പാകിസ്ഥാനെതിരെ 124 റണ്സിന്റെ തകര്പ്പന് ജയവുമായാണ് ഇന്ത്യ ചാംപ്യന്സ് ട്രോഫി ക്രിക്കറ്റ് പോരാട്ടത്തിന് തുടക്കമിട്ടത്. ചിരവൈരികളായ പാകിസ്ഥാനെതിരെ കളിയുടെ എല്ലാ രംഗങ്ങളിലും സമഗ്രാധിപത്യം പുലര്ത്തിയാണ് ഇന്ത്യ ജയിച്ചത്. ഈ വിജയത്തോടെ അത്യപൂര്വ്വ നേട്ടം കൈവരിക്കാനും ഇന്ത്യന് ടീമിന് ആയി. ഐസിസി ടൂര്ണമെന്റുകളില് ഒരു ടീം മറ്റൊരു ടീമിനെതിരെ ഏറ്റവുമധികം തവണ ജയിക്കുന്ന റെക്കോര്ഡ് എന്ന നേട്ടമാണ് പാകിസ്ഥാനെതിരെ ഇന്ത്യ കൈവരിച്ചത്. ഇതുവരെയുള്ള ലോകകപ്പ്, ചാംപ്യന്സ് ട്രോഫി തുടങ്ങിയ ഐസിസി ടൂര്ണമെന്റുകളിലായി ഇന്ത്യ 13 തവണ പാകിസ്ഥാനെ തോല്പ്പിച്ചു. അവസാനം നടന്ന ഏഴ് ഐസിസി ചാംപ്യന്ഷിപ്പുകളിലും ഇന്ത്യ പാകിസ്ഥാനെ തോല്പ്പിച്ചിട്ടുണ്ട്. 2009ല് ദക്ഷിണാഫ്രിക്കയില് നടന്ന ചാംപ്യന്സ് ട്രോഫി മല്സരത്തിലാണ് ഏറ്റവുമൊടുവില് പാകിസ്ഥാന് ഇന്ത്യയെ തോല്പ്പിച്ചത്. ഐസിസി ചാംപ്യന്സ് ട്രോഫികളില് റണ്സ് അടിസ്ഥാനത്തിലുള്ള ഏറ്റവും വലിയ വിജയം കൂടിയാണ് എഡ്ജ്ബാസ്റ്റണില് ഇന്ത്യ സ്വന്തമാക്കിയത്.
