ATP Finals| ദാനില്‍ മെദ്‌വേദേവിനെ തകര്‍ത്തു; അലക്‌സാണ്ടര്‍ സ്വരേവിന് കിരീടം
ഫൈനലില്‍ റഷ്യയുടെ ദാനില്‍ മെദ്‌വദേവിനെ (Daniil Medvedev) നേരിട്ടുള്ള സെറ്റുകള്‍ക്ക് തോല്‍പ്പിച്ചാണ് കിരീടം. സ്‌കോര്‍ 6-4 6-4.
ടൂറിന്‍: എടിപി ഫൈനല്‍സ് (ATP Finals) ടെന്നിസില്‍ ജര്‍മന്‍ താരം അലകസാണ്ടര്‍ സ്വരേവ് (Alexander Zverev) ചാംപ്യന്‍. ഫൈനലില്‍ റഷ്യയുടെ ദാനില്‍ മെദ്‌വദേവിനെ (Daniil Medvedev) നേരിട്ടുള്ള സെറ്റുകള്‍ക്ക് തോല്‍പ്പിച്ചാണ് കിരീടം. സ്‌കോര്‍ 6-4 6-4. സെമിയില്‍ ലോക ഒന്നാം നമ്പര്‍ താരം നൊവാക് ജോക്കോവിച്ചിനെ (Novak Djokovic) വീഴ്ത്തിയാണ് സ്വെരേവ് ഫൈനലിലെത്തിയത്.
ലോക രണ്ടാം നമ്പര്‍ താരമായ മെദ്‌വദേവിനെതിരെയും സമാനമായ പോരാട്ടമാണ് കാഴ്ചവച്ചത്. എടിപി ഫൈനല്‍സില്‍ സ്വരേവിന്റെ രണ്ടാം കിരീടമാണ് ഇത്. ഈ വര്‍ഷത്തെ ഒളിംപിക് സ്വര്‍ണവും സ്വരേവിനായിരുന്നു.
24കാരനായ സ്വരേവിന് ഇതുവരെ ഗ്രാന്‍സ്ലാം കിരീടം നേടാനായിട്ടില്ല. മാത്രമല്ല, സിന്‍സിനാറ്റി ഓപ്പണിലും മാഡ്രിഡിലും സ്വരേവ് കിരീടം നേടിയിരുന്നു.
