ഇംഗ്ലണ്ടിനെതിരെ റണ്മല കയറ്റം തുടങ്ങിയ ഇന്ത്യക്ക് ആദ്യ വിക്കറ്റ് നഷ്ടം
നേരത്തെ 423-8 എന്ന സ്കോറില് മൂന്നാം ബാറ്റിംഗിനിറങ്ങിയ ഇംഗ്ലണ്ട് 432 റണ്സിന് ഓള് ഔട്ടായി. 32 റണ്സെടുത്ത ഓവര്ടണെ ഷമി വിക്കറ്റിന് മുന്നില് കുടുക്കിയപ്പോള് റോബിന്സണെ ബുമ്ര ബൗള്ഡാക്കി.
ലീഡ്സ്: ഇംഗ്ലണ്ടിനെതിരായ ലീഡ്സ് ക്രിക്കറ്റ് ടെസ്റ്റില് കൂറ്റന് ഒന്നാം ഇന്നിംഗ്സ് ലീഡ് വഴങ്ങിയ ഇന്ത്യക്ക് രണ്ടാം ഇന്നിംഗ്സില് ആദ്യ വിക്കറ്റ് നഷ്ടം. എട്ടു റണ്സെടുത്ത കെ എല് രാഹുലിന്റെ വിക്കറ്റാണ് ഇന്ത്യക്ക് നഷ്ടമായത്. രാഹുലിനെ ഓവര്ടണിന്റെ പന്തില് സ്ലിപ്പില് ബെയര്സ്റ്റോ പറന്നുപിടിച്ചു.
354 റണ്സിന്റെ ഒന്നാം ഇന്നിംഗ്സ് ലീഡ് വഴങ്ങിയ ഇന്ത്യ മൂന്നാം ദിനം ലഞ്ചിന് പിരിയുമ്പോള് ഒരു വിക്കറ്റ് നഷ്ടത്തില് 34 റണ്സെന്ന നിലയിലാണ്. 25 റണ്സുമായി രോഹിത് ശര്മ ക്രീസിലുണ്ട്. ലഞ്ചിന് തൊട്ടു മുമ്പ് രാഹുല് പുറത്തായി. ഒമ്പത് വിക്കറ്റും രണ്ടര ദിവസവും ബാക്കിയിരിക്കെ ഇന്ത്യ ഇപ്പോഴും ഇംഗ്ലണ്ട് സ്കോറിന് 320 റണ്സിന് പുറകിലാണ്.
നേരത്തെ 423-8 എന്ന സ്കോറില് മൂന്നാം ബാറ്റിംഗിനിറങ്ങിയ ഇംഗ്ലണ്ട് 432 റണ്സിന് ഓള് ഔട്ടായി. 32 റണ്സെടുത്ത ഓവര്ടണെ ഷമി വിക്കറ്റിന് മുന്നില് കുടുക്കിയപ്പോള് റോബിന്സണെ ബുമ്ര ബൗള്ഡാക്കി. ഇന്ത്യക്കായി ഷമി നാലും ജഡേജ, ബുമ്ര, സിറാജ് എന്നിവര് രണ്ട് വിക്കറ്റ് വീതവും വീഴ്ത്തിയപ്പോള് 22 ഓവര് എറിഞ്ഞ ഇഷാന്തിന് വിക്കറ്റൊന്നും ലഭിച്ചില്ല.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona.