ദക്ഷിണാഫ്രിക്കക്കെതിരായ പരമ്പരയില് മിന്നുന്ന ഫോമിലായിരുന്നു ശിഖര് ധവാന്. റുതുരാജ് ഗെയ്ക്വാദ് ആകട്ടെ ഐപിഎല്ലിലെ ടോപ് സ്കോററാണ്. ദക്ഷിണാഫ്രിക്കയില് തിളങ്ങാന് കഴിയാതിരുന്ന മധ്യനിര ബാറ്റര് ശ്രേയസ് അയ്യര്ക്കും പരമ്പര നിര്ണായകമാണ്. പരമ്പരയ്ക്കായി ജനുവരി 31നാണ് ഇന്ത്യന് താരങ്ങള് അഹമ്മദാബാദിലെത്തിയത്.
അഹമ്മദാബാദ്: വെസ്റ്റ് ഇന്ഡീസിനെതിരായ (India vs West Indies) ഏകദിന പരമ്പരയ്ക്ക് മുമ്പ് ടീം ഇന്ത്യയില് (Team India) കൊവിഡ് (Covid-19) വ്യാപനം. മൂന്ന് താരങ്ങളും ഒരു റിസര്വ് താരവും അടക്കം ഏഴ് പേര് കൊവിഡ് പോസിറ്റീവായതോടെ മായങ്ക് അഗര്വാളിനെ ടീമിലുള്പ്പെടുത്തി.ശിഖര് ധവാന് (Shikhar Dhawan), ശ്രേയസ് അയ്യര് (Shreyas Iyer), റുതുരാജ് ഗെയ്ക്വാദ് (Ruturaj Gaikwad) റിസര്വ് താരമായ നവദീപ് സെയ്നി(Navdeep Saini) എന്നിവരാണ് കൊവിഡ് സ്ഥിരീകരിക്കപ്പെട്ട താരങ്ങളെന്ന് ബിസിസിഐ വാര്ത്താക്കുറിപ്പില് വ്യക്തമാക്കി.
ദക്ഷിണാഫ്രിക്കക്കെതിരായ പരമ്പരയില് മിന്നുന്ന ഫോമിലായിരുന്നു ശിഖര് ധവാന്. റുതുരാജ് ഗെയ്ക്വാദ് ആകട്ടെ ഐപിഎല്ലിലെ ടോപ് സ്കോററാണ്. ദക്ഷിണാഫ്രിക്കയില് തിളങ്ങാന് കഴിയാതിരുന്ന മധ്യനിര ബാറ്റര് ശ്രേയസ് അയ്യര്ക്കും പരമ്പര നിര്ണായകമാണ്. പരമ്പരയ്ക്കായി ജനുവരി 31നാണ് ഇന്ത്യന് താരങ്ങള് അഹമ്മദാബാദിലെത്തിയത്.
ഇവിടെ നടത്തിയ പരിശോധനയിലാണ് താരങ്ങള്ക്കും സപ്പോര്ട്ട് സ്റ്റാഫിനും കൊവിഡ് കണ്ടെത്തിയത്. കൊവിഡ് സ്ഥിരീകരിച്ച കളിക്കാരെ ഐസൊലേഷനിലേക്ക് മാറ്റുമെന്ന് ബിസിസിഐ വ്യക്തമാക്കി. ഇവര് പൂര്ണമായും രോഗമുക്തരാകുന്നതുവരെ ഐസൊലേഷനില് തുടരും. കളിക്കാര്ക്ക് പുറമെ ഫീല്ഡിംഗ് കോച്ച് ടി ദിലീപ്, സെക്യൂരിറ്റി ലെയ്സണ് ഓഫിസര് ബി ലോകേഷ്, മസാജ് തെറാപിസ്റ്റ് രാജീവ് കുമാര് എന്നിവരാണ് ടീം ക്യാംപില് കൊവിഡ് സ്ഥിരീകരിച്ച മറ്റുള്ളവര്.
അഹമ്മദാഹാദില് ഈ മാസം 6, 9, 11 തിയതികളിലാണ് ഇന്ത്യ-വിന്ഡീസ് ഏകദിന പരമ്പര. ഇതിന് ശേഷം കൊല്ക്കത്തയില് 16, 18, 20 തിയതികളില് ടി20 മത്സരങ്ങള് നടക്കും.
ഇന്ത്യ ഏകദിന ടീം: രോഹിത് ശര്മ്മ, കെ എല് രാഹുല്, റുതുരാജ് ഗെയ്ക്വാദ്, ശിഖര് ധവാന്, വിരാട് കോലി, ശ്രേയസ് അയ്യര്, സൂര്യകുമാര് യാദവ്, റിഷഭ് പന്ത്, ദീപക് ഹൂഡ, ദീപക് ചാഹര്, ഷര്ദ്ദുല് ഠാക്കൂര്, രവി ബിഷ്ണോയ്, യുസ്വേന്ദ്ര ചഹല്, വാഷിംഗ്ടണ് സുന്ദര്, മുഹമ്മദ് സിറാജ്, പ്രസിദ്ധ് കൃഷ്ണ, ആവേശ് ഖാന്.
വിന്ഡീസ് ഏകദിന ടീം: കീറോണ് പൊള്ളാര്ഡ്, ഫാബിയന് അലന്, ക്രൂമ ബോന്നര്, ഡാരന് ബ്രാവോ, ഷംമ്ര ബൂക്സ്, ജേസണ് ഹോള്ഡര്, ഷായ് ഹോപ്പ്, അകീല് ഹൊസെയ്ന്, അല്സാരി ജോസഫ്, ബ്രന്ഡണ് കിംഗ്, നിക്കോളാസ് പുരാന്, കെമര് റോച്ച്, റൊമാരിയോ ഷെഫേര്ഡ്, ഒഡീന് സ്മിത്ത്, ഹെയ്ഡന് വാല്ഷ്.
