അക്കൗണ്ടന്റിന് കൊമേഴ്സിലുള്ള ബിരുദവും 5 വർഷത്തെ പ്രവർത്തിപരിചയവും ഉണ്ടാവണം. ഓഫീസ് അസിസ്റ്റന്റിന് അംഗീകൃത സർവകലാശാല ബിരുദവും 5 വർഷത്തെ പ്രവർത്തിപരിചയവും ഡി.ടി.പിയിലുള്ള പരിജ്ഞാനവും വേണം.
തിരുവനന്തപുരം: സംസ്ഥാന സർക്കാരിന്റെ ഊർജ്ജ വകുപ്പിന് കീഴിൽ പ്രവർത്തിക്കുന്ന ഏജൻസി ഫോർ ന്യൂ & റിന്യൂവബിൾ എനർജി റിസർച്ച് & ടെക്നോളജിയിൽ (അനെർട്ട്) ഓഫീസ് അസിസ്റ്റന്റ് തസ്തികയിലേക്കും അക്കൗണ്ടന്റ് തസ്തികയിലേക്കും അന്യത്ര സേവന വ്യവസ്ഥയിൽ നിയമനത്തിന് അപേക്ഷ ക്ഷണിച്ചു. സംസ്ഥാന സർക്കാർ വകുപ്പുകളിലോ പൊതുമേഖലാ സ്ഥാപനങ്ങളിലോ ക്ലറിക്കൽ തസ്തികയിലോ അക്കൗണ്ട്സ് സംബന്ധമായ തസ്തികയിലോ ജോലി ചെയ്യുന്നവർക്ക് അപേക്ഷിക്കാം.
അക്കൗണ്ടന്റിന് കൊമേഴ്സിലുള്ള ബിരുദവും 5 വർഷത്തെ പ്രവർത്തി പരിചയവും ഉണ്ടാവണം. ഓഫീസ് അസിസ്റ്റന്റിന് അംഗീകൃത സർവകലാശാല ബിരുദവും 5 വർഷത്തെ പ്രവർത്തിപരിചയവും ഡി.ടി.പിയിലുള്ള പരിജ്ഞാനവും വേണം. അന്യത്ര സേവനത്തിനായി നിർദ്ദിഷ്ട മാതൃകയിലുള്ള അപേക്ഷയിൽ ഓഫീസ് മേധാവിയെ കൊണ്ട് സൈൻ ചെയ്ത് വകുപ്പ് മേധാവിയുടെ നിരാക്ഷേപ പത്രം സഹിതം ceo@anert.in ലേക്ക് നവംബർ 15 നകം ലഭ്യമാക്കണം. ചീഫ് എക്സിക്യൂട്ടീവ് ഓഫീസർ, അനെർട്ട്, ലാ കോളേജ് റോഡ്, പി.എം.ജി, വികാസ് ഭവൻ. പി.ഒ, തിരുവനന്തപുരം- 695033 എന്ന വിലാസത്തിൽ അസൽ അപേക്ഷ അയക്കുകയും വേണം.
