ചെപ്പോക്കില് 26 പന്തില് ഫിഫ്റ്റി നേടിയ സഞ്ജുവിൻ്റെ മികവിൽ, ടോസ് നഷ്ടപ്പെട്ട് ബാറ്റിംഗിനിറങ്ങിയ ചെന്നൈ മികച്ച സ്കോറിലേക്ക് നീങ്ങുകയാണ്. റുതുരാജ് ഗെയ്കവാദിന്റെ വിക്കറ്റാണ് ചെന്നൈക്ക് നഷ്ടമായത്.
ചെന്നൈ: ഇന്ത്യന് പ്രീമിയര് ലീഗില് ഡല്ഹി ക്യാപിറ്റല്സിനെതിരായ ചെന്നൈ സൂപ്പര് കിംഗ്സിന് വേണ്ടി അര്ധ സെഞ്ചുറി പൂര്ത്തിയാക്കി സഞ്ജു സാംസണ്. ചെന്നൈ, ചെപ്പോക്കില് 26 പന്തിലാണ് സഞ്ജു ഫിഫ്റ്റി നേടിയത്. മലയാളി താരം (52) ഇപ്പോഴും ക്രീസില് തുടരുകയാണ്. ടോസ് നഷ്ടപ്പെട്ട് ബാറ്റിംഗിനെത്തിയ ചെന്നൈ സഞ്ജുവിന്റെ ഇന്നിംഗ്സിന്റെ ബലത്തില് ഒമ്പത് ഓവറില് ഒരു വിക്കറ്റ് മാത്രം നഷ്ടത്തില് 77 റണ്സെടുത്തിട്ടുണ്ട്. ആയുഷ് മാത്രെയാണ് (9) സഞ്ജുവിനൊപ്പം ക്രീസില്. റുതുരാജ് ഗെയ്കവാദിന്റെ (18 പന്തില് 15) വിക്കറ്റാണ് ചെന്നൈക്ക് നഷ്ടമായത്.
നേരത്തെ, ടോസ് നേടിയ ഡല്ഹി ക്യാപ്റ്റന് അക്സര് പട്ടേല് ആതിഥേയരെ ബാറ്റിംഗിന് അയക്കുകയായിരുന്നു. ഒന്നാം വിക്കറ്റില് സഞ്ജു-ഗെയ്കവാദ് സഖ്യം 62 റണ്സ് ചേര്ത്തു. ഗെയ്കവാദ് അല്പം കൂടി വേഗത്തില് റണ്സ് കണ്ടെത്തിയിരുന്നെങ്കില് പവര് പ്ലേയില് കൂടുതല് റണ്സ് നേടാന് ചെന്നൈക്ക് സാധിക്കുമായിരുന്നു. ഏഴാം ഓവറില് ഗെയ്കവാദ് പുറത്തായി. ഒരു ബൗണ്ടറി മാത്രമാണ് ചെന്നൈ ക്യാപ്റ്റന് നേടാന് സാധിച്ചത്. വൈകാതെ സഞ്ജു അര്ധ സെഞ്ചുറി പൂര്ത്തിയാക്കി. ഇതുവരെ ഒമ്പത് ബൗണ്ടറികള് സഞ്ജു നേടി.
പരിക്കേറ്റ എം എസ് ധോണി ഇല്ലാതെയാണ് ഇന്നും ചെന്നൈ ഇറങ്ങുന്നത്. അതേസമയം, ഡിവാള്ഡ് ബ്രേവിസ് ടീമില് തിരിച്ചെത്തി. ഗുര്ജപ്നീത് സിംഗും ടീമിലുണ്ട്. രണ്ട് മാറ്റങ്ങളുമായിട്ടാണ് ഡല്ഹി ഇറങ്ങുന്നത്. വിപ്രാജ നിഗം, നിതീഷ് റാണ എന്നിവര് പുറത്തായി. അക്വിബ് നബി, അഷുതോഷ് ശര്മ എന്നിവര് പുറത്തായി. ഇരു ടീമുകളുടേയും പ്ലേയിംഗ് ഇലവന് അറിയാം.
ചെന്നൈ സൂപ്പര് കിംഗ്സ്: സഞ്ജു സാംസണ് (വിക്കറ്റ് കീപ്പര്), റുതുരാജ് ഗെയ്ക്വാദ് (ക്യാപ്റ്റന്), ആയുഷ് മാത്രെ, സര്ഫറാസ് ഖാന്, ശിവം ദുബെ, ഡിവാള്ഡ് േ്രബവിസ്, ജാമി ഓവര്ട്ടണ്, നൂര് അഹമ്മദ്, അന്ഷുല് കംബോജ്, ഗുര്ജപ്നീത് സിംഗ്, ഖലീല് അഹമ്മദ്.
ഡല്ഹി ക്യാപിറ്റല്സ്: പതും നിസ്സങ്ക, കെ എല് രാഹുല് (വിക്കറ്റ് കീപ്പര്), സമീര് റിസ്വി, അക്സര് പട്ടേല് (ക്യാപ്റ്റന്), ഡേവിഡ് മില്ലര്, ട്രിസ്റ്റന് സ്റ്റബ്സ്, അക്വിബ് നബി ദാര്, ലുങ്കി എന്ഗിഡി, കുല്ദീപ് യാദവ്, ടി നടരാജന്, മുകേഷ് കുമാര്.
