കേപ്ടൗണ്‍: ദക്ഷിണാഫ്രിക്കന്‍ ഫാസ്റ്റ് ബൗളര്‍ ഡെയ്ല്‍ സ്റ്റെയിന്‍ ടെസ്റ്റ് ക്രിക്കറ്റില്‍ നിന്ന് വിരമിച്ചു. എന്നാല്‍ ഏകദിന- ടി20 മത്സരങ്ങളില്‍ തുടര്‍ന്നും കളിക്കും. നിശ്ചിത ഓവര്‍ ക്രിക്കറ്റില്‍ ശ്രദ്ധ കേന്ദ്രീകരിക്കാനാണ് ടെസ്റ്റ് ക്രിക്കറ്റില്‍ നിന്ന് വിരമിക്കല്‍ പ്രഖ്യാപിച്ചത്. 

93 ടെസ്റ്റുകള്‍ കളിച്ചിട്ടുള്ള 36കാരന്‍ 439 വിക്കറ്റുകള്‍ സ്വന്തമാക്കിയിട്ടുണ്ട്. ടെസ്റ്റ് ക്രിക്കറ്റ് ചരിത്രത്തില്‍ ഏറ്റവും കൂടുതല്‍ വിക്കറ്റുകള്‍ വീഴ്ത്തിയിട്ടുള്ള ബൗളര്‍മാരില്‍ എട്ടാമനാണ് സ്റ്റെയ്ന്‍. പേസര്‍മാരുടെ പട്ടികയില്‍ അഞ്ചാം സ്ഥാനവും സ്റ്റെയ്‌നിനുണ്ട്. 

അഞ്ച് പത്ത് വിക്കറ്റ് നേട്ടവും 26 തവണ അഞ്ച് വിക്കറ്റ് നേട്ടവും സ്റ്റെയ്ന്‍ സ്വന്താക്കി. 7/51 ആണ് ടെസ്റ്റ് കരിയറിലെ സ്റ്റെയിനിന്റെ ഏറ്റവു മികച്ച പ്രകടനം.