2022 ജൂൺ 5നാണ് പ്രിലിമിനറി പരീക്ഷ നിശ്ചയിച്ചിട്ടുള്ളത്.
ദില്ലി: സിവിൽ സർവ്വീസ് (Civil Service) പ്രിലിമിനറി 2022 അഡ്മിറ്റ് കാർഡ് (Admit Card) യൂണിയൻ പബ്ലിക് സർവ്വീസ് കമ്മീഷൻ പ്രസിദ്ധീകരിച്ചു. സിവിൽ സർവ്വീസ് പരീക്ഷക്കായി അപേക്ഷ സമർപ്പിച്ചിട്ടുള്ള ഉദ്യോഗാർത്ഥികൾക്ക് ഔദ്യോഗിക വെബ്സൈറ്റായ upsc.gov.in ൽ നിന്നും അഡ്മിറ്റ് കാർഡ് ഡൗൺലോഡ് ചെയ്യാം. 2022 ജൂൺ 5നാണ് പ്രിലിമിനറി പരീക്ഷ നിശ്ചയിച്ചിട്ടുള്ളത്.
അഡ്മിറ്റ് കാര്ഡ് ഡൌണ്ലോഡ് ചെയ്യാം
യുപിഎസ്സി ഔദ്യോഗിക വെബ്സൈറ്റ് സന്ദർശിക്കുക.
യുപിഎസ്സി സിഎസ്ഇ പ്രിലിമിനറി അഡ്മിറ്റ് കാർഡ് എന്ന ലിങ്കിൽ ക്ലിക്ക് ചെയ്യുക.
ആവശ്യമായ വിശദാംശങ്ങൾ നൽകി സമർപ്പിക്കുക
കൂടുതൽ റഫറൻസിനായി അഡ്മിറ്റ് കാർഡ് ഡൗൺലോഡ് ചെയ്ത് പ്രിന്റൗട്ട് എടുക്കുക
അഡ്മിറ്റ് കാർഡിൽ കൃത്യമായ പരീക്ഷാ കേന്ദ്രം, പരീക്ഷയുടെ തീയതി, സമയം എന്നിവ ഉൾപ്പെടുന്നു. UPSC CSE പ്രിലിമിനറി അഡ്മിറ്റ് കാർഡ് 2022-ൽ സൂചിപ്പിച്ചിരിക്കുന്ന ഇനിപ്പറയുന്ന വിശദാംശങ്ങൾ ഉദ്യോഗാർത്ഥികൾക്ക് കാണാൻ കഴിയും. ഉദ്യോഗാർത്ഥിയുടെ പേര്, പരീക്ഷയുടെ പേരും വർഷവും, രജിസ്ട്രേഷൻ ഐഡി, റോൾ നമ്പർ, പൂർണ്ണമായ മേൽവിലാസം (ഉദ്യോഗാർത്ഥികൾ അപേക്ഷാ ഫോമിൽ നൽകിയിരിക്കുന്നത് പോലെ), പരീക്ഷാ സമയത്ത് പാലിക്കേണ്ട പ്രധാന നിർദ്ദേശങ്ങൾ, ഉദ്യോഗാർത്ഥിയുടെ ഫോട്ടോയും ഒപ്പും.
ഇന്ത്യൻ അഡ്മിനിസ്ട്രേറ്റീവ് സർവീസ് (ഐഎഎസ്), ഇന്ത്യൻ ഫോറിൻ സർവീസ് (ഐഎഫ്എസ്), ഇന്ത്യൻ പോലീസ് സർവീസ് (ഐപിഎസ്), കേന്ദ്രസർക്കാരിലെ വിവിധ വകുപ്പുകളിലെ ഗ്രേഡ് എ, ഗ്രേഡ് ബി തസ്തികകൾ എന്നിവയിലേക്കുള്ള ഉദ്യോഗസ്ഥരെ തിരഞ്ഞെടുക്കുന്നതിന് പ്രിലിമിനറി, മെയിൻ, ഇന്റർവ്യൂ എന്നിങ്ങനെ മൂന്ന് ഘട്ടങ്ങളിലായാണ് യുപിഎസ്സി വർഷം തോറും സിവിൽ സർവീസസ് പരീക്ഷ നടത്തുന്നത്.
