Asianet News MalayalamAsianet News Malayalam

ഐസിസി ഏകദിന റാങ്കിംഗ്: ഒന്നാം സ്ഥാനത്ത് ലീഡുയര്‍ത്തി ബാബര്‍ അസം

ബൗളര്‍മാരുടെ റാങ്കിംഗില്‍ ന്യൂസിലന്‍ഡിന്‍റെ മിച്ചല്‍ സാന്‍റ്നര്‍ എട്ടാം സ്ഥാനത്തെത്തി. ഏകദിന ബൗളിംഗ് റാങ്കിംഗില്‍ ഓസ്ട്രേലിയയുടെ ജോഷ് ഹേസല്‍വുഡ് മൂന്നാം സ്ഥാനത്തേക്ക് ഉയര്‍ന്നു.

Babar Azam keeps top position in ICC ODI rankings
Author
Dubai - United Arab Emirates, First Published Aug 17, 2022, 7:15 PM IST

ദുബായ്: ഐസിസി ഏകദിന റാങ്കിംഗില്‍ ഒന്നാം സ്ഥാനം സുരക്ഷിതമായി പാക്കിസ്ഥാന്‍ നായകന്‍ ബാബര്‍ അസം. പാക്കിസ്ഥാന്‍-നെതര്‍ല‍ഡ്സ് ഏകദിന പരമ്പരയിലെ ആദ്യ മത്സരത്തിനുശേഷം പുറത്തിറക്കിയ പുതി റാങ്കിംഗില്‍ 893 റേറ്റിംഗ് പോയന്‍റുമായി ബാബര്‍ ഒന്നാം സ്ഥാനം അരക്കിട്ടുറപ്പിച്ചു. രണ്ടാം സ്ഥാനത്തുള്ള പാക്കിസ്ഥാന്‍റെ തന്നെ ഇമാമുള്‍ ഹഖിന് 800 റേറ്റിംഗ് പോയന്‍റാണുള്ളത്.

നെതര്‍ലന്‍ഡ്സിനെതിരായ ഏകദിന പരമ്പരയിലെ ആദ്യ മത്സരത്തില്‍ ബാബര്‍ 74 റണ്‍സുമായി തിളങ്ങിയിരുന്നു. ടി20 റാങ്കിംഗിലും നിലവില്‍ ബാബര്‍ തന്നെയാണ് ഒന്നാം സ്ഥാനത്ത്. വെസ്റ്റ് ഇന്‍ഡീസിനെതിരായ ഏകദിന പരമ്പരയില്‍ തിളങ്ങിയ ന്യൂസിലന്‍ഡ് ബാറ്റര്‍ ഡെവോണ്‍ കോണ്‍വെ ഏകദിന റാങ്കിംഗില്‍ ഏഴാം റാങ്കിലെത്തി. ഇന്ത്യന്‍ നായകന്‍ രോഹിത് ശര്‍മ ആറാമതും വിരാട് കോലി അഞ്ചാമതുമാണ്.

അഫ്രീദി അന്ന് സച്ചിനെ കുറേ ചീത്ത വിളിച്ചു, സച്ചിന്‍റെ ഏറ്റവും മികച്ച ലോകകപ്പ് ഇന്നിംഗ്സിനെക്കുറിച്ച് സെവാഗ്

ബൗളര്‍മാരുടെ റാങ്കിംഗില്‍ ന്യൂസിലന്‍ഡിന്‍റെ മിച്ചല്‍ സാന്‍റ്നര്‍ എട്ടാം സ്ഥാനത്തെത്തി. ഏകദിന ബൗളിംഗ് റാങ്കിംഗില്‍ ഓസ്ട്രേലിയയുടെ ജോഷ് ഹേസല്‍വുഡ് മൂന്നാം സ്ഥാനത്തേക്ക് ഉയര്‍ന്നു. അഫ്ഗാന്‍ താരം മുജീബ് ഉര്‍ റഹ്മാന്‍ ഒരു സ്ഥാനം മെച്ചപ്പെടുത്തി നാലാം സ്ഥാനത്തേക്ക് ഉയര്‍ന്നു. ഇന്ത്യയുടെ ജസ്പ്രീത് ബുമ്ര രണ്ടാം സ്ഥാനത്തുണ്ട്. ട്രെന്‍റ് ബോള്‍ട്ടാണ് ബൗളര്‍മാരില്‍ ഒന്നാം സ്ഥാനത്ത്. അടുത്തിടെ ന്യൂസിലന്‍ഡ് ടീമിന്‍റെ കരാറില്‍ നിന്ന് ഒഴിവാക്കണമെന്ന് ബോള്‍ട്ട് അഭ്യര്‍ത്ഥിച്ചിരുന്നു.

ലോകകപ്പാണ് മുന്നില്‍, അവരെ രണ്ട് പേരെയും നിരീക്ഷിക്കൂ! വിവിഎസ് ലക്ഷ്മണിന് സെലക്റ്റര്‍മാരുടെ നിര്‍ദേശം

പരിക്കുമൂലം നെതര്‍ലന്‍ഡ്സിനെതിരെ കളിക്കാത്തതിനാല്‍ പാക് പേസര്ഡ ഷഹീന്‍ അഫ്രീദി രണ്ട് സ്ഥാനം താഴേക്കിറങ്ങി. ബംഗ്ലാദേശ് പേസര്‍ മുസ്തഫിസുര്‍ റഹ്മാന്‍ ഏകദിന റാങ്കിംഗില്‍ ആറ് സ്ഥാനങ്ങള്‍ മെച്ചപ്പെടുത്തി പത്താം സ്ഥാനത്തേക്കയുയര്‍ന്നതാണ് മറ്റൊരു പ്രധാന മാറ്റം. ഓള്‍ റൗണ്ടര്‍മാരുടെ റാങ്കിംഗില്‍ മാറ്റങ്ങളില്ല. ബംഗ്ലാദേശിന്‍റെ ഷാക്കിബ് അല്‍ ഹസനാണ് ഒന്നാം സ്ഥാനത്ത്.

Follow Us:
Download App:
  • android
  • ios