ഐപിഎല്ലില് ഡല്ഹി ക്യാപിറ്റല്സിനെതിരെ 200 റണ്സ് വിജയലക്ഷ്യം പിന്തുടരുന്ന ഗുജറത്ത് ടൈറ്റന്സിന് മികച്ച തുടക്കം. ശുഭ്മാന് ഗില്ലും സായ് സുദര്ശനും ചേര്ന്ന് ടീമിന് മികച്ച തുടക്കം നല്കി.
ദില്ലി: ഐപിഎല്ലില് ഡല്ഹി ക്യാപിറ്റല്സിനെതിരെ 200 റണ്സ് വിജയലക്ഷ്യം പിന്തുടരുന്ന ഗുജറത്ത് ടൈറ്റന്സിന് മോഹിപ്പിക്കുന്ന തുടക്കം. ദില്ലി, അരുണ് ജെയ്റ്റ്ലി സ്റ്റേഡിയത്തില് മത്സരം പുരോഗമിക്കുമ്പോള് ഗുജറാത്ത് ഏഴ് ഓവറില് വിക്കറ്റ് നഷ്ടമില്ലാതെ 63 റണ്സെടുത്തിട്ടുണ്ട്. സായ് സുദര്ശന് (46), ശുഭ്മാന് ഗില് (174) എന്നിവരാണ് ക്രീസില്. സായ് ഇതുവരെ ഒരു സിക്സും ഏഴ് ഫോറും നേടി. ഗില്ലിന്റെ ഇന്നിംഗ്സില് ഒരു സിക്സുണ്ട്. നേരത്തെ, കെ എല് രാഹുലിന്റെ (65 പന്തില് 112) സെഞ്ചുറിയാണ് ഡല്ഹിയെ കൂറ്റന് സ്കോറിലേക്ക് നയിച്ചത്. അഭിഷേക് പോറല് (19 പന്തില് 30), അക്സല് പട്ടേല് (16 പന്തില് 25) എന്നിവരാണ് മികച്ച പ്രകടനം പുറത്തെടുത്ത മറ്റുതാരങ്ങള്. മൂന്ന് വിക്കറ്റ് മാത്രമാണ് ഡല്ഹിക്ക് നഷ്ടമായത്.
ടോസ് നഷ്ടപ്പെട്ട് ബാറ്റിംഗിനെത്തിയ ഡല്ഹിക്ക് പതിഞ്ഞ തുടക്കമായിരുന്നു. നാലാം ഓവറില് തന്നെ ഫാഫ് ഡു പ്ലെസിസിന്റെ (5) വിക്കറ്റ് നഷ്ടമായി. അര്ഷദ് ഖാന്റെ പന്തില് മുഹമ്മദ് സിറാജിന് ക്യാച്ച് നല്കിയാണ് ഫാഫ് മടങ്ങിയത്. അപ്പോള് 16 റണ്സ് മാത്രമാണ് സ്കോര്ബോര്ഡിലുണ്ടായിരുന്നത്. പിന്നാലെ പോറല് - രാഹുല് സഖ്യം 90 റണ്സ് കൂട്ടിചേര്ത്തു. ഈ കൂട്ടുകെട്ട്് തന്നെയാണ് ഡല്ഹിയുടെ ഇന്നിംഗ്സിന്റെ നട്ടെല്ലായത്. എന്നാല് 12-ാം ഓവറില് പോറല് മടങ്ങി. തുടര്ന്നെത്തിയ അക്സറും ഭേദപ്പെട്ട സംഭാവന നല്കി. രാഹുലിനൊപ്പം 45 റണ്സ് ചേര്ക്കാന് അക്സറിന് സാധിച്ചു. അക്സറിനെ പ്രസിദ്ധ് മടക്കിയെങ്കിലും ട്രിസ്റ്റണ് സ്റ്റബ്സിനെ (10 പന്തില് പുറത്താവാതെ 21) കൂട്ടുപിടിച്ച് രാഹുല് ഡല്ഹിയെ 200ന് അടുത്തെത്തിച്ചു. നാല് സിക്സും 14 ഫോറും ഉള്പ്പെടുന്നതായിരുന്നു രാഹുലിന്റെ ഇന്നിംഗ്സ്.
ഒരു മാറ്റവുമായിട്ടാണ് ഗുജറാത്ത് ഇറങ്ങിയത്. കഗിസോ റബാദ ടീമില് തിരിച്ചെത്തി. ഡല്ഹി രണ്ട് മാറ്റം വരുത്തി. വിപ്രജ് നിഗം, മുസ്തഫിസുര് റഹ്മാന് എന്നിവര് ടീമിലെത്തി. മാധവ് തിവാരി, മിച്ചല് സ്റ്റാര്ക്ക് എന്നിവരാണ് പുറത്തായത്. സ്റ്റാര്ക്ക് ഐപിഎല്ലില് നിന്ന് പിന്മാറിയിരുന്നു. ഇരു ടീമുകളുടേയും പ്ലേയിംഗ് ഇലവന് അറിയാം.
Related Articles
ഗുജറാത്ത് ടൈറ്റന്സ്: ശുഭ്മാന് ഗില് (ക്യാപ്റ്റന്), ജോസ് ബട്ലര് (വിക്കറ്റ് കീപ്പര് ), ഷെഫാനെ റൂഥര്ഫോര്ഡ്, ഷാരൂഖ് ഖാന്, രാഹുല് തെവാട്ടിയ, റാഷിദ് ഖാന്, കാഗിസോ റബാഡ, അര്ഷാദ് ഖാന്, രവിശ്രീനിവാസന് സായ് കിഷോര്, മുഹമ്മദ് സിറാജ്, പ്രസിദ് കൃഷ്ണ.
ഇംപാക്റ്റ് സബ്സ്: സായ് സുദര്ശന്, വാഷിംഗ്ടണ് സുന്ദര്, മഹിപാല് ലോംറോര്, അനുജ് റാവത്ത്, ദസുന് ഷനക.
ഡല്ഹി ക്യാപിറ്റല്സ്: ഫാഫ് ഡു പ്ലെസിസ്, അഭിഷേക് പോറെല്, സമീര് റിസ്വി, കെഎല് രാഹുല് (വിക്കറ്റ് കീപ്പര്), അക്സര് പട്ടേല് (ക്യാപ്റ്റന്), ട്രിസ്റ്റന് സ്റ്റബ്സ്, അശുതോഷ് ശര്മ, വിപ്രജ് നിഗം, കുല്ദീപ് യാദവ്, ടി നടരാജന്, മുസ്തഫിസുര് റഹ്മാന്.
ഇംപാക്റ്റ് സബ്സ്: ത്രിപുരാണ വിജയ്, മാധവ് തിവാരി, കരുണ് നായര്, സെദിഖുള്ള അടല്, ദുഷ്മന്ത ചമീര.
