E4M IMA സൗത്ത് 2023 അവാർഡ്സിൽ 'ഏജൻസി ഒാഫ് ദ ഇയർ' നേടി മൈത്രി അഡ്വർടൈസിങ്ങ് വർക്സ്
ഒൻപത് അവാർഡുകൾ മൈത്രി നേടി. തുടർച്ചയായ രണ്ടാം വർഷവും മൈത്രി, 'ഏജൻസി ഓഫ് ദ ഇയർ'.
എക്സ്ചേഞ്ച് ഫോർ മീഡിയ ഗ്രൂപ്പ് സംഘടിപ്പിക്കുന്ന ഇന്ത്യയിലെ പ്രശസ്ത പരസ്യ അവാർഡുകളിലൊന്നായ E4M IMA സൗത്ത് അവാർഡ്സ് വേദിയിൽ തിളങ്ങി മൈത്രി അഡ്വർടെസിങ്ങ് വർക്സ്.
അഞ്ച് ഗോൾഡും മൂന്നു സിൽവറും ഒരു ബ്രോൺസും ഉൾപ്പെടെ ഒൻപത് അവാർഡുകൾ മൈത്രി നേടി. തുടർച്ചയായ രണ്ടാം വർഷവും മൈത്രി, ഏജൻസി ഓഫ് ദ ഇയർ ബഹുമതിയും സ്വന്തമാക്കി. ഓഗസ്റ്റ് 18-ന് ബാംഗ്ലൂർ നടന്ന ചടങ്ങിൽ മൈത്രി പുരസ്കാരം ഏറ്റുവാങ്ങി.
മുത്തൂറ്റ് ഫിനാൻസിന് വേണ്ടി മലയാളം, തമിഴ്, കന്നട, തെലുങ്ക് സിനിമകളിലെ ഹാസ്യനടന്മാരെ അണിനിരത്തി നാലു ഭാഷകളിലായി ഒരുക്കിയ "ഗോൾഡ് മാൻ' ക്യാംപയിൻ, ഏഷ്യാനെറ്റിന്റെ ജനപ്രിയ ഷോ -ബിഗ് ബോസ് സീസൺ 5- -ന് വേണ്ടിയുള്ള ക്യാംപെയിൻ, തിയേറ്ററിൽ സിനിമ കാണുന്നത് പ്രോത്സാഹിപ്പിക്കുക എന്ന ലക്ഷ്യത്തോടെ ഏഷ്യാനെറ്റിന് വേണ്ടി ഒരുക്കിയ "ഒരു പടത്തിന് പോയാലോ?' ക്യാംപെയിൻ, നെറ്റ്ഫ്ളിക്സിന് വേണ്ടിയുള്ള"നമ്മൾ ഒന്നല്ലേ' ക്യാംപെയിൻ, വുമൺ & ചൈൽഡ് ഡെവലപ്മെന്റ് (WCD) വകുപ്പിനായുള്ള "ഇറ്റ്സ് ടൈം ടു റിയാക്ട്' ക്യാംപെയിൻ തുടങ്ങിയവയ്ക്കാണ് അവാർഡ്.
