Asianet News MalayalamAsianet News Malayalam

നിലയുറപ്പിച്ച് പോപ്പ്, ഓവലില്‍ ഇംഗ്ലണ്ടിന് ലീഡ്

53-3 എന്ന സ്കോറില്‍ മൂന്നാം ദിനം ക്രീസിലെത്തിയ ഇംഗ്ലണ്ടിന്‍റെ നൈറ്റ് വാച്ച്മാന്‍ ഓവര്‍ടണെയും(1), ഡേവിഡ് മലനെയും(31) തുടക്കത്തിലെ മടക്കി ഉമേഷ് യാദവ് ഇംഗ്ലണ്ടിന് ഇരട്ടപ്രഹരമേല്‍പ്പിച്ചു.

England vs India: 4th Test Live Updates England takes first inning Lead
Author
Oval Station, First Published Sep 3, 2021, 8:39 PM IST
  • Facebook
  • Twitter
  • Whatsapp

ഓവല്‍: ഇന്ത്യക്കെതിരായ ഓവല്‍ ക്രിക്കറ്റ് ടെസ്റ്റില്‍ ഇംഗ്ലണ്ടിന് ഒന്നാം ഇന്നിംഗ്സ് ലീഡ്. മൂന്നാം ദിനം ചായക്ക് പിരിയുമ്പോള്‍ ഏഴ് വിക്കറ്റ് നഷ്ടത്തില്‍ 227 റണ്‍സെടുത്ത ഇംഗ്ലണ്ട് 36 റണ്‍സിന്‍റെ നിര്‍ണായക ഒന്നാം ഇന്നിംഗ്സ് ലീഡ് നേടി. 74 റണ്‍സുമായി ഓലി പോപ്പും നാലു റണ്‍സോടെ ക്രിസ് വോക്സുമാണ് ക്രീസില്‍.

തുടക്കത്തില്‍ വിറപ്പിച്ചു, പിന്നീട് പിടി അയഞ്ഞു

53-3 എന്ന സ്കോറില്‍ മൂന്നാം ദിനം ക്രീസിലെത്തിയ ഇംഗ്ലണ്ടിന്‍റെ നൈറ്റ് വാച്ച്മാന്‍ ഓവര്‍ടണെയും(1), ഡേവിഡ് മലനെയും(31) തുടക്കത്തിലെ മടക്കി ഉമേഷ് യാദവ് ഇംഗ്ലണ്ടിന് ഇരട്ടപ്രഹരമേല്‍പ്പിച്ചു. ഇതോടെ 62-5ലേക്ക് കൂപ്പുകുത്തിയ ഇന്ത്യ ഒന്നാം ഇന്നിംഗ്സ് ലീഡ് പ്രതീക്ഷിച്ചു. എന്നാല്‍ ആറാം വിക്കറ്റില്‍ 89 റണ്‍സിന്‍റെ കൂട്ടുകെട്ടുയര്‍ത്തി ഓലി പോപ്പും ജോണി ബെയര്‍സ്റ്റോയും ചേര്‍ന്ന് പ്രത്യാക്രമണത്തിലൂടെ ഇംഗ്ലണ്ടിനെ കരകയറ്റി.

ലഞ്ചിന് ശേഷം ജോണി ബെയര്‍സ്റ്റോയെ(37) വിക്കറ്റിന് മുന്നില്‍ കുടുക്കി മുഹമ്മദ് സിറാജ് ഇന്ത്യക്ക് പ്രതീക്ഷ നല്‍കിയെങ്കിലും മൊയീന്‍ അലിയെ കൂട്ടുപിടിച്ച് പോരാട്ടം തുടര്‍ന്ന പോപ്പ് ഇംഗ്ലണ്ടിന് ഒന്നാം ഇന്നിംഗ്സ് ലീഡ് സമ്മാനിച്ചു. ചായക്ക് തൊട്ടു മുമ്പ് മൊയീന്‍ അലിയെ(35) രവീന്ദ്ര ജഡേജ വീഴ്ത്തിയെങ്കിലും ക്രിസ് വോക്സിനെ കൂട്ടുപിടിച്ച് പോപ്പ് ഇംഗ്ലണ്ടിനെ 200 കടത്തി. ഇന്ത്യക്കായി ഉമേഷ് യാദവ് മൂന്ന് വിക്കറ്റും ജസ്പ്രീത് ബുമ്ര രണ്ടും വിക്കറ്റുമെടുത്തു.

Follow Us:
Download App:
  • android
  • ios