മുംബൈയിലെ ആദ്യ മത്സരം ഇന്ത്യ രണ്ട് റണ്സിന് വിജയിച്ചിരുന്നു. പൂനെയില് വൈകിട്ട് ഏഴിനാണ് രണ്ടാം ട്വന്റി 20 തുടങ്ങുക.
പൂനെ: ശ്രീലങ്കയ്ക്കെതിരായ ടീം ഇന്ത്യയുടെ രണ്ടാം ട്വന്റി 20 അല്പസമയത്തിനകം. പൂനെയിലെ മഹാരാഷ്ട്ര ക്രിക്കറ്റ് അസോസിയേഷന് സ്റ്റേഡിയത്തില് ടോസ് നേടിയ ഇന്ത്യന് നായകന് ഹാര്ദിക് പാണ്ഡ്യ ബൗളിംഗ് തെരഞ്ഞെടുത്തു. ഇന്ത്യന് നിരയില് രാഹുല് ത്രിപാഠിക്ക് അരങ്ങേറ്റം ആണിന്ന്. സഞ്ജു സാംസണിന് പകരമാണ് ഇലവനിലേക്ക് ത്രിപാഠിയുടെ വരവ്. ഐപിഎല്ലില് 76 മത്സരങ്ങള് കളിച്ചിട്ടുള്ള ത്രിപാഠിക്ക് 27.66 ശരാശരിയിലും 140.8 സ്ട്രൈക്ക് റേറ്റിലും 1799 റണ്സുണ്ട്. ഇതോടൊപ്പം പേസര് അര്ഷ്ദീപ് സിംഗ് പ്ലേയിംഗ് ഇലവനിലേക്ക് മടങ്ങിയെത്തി. ഹര്ഷല് പട്ടേലാണ് പ്ലേയിംഗ് ഇലവന് പുറത്തായത്.
ഇന്ത്യ പ്ലേയിംഗ് ഇലവന്: Ishan Kishan(w), Shubman Gill, Suryakumar Yadav, Rahul Tripathi, Hardik Pandya(c), Deepak Hooda, Axar Patel, Shivam Mavi, Umran Malik, Arshdeep Singh, Yuzvendra Chahal
ലങ്ക പ്ലേയിംഗ് ഇലവന്: Pathum Nissanka, Kusal Mendis(w), Dhananjaya de Silva, Charith Asalanka, Bhanuka Rajapaksa, Dasun Shanaka(c), Wanindu Hasaranga, Chamika Karunaratne, Maheesh Theekshana, Kasun Rajitha, Dilshan Madushanka
ആദ്യ മത്സരം ജയിച്ച ഇന്ത്യ ശ്രീലങ്കയ്ക്കെതിരായ ട്വന്റി 20 പരമ്പര സ്വന്തമാക്കാനാണ് ഇന്നിറങ്ങുന്നത്. മുംബൈയിലെ ആദ്യ മത്സരം ഇന്ത്യ രണ്ട് റണ്സിന് വിജയിച്ചിരുന്നു. പൂനെയില് വൈകിട്ട് ഏഴിനാണ് രണ്ടാം ട്വന്റി 20 തുടങ്ങുക. പരിക്കേറ്റ സഞ്ജു സാംസണ് ഇന്ന് കളിക്കുന്നില്ല. ആദ്യ മത്സരത്തില് ഫീല്ഡ് ചെയ്യുന്നതിനിടെ കാല്മുട്ടിന് പരിക്കേറ്റതാണ് സഞ്ജുവിന് തിരിച്ചടിയായത്. പരമ്പരയില് പ്രതീക്ഷ നിലനിര്ത്താന് ലങ്കയ്ക്ക് ഇന്ന് ജയം അനിവാര്യമാണ്. ഹാര്ദിക് പാണ്ഡ്യയും സംഘവും പരമ്പര വിജയം ലക്ഷ്യമിടുമ്പോള് ഭാവിതലമുറ താരങ്ങളെ വാര്ത്തെടുക്കാനുള്ള നിര്ണായക പരമ്പരയായാണ് ലങ്കന് പരീക്ഷയെ ബിസിസിഐ കാണുന്നത്.
