മുംബൈ: ഐടി കമ്പനിയായ എച്ച്സി‌എൽ ടെക്നോളജീസ് 2020 ജൂൺ പാദത്തിൽ 31.7 ശതമാനം അറ്റലാഭത്തിൽ വർധന രേഖപ്പെടുത്തി. അറ്റലാഭം 2,925 കോടി രൂപയായാണ് കമ്പനി വർധിപ്പിച്ചത്. കമ്പനിയുടെ ചെയർമാൻ പദവി ഒഴിയുകയാണെന്ന് ശിവ നാടാറും പ്രഖ്യാപിച്ചു.

നാടാറിന്റെ മകൾ റോഷ്നി നാടാർ മൽഹോത്ര ഉടൻ കമ്പനിയുടെ നേതൃത്വം ഏറ്റെടുക്കുമെന്നും എച്ച്സി‌എൽ ടെക്നോളജീസ് വ്യക്തമാക്കി. 

2019 ഏപ്രിൽ-ജൂൺ പാദത്തിൽ ഐടി കമ്പനി 2,220 കോടി രൂപയുടെ അറ്റാദായം രേഖപ്പെടുത്തിയിട്ടുണ്ട് (റെ​ഗുലേറ്ററി ഫയലിം​ഗിൽ കമ്പനി അറിയിച്ചു). അവലോകന കാലയളവിൽ അതിന്റെ വരുമാനം 8.6 ശതമാനം ഉയർന്ന് 17,841 കോടിയായി. കഴിഞ്ഞ വർഷം ഇതേ കാലയളവിൽ ഇത് 16,425 കോടി രൂപയായിരുന്നു.

11 പുതിയ പരിവർത്തന ഡീൽ വിജയങ്ങൾ നേടിയെടുത്ത കമ്പനിക്ക് ആരോഗ്യകരമായ ബുക്കിംഗുകൾ ഉണ്ടെന്ന് എച്ച്സിഎൽ ടെക്നോളജീസ് പ്രസിഡന്റും സിഇഒയുമായ സി വിജയകുമാർ പറഞ്ഞു. 

“ഈ പാദത്തിൽ ഞങ്ങൾ നിരവധി വലിയ കരാറുകൾ പുതുക്കി... ശക്തമായ ഡിമാൻഡ് അന്തരീക്ഷവും ശക്തമായ പൈപ്പ്ലൈനും ഞങ്ങൾ കാണുന്നു, ഇത് വളർച്ചാ പാതയിൽ മുന്നോട്ട് പോകാനാകുമെന്ന ആത്മവിശ്വാസം ഞങ്ങൾക്ക് നൽകുന്നു,” അദ്ദേഹം പറഞ്ഞു.