നിയമനം നടത്തുന്നു. ബോട്ടണി/ബയോടെക്‌നോളജി എന്നിവയിലേതെങ്കിലും ഒന്നിൽ ഒന്നാം ക്ലാസ് ബിരുദാനന്തര ബിരുദം വേണം. സസ്യ പരിവേക്ഷണം, ബയോപ്രോസ്‌പെക്റ്റിംഗ്, പ്ലാന്റ് ടിഷ്യുകൾച്ചർ, ജെംപ്ലാസം പരിപാലനം എന്നിവയിൽ പ്രവൃത്തി പരിചയം അഭികാമ്യം. പ്രായം 36 വയസ്സ്.
പട്ടികജാതി പട്ടികവർഗ്ഗ പിന്നാക്ക വിഭാഗങ്ങളിലുള്ളവർക്ക് നിയമാനുസൃതമുള്ള വയസ്സിളവ് ലഭിക്കും. പ്രതിമാസം 31,000 രൂപയും എട്ട് ശതമാനം എച്ച്ആർഎയും വേതനം ലഭിക്കും. താൽപര്യമുള്ളവർ വിശദമായ ബയോഡേറ്റ, യോഗ്യത തെളിയിക്കുന്ന സർട്ടിഫിക്കറ്റുകൾ എന്നിവയും അവയുടെ പകർപ്പുകളും സഹിതം ജവഹർലാൽ നെഹ്‌റു ട്രോപ്പിക്കൽ ബൊട്ടാണിക് ഗാർഡൻ ആന്റ് റിസർച്ച് ഇൻസ്റ്റിറ്റ്യൂട്ട്, പാലോട്, തിരുവനന്തപുരം-695 562 ൽ 19ന് രാവിലെ പത്തിന് കൂടിക്കാഴ്ചക്കായി എത്തണം. വിശദവിവരങ്ങൾക്ക് www.jntbgri.res.in.
