ആസ്ട്രോഫിസിക്സ് ഇന്സ്റ്റിറ്റ്യൂട്ടില് ഗവേഷണത്തിന് അവസരം
ബെംഗളൂരു ഇന്ത്യന് ഇന്സ്റ്റിറ്റ്യൂട്ട് ഓഫ് ആസ്ട്രോഫിസിക്സ്, പോണ്ടിച്ചേരി കേന്ദ്ര സര്വകലാശാലയുമായി സഹകരിച്ചു നടത്തുന്ന പിഎച്ച്.ഡി. പ്രോഗ്രാം പ്രവേശനത്തിന് അപേക്ഷിക്കാം.
ചെന്നൈ: ആസ്ട്രോണമി, ആസ്ട്രോഫിസിക്സ് ഇവയുമായി ബന്ധപ്പെട്ട ഫിസിക്സിലെ മേഖലകള് എന്നിവയിലെ ഗവേഷണങ്ങളിലേര്പ്പെട്ടിരിക്കുന്ന ബെംഗളൂരു ഇന്ത്യന് ഇന്സ്റ്റിറ്റ്യൂട്ട് ഓഫ് ആസ്ട്രോഫിസിക്സ്, പോണ്ടിച്ചേരി കേന്ദ്ര സര്വകലാശാലയുമായി സഹകരിച്ചു നടത്തുന്ന പിഎച്ച്.ഡി. പ്രോഗ്രാം പ്രവേശനത്തിന് അപേക്ഷിക്കാം.
2021 ജൂലായ്ക്കകം എം.എസ്സി./ഇന്റഗ്രേറ്റഡ് എം.എസ്സി. (അപ്ലൈഡ് ഫിസിക്സ്/എന്ജിനിയറിങ് ഫിസിക്സ്, അപ്ലൈഡ് മാത്തമാറ്റിക്സ്, അസ്ട്രോണമി, ഇലക്ട്രോണിക്സ്, ഫോട്ടോണിക്സ്/ഒപ്റ്റിക്സ്, ഫിസിക്സ് തുടങ്ങിയവ); എം.ഇ./എം.ടെക്.; ഇന്റഗ്രേറ്റഡ് എം.ഇ./എം.ടെക്. (അപ്ലൈഡ് ഫിസിക്സ്/എന്ജിനിയറിങ് ഫിസിക്സ്, കംപ്യൂട്ടര് സയന്സ്, ഇലക്ട്രിക്കല്, ഇലക്ട്രോണിക്സ്, ഇന്സ്ട്രുമെന്റേഷന്, ഫോട്ടോണിക്സ്/ഒപ്റ്റിക്സ്, ഒപ്റ്റോ ഇലക്ടോണിക്സ്; റേഡിയോ ഫിസിക്സ് ആന്ഡ് ഇലക്ട്രോണിക്സ് തുടങ്ങിയവ); എം.ഫില് (അപ്ലൈഡ് ഫിസിക്സ്, ഇന്സ്ട്രുമെന്റേഷന്, ഫോട്ടോണിക്സ്/ഒപ്റ്റിക്സ്, ഫിസിക്സ്) എന്നിവയിലൊന്ന് പൂര്ത്തിയാക്കുമെന്നു പ്രതീക്ഷിക്കുന്നവര്ക്ക് അപേക്ഷിക്കാം. യോഗ്യത ബിരുദം 2017-ലോ ശേഷമോ നേടിയതായിരിക്കണം.
ജസ്റ്റ്/ഗേറ്റ്/നെറ്റ് സി.എസ്.ഐ.ആര്.യു.ജി.സി. പരീക്ഷയില് ജെ.ആര്.എഫ്. യോഗ്യത വേണം. ഇവയുടെ വ്യവസ്ഥകള് www.iiap.res.inല് ഉള്ള വിജ്ഞാപനത്തിലുണ്ട്. അപേക്ഷ www.iiap.res.inലെ പ്രവേശനലിങ്ക് വഴി ജനുവരി 31 വരെ നല്കാം.