Asianet News MalayalamAsianet News Malayalam

"ഞങ്ങൾ ആമയെപ്പോലെ പെരുമാറില്ല": ആഭ്യന്തര വിപണിയിൽ കൂടുതൽ സജീവമാകുന്നതിന്റെ സൂചന നൽകി മഹീന്ദ്ര

“ദക്ഷിണ കൊറിയയുടെ ആഭ്യന്തര വിപണിയിലും ആഗോളതലത്തിലും കമ്പനി മോശം പ്രകടനമാണ് കാഴ്ചവച്ചത്,” ഐഎച്ച്എസ് മാർക്കിറ്റിന്റെ പ്രിൻസിപ്പൽ അനലിസ്റ്റ് സൂരജ് ഘോഷ് പറഞ്ഞു.

mahindra group plan to concentrate more in domestic market
Author
Mumbai, First Published Jul 20, 2020, 12:30 PM IST

ഴിഞ്ഞ അഞ്ചുവർഷത്തിനിടെ മഹീന്ദ്ര ഗ്രൂപ്പിന്റെ മിക്ക ബിസിനസ് സംരംഭങ്ങളുടെയും അന്താരാഷ്ട്ര വരുമാനം ഒന്നുകിൽ വളരുകയോ കുറയുകയോ ചെയ്തു. പ്രധാന ബിസിനസായ മഹീന്ദ്ര ആൻഡ് മഹീന്ദ്ര ഒഴികെ, തെറ്റായ തീരുമാനങ്ങൾ അതിന്റെ വിറ്റുവരവ് 33,000 കോടി രൂപയായി ചുരുങ്ങാനിടയായി, 2019 സാമ്പത്തിക വർഷത്തിൽ നിന്ന് 4,000 കോടി രൂപയാണ് വിറ്റുവരവിൽ ഈ വർഷം കുറവുണ്ടാക്കിയത്, അതുവഴി ഗ്രൂപ്പിന്റെ ലാഭ മാർജിനിലും കുറവുണ്ടായി. 

വിവിധ മേഖലകളിൽ സജീവമായിട്ടുളള ഗ്രൂപ്പിന്റെ സംയോജിത വരുമാനം ആഭ്യന്തരവും അന്തർദ്ദേശീയവുമായി വിഭജിക്കപ്പെടുന്നു, ടെക് മഹീന്ദ്രയെ ഒഴിവാക്കിയതിന് ശേഷം 64 ശതമാനവും 36 ശതമാനവുമാണ് വരുമാനം വിഭജനം. (ടെക് മഹീന്ദ്ര, മഹീന്ദ്രയു‌ടെ ഭൂരിപക്ഷ ഉടമസ്ഥതയിലുള്ള കമ്പനിയല്ല.) കമ്പനിയുടെ ഓപ്പറേറ്റിങ് മാനേജ്മെന്റ് അടുത്തിടെ നടന്ന ഒരു നിക്ഷേപക യോഗത്തിൽ ബാലൻസ് ഷീറ്റിന്റെ തകരാറിന് കാരണമായ അന്താരാഷ്ട്ര സംരംഭങ്ങൾക്ക് ധനസഹായം നൽകുമെന്ന് വ്യക്തമാക്കിയിട്ടുണ്ട്. 

“ഞങ്ങളുടെ ആഗോള ബിസിനസ്സ് തന്ത്രത്തിൽ ഞങ്ങൾ കൂടുതൽ കാലിബ്രേറ്റ് ചെയ്യപ്പെടും. പക്ഷേ, ഞങ്ങൾ പെട്ടെന്ന് ഒരു ആമയായി മാറി അകത്തേക്ക് തല വലിക്കില്ല. ഞങ്ങൾ അങ്ങനെ ചെയ്താൽ, ഞങ്ങൾ വേഗത്തിൽ പരാജയപ്പെടും, ” മഹീന്ദ്ര എക്സിക്യൂട്ടീവ് ചെയർമാൻ ആനന്ദ് മഹീന്ദ്ര പറഞ്ഞു. 

ദക്ഷിണ കൊറിയയിലെ കാർ നിർമാതാക്കളായ സാങ്‌യോങ് മോട്ടോർ കമ്പനിയിൽ 2011 ൽ നടത്തിയ 2,100 കോടി രൂപയുടെ നിക്ഷേപം മഹീന്ദ്ര നിർത്തിവയ്ക്കുമെന്ന് മഹീന്ദ്ര ആൻഡ് മഹീന്ദ്രയുടെ മാനേജിം​ഗ് ഡയറക്ടർ പവൻ ​ഗോയങ്ക ബിസിനസ് സ്റ്റാൻഡേർഡിനോട് പറഞ്ഞു.

അന്താരാഷ്ട്ര ബിസിനസ്സ് സംരംഭങ്ങൾക്കായി മഹീന്ദ്ര അതിന്റെ ബിസിനസ് തന്ത്രങ്ങൾ പുനസജ്ജമാക്കുന്നുവെന്ന് ഇതിൽ നിന്ന് മനസ്സിലാക്കാം. ഒപ്പം ആഭ്യന്തര വിപണിയിൽ ​ഗ്രൂപ്പ് കൂടുതൽ സജീവമാകുന്നതിന്റെ സൂചനകളും ഉന്നതരിൽ നിന്ന് ലഭിക്കുന്നുണ്ട്. സാങ്‌യോങ്ങിന് കൂടുതൽ ഇക്വിറ്റി നൽകില്ലെങ്കിലും നിലവിലെ സാഹചര്യങ്ങളിൽ കൊറിയൻ നിർമാതാവിന് മഹീന്ദ്ര എസ്‌യുവികളെ ലൈസൻസിന്റെ അടിസ്ഥാനത്തിൽ നിർമ്മിക്കാനുള്ള ക്രമീകരണമാണ് തുടരുകയെന്ന് ഗോയങ്ക പറഞ്ഞു.

സാങ്‌യോങ് ലാഭത്തിലായിരിക്കെ, റഷ്യ, ചൈന തുടങ്ങിയ പ്രധാന വിപണികൾ പ്രശ്‌നകരമാണെന്ന് തെളിഞ്ഞു. “ദക്ഷിണ കൊറിയയുടെ ആഭ്യന്തര വിപണിയിലും ആഗോളതലത്തിലും കമ്പനി മോശം പ്രകടനമാണ് കാഴ്ചവച്ചത്,” ഐഎച്ച്എസ് മാർക്കിറ്റിന്റെ പ്രിൻസിപ്പൽ അനലിസ്റ്റ് സൂരജ് ഘോഷ് പറഞ്ഞു.
 

Follow Us:
Download App:
  • android
  • ios