Asianet News Malayalam

രണ്ടാം ക്രിക്കറ്റ് ടെസ്റ്റിലും ന്യൂസിലൻഡിനെതിരെ ഇം​ഗ്ലണ്ടിന് ബാറ്റിം​ഗ് തകർച്ച

ഓപ്പണിം​ഗ് വിക്കറ്റിൽ 72 റൺസെടുത്ത് ഡൊമനിക് സിബ്ലിയും റോറി ബേൺസും മികച്ച തുടക്കമിട്ടെങ്കിലും ഇം​​ഗ്ലണ്ട് മധ്യനിരക്ക് അത് മുതലാക്കാനായില്ല.

England vs New Zeland 2nd cricket test day 1 match report
Author
London, First Published Jun 10, 2021, 11:42 PM IST
  • Facebook
  • Twitter
  • Whatsapp

ബർമിം​ഗ്ഹാം: ന്യൂസിലൻഡിനെതിരായ രണ്ടാം ക്രിക്കറ്റ് ടെസ്റ്റിൽ ആദ്യ ദിനം ഇം​ഗ്ലണ്ടിന് ബാറ്റിം​ഗ് തകർച്ച. ടോസ് നേടി ബാറ്റിം​ഗിനിറങ്ങിയ ഇം​ഗ്ലണ്ട് ഒന്നാം ദിനം കളി നിര്ഡത്തുമ്പോൾ ഏഴ് വിക്കറ്റ് നഷ്ടത്തിൽ 258 റൺസെടുത്തു. 67 റൺസുമായി ഡാനിയേൽ ലോറൻസും 16 റൺസോടെ മാർക്ക് വുഡും ക്രീസിൽ. 81 റൺസെടുത്ത ഓപ്പണർ റോറി ബേൺസാണ് ഇം​​ഗ്ലണ്ടിന്റെ ടോപ് സ്കോറർ.

ഓപ്പണിം​ഗ് വിക്കറ്റിൽ 72 റൺസെടുത്ത് ഡൊമനിക് സിബ്ലിയും റോറി ബേൺസും മികച്ച തുടക്കമിട്ടെങ്കിലും ഇം​​ഗ്ലണ്ട് മധ്യനിരക്ക് അത് മുതലാക്കാനായില്ല.സിബ്ലിയെ(35) മടക്കി മാറ്റ് ഹെന്റിയാണ് ഇം​ഗ്ലണ്ടിന്റെ തകർച്ച തുടങ്ങിവെച്ചത്. ഒരു റൺസ് കൂടി കൂട്ടിച്ചേർക്കുന്നതിനിടെ സാക്ക് ക്രോളിയെ(0) വീഴ്ത്തി വാ​ഗ്നർ ഇം​ഗ്ലണ്ടിന് ഇരട്ടപ്രഹരമേൽപ്പിച്ചു.

ക്യാപ്റ്റൻ ജോ റൂട്ടിനും ക്രീസിൽ അധികം ആയുസുണ്ടായില്ല. നാലു റൺസെടുത്ത റൂട്ടിനെയും മാറ്റ് ഹെന്റിയാണ് വീഴ്ത്തിയത്. ഓലി പോപ്പ്(19) പിടിച്ചു നിൽക്കാൻ ശ്രമിച്ചെങ്കിലും അജാസ് പട്ടേലിന് വിക്കറ്റ് സമ്മാനിച്ച് മടങ്ങി.ജെയിംസ് ബ്രേസിയെയും(0) റോറി ബോൺസിനെയും ബോൾട്ട് വീഴ്ത്തിയതോടെ ഇം​ഗ്ലണ്ട് കൂട്ടത്തകർച്ചയിലായി.

എന്നാല്‌ ഓലീ സ്റ്റോണിനെയും(20) മാർക്ക് വുഡിനെയും(16 നോട്ടൗട്ട്) കൂട്ടുപിടിച്ച് ലോറൻസ് നടത്തിയ ചെറുത്തുനിൽപ്പ് ഇം​ഗ്ലണ്ടിനെ 250 കടത്തി. കിവീസിനായി ബോൾട്ടും ഹെന്റിയും അജാസ് പട്ടേലും രണ്ട് വിക്കറ്റ് വീതം വീഴ്ത്തി. പരമ്പരയിലെ ആദ്യ ടെസ്റ്റ് സമനിലയിൽ അവസാനിച്ചിരുന്നു.

Follow Us:
Download App:
  • android
  • ios