Asianet News Malayalam

പഞ്ചാബ് നാഷണൽ ബാങ്കിൽ മാനേജർ– സെക്യൂരിറ്റി തസ്തികയിൽ നൂറുകണക്കിന് ഒഴിവുകൾ

എസ്സേ/ലെറ്റർ ഡ്രാഫ്റ്റിങ് ടെസ്റ്റും ഇന്റർവ്യൂവിന്റെ ഭാഗമായി നടത്തും. ജനറൽ വിഭാഗത്തിന് 500 രൂപ അപേക്ഷാ ഫീസ്. 

manager security vacancies in punjab national bank
Author
Delhi, First Published Feb 9, 2021, 3:49 PM IST
  • Facebook
  • Twitter
  • Whatsapp

ദില്ലി: പഞ്ചാബ് നാഷനൽ ബാങ്കിൽ മാനേജർ– സെക്യൂരിറ്റി തസ്തികയിൽ അവസരം. 100 ഒഴിവുകളാണുള്ളത്. ഓൺലൈൻ വഴി ഫെബ്രുവരി 15 വരെ അപേക്ഷിക്കാം. മിഡിൽ മാനേജ്മെന്റ് ഗ്രേഡ് സ്കെയിൽ 2 വിഭാഗത്തിലാണ് അവസരം.  48,170–69,810 രൂപയാണ് ശമ്പളം. ഏതെങ്കിലും വിഷയത്തിൽ ബാച്‌ലർ ബിരുദമാണ് യോ​ഗ്യത. ‌ഷെയ്പ്–1 അല്ലെങ്കിൽ തത്തുല്യ ശാരീരിക യോഗ്യത.

കര, നാവിക, വ്യോമ സേനകളിൽ കമ്മിഷൻഡ് ഓഫിസറായി 5 വർഷം (ആറാം ശമ്പള കമ്മിഷനിൽ 5400 രൂപ ഗ്രേഡ് പേ തലത്തിൽ അല്ലെങ്കിൽ ഏഴാം സിപിസിയിൽ മെട്രിക്സ് തലത്തിൽ) സർവീസ് അല്ലെങ്കിൽ ‌ പൊലീസ്, സെൻട്രൽ പൊലീസ്, പാരാമിലിട്ടറി വിഭാഗത്തിൽ അസി. കമാൻഡന്റ് / ഡപ്യൂട്ടി സൂപ്രണ്ട് റാങ്കിൽ കുറയാതെ (ആറാം ശമ്പള കമ്മിഷനിൽ 5400 രൂപ ഗ്രേഡ് പേ തലത്തിൽ അല്ലെങ്കിൽ ഏഴാം സിപിസിയിൽ മെട്രിക്സ് തലത്തിൽ) ഗസറ്റ‍ഡ് ഓഫിസർ  തലത്തിൽ കുറഞ്ഞത് 5 വർഷം സർവീസ്.

21-35 പ്രായപരിധി. ഉയർന്ന പ്രായപരിധിയിൽ പട്ടികവിഭാഗത്തിന് അഞ്ചും ഒബിസിക്ക് മൂന്നും വർഷം ഇളവ് ലഭിക്കും. വിമുക്തഭടൻമാർക്കും ഇളവുണ്ട്. ഇന്റർവ്യൂ അടിസ്ഥാനത്തിലാകും തിര‍ഞ്ഞെടുപ്പ്. എസ്സേ/ലെറ്റർ ഡ്രാഫ്റ്റിങ് ടെസ്റ്റും ഇന്റർവ്യൂവിന്റെ ഭാഗമായി നടത്തും. ജനറൽ വിഭാഗത്തിന് 500 രൂപ അപേക്ഷാ ഫീസ്. പട്ടികവിഭാഗം, വനിതകൾക്ക് 50 രൂപ മതി. ഓൺലൈൻ റജിസ്ട്രേഷനും വിജ്ഞാപനത്തിന്റെ പൂർണരൂപവും www.pnbindia.in എന്ന വെബ്സൈറ്റിൽ ലഭിക്കും.

Follow Us:
Download App:
  • android
  • ios