ബെന്‍ സ്റ്റോക്സ് ഏകദിന ടീമില്‍ തിരിച്ചെത്തി, ഇന്ത്യക്കെതിരായ ഏകദിന, ടി20 പരമ്പരകള്‍ക്കുള്ള ഇംഗ്ലണ്ട് ടീമായി
മൊയീന്‍ അലി, ലിയാം ലിവിംഗ്‌സ്റ്റണ്‍, ജേസണ്‍ റോയ്, ജോണി ബെയര്‍സ്റ്റോ തുടങ്ങിയ പ്രമുഖരെല്ലാം ഇംഗ്ലണ്ട് ടീമിലുണ്ട്.
ലണ്ടന്‍: ഇന്ത്യക്കെതിരായ ഏകദിന, ടി20 പരമ്പരകള്‍ക്കുള്ള ഇംഗ്ലണ്ട് ക്രിക്കറ്റ് ടീമിനെ പ്രഖ്യാപിച്ചു. ടെസ്റ്റ് ടീം നായകന് ബെന്‍ സ്റ്റോക്സ് ഏകദിന ടീമില്‍ തിരിച്ചെത്തിയപ്പോള്‍ ടി20 ടീമില്‍ ബെന്‍ സ്റ്റോക്സിനെ ഉള്‍പ്പെടുത്തിയിട്ടില്ല. ജോസ് ബട്‌ലറാണ് ഏകദിന, ടി20 ടീമുകളുടെ പുതിയ നായകന്.
ഇന്ത്യക്കെതിരായ ടെസ്റ്റിനുശേഷം ജൂലൈ ഏഴ് മുതലാണ് ടി20 പരമ്പര തുടങ്ങുക. ഏകദിന ടീമില്‍ ഉള്‍പ്പെടുത്തിയ ബെന്‍ സ്റ്റോക്സിനെ ടി20 ടീമിലേക്ക് പരിഗണിക്കാതിരുന്നത് ശ്രദ്ധേയമായി. കഴിഞ്ഞ വര്‍ഷം മാര്‍ച്ചിനുശേഷം ബെന്‍ സ്റ്റോക്സ് ഇംഗ്ലണ്ടിനായി ടി20 ക്രിക്കറ്റില്‍ കളിച്ചിട്ടില്ല. ടി20 ടീമില്‍ അംഗമായ ആദില്‍ റഷീദിനെ ഏകദിന പരമ്പരക്കുള്ള ടീമില്‍ ഉള്‍പ്പെടുത്തിയിട്ടില്ല. ഹജ്ജിന് പോകാന്‍ സൗകര്യത്തിനായാണ് റഷീദിനെ ഏകദിന ടീമില്‍ നിന്ന് ഒഴിവാക്കിയത്.
മൊയീന്‍ അലി, ലിയാം ലിവിംഗ്‌സ്റ്റണ്‍, ജേസണ്‍ റോയ്, ജോണി ബെയര്‍സ്റ്റോ തുടങ്ങിയ പ്രമുഖരെല്ലാം ഇംഗ്ലണ്ട് ടീമിലുണ്ട്.
ഇന്ത്യക്കെതിരായ ടി20 പരമ്പരക്കുള്ള ഇംഗ്ലണ്ട് ടീം: Jos Buttler (captain), Moeen Ali, Harry Brook, Sam Curran, Richard Gleeson, Chris Jordan, Liam Livingstone, Dawid Malan, Tymal Mills, Matthew Parkinson, Jason Roy, Phil Salt, Reece Topley, David Willey.
ഇന്ത്യക്കെതിരായ ഏകദിന പരമ്പരക്കുള്ള ഇംഗ്ലണ്ട് ടീം: Jos Buttler (captain), Moeen Ali, Jonathan Bairstow, Harry Brook, Brydon Carse, Sam Curran, Liam Livingstone, Craig Overton, Matthew Parkinson, Joe Root, Jason Roy, Phil Salt, Ben Stokes, Reece Topley, David Willey.A
