വനിതാ ഏകദിന ലോകകപ്പിൽ ബംഗ്ലാദേശിനെതിരെ ടോസ് നേടിയ ഇന്ത്യ ബൗളിംഗ് തിരഞ്ഞെടുത്തു. റിച്ച ഘോഷ് ഉൾപ്പെടെ മൂന്ന് പേർക്ക് വിശ്രമം അനുവദിച്ച് ടീമിൽ മാറ്റങ്ങൾ വരുത്തിയിട്ടുണ്ട്.
നവി മുംബൈ: വനിതാ ഏകദിന ലോകകപ്പില് ബംഗ്ലാദേശിനെതിരായ മത്സരത്തില് ഇന്ത്യ ആദ്യം പന്തെടുക്കും. നവി മുംബൈ, ഡി വൈ പാട്ടീല് സ്റ്റേഡിയത്തില് ടോസ് നേടിയ ഇന്ത്യന് ക്യാപ്റ്റന് ബംഗ്ലാദേശിനെ ബാറ്റിംഗിന് അയക്കുകയായിരുന്നു. ടോസ് ഇടാന് സാധിച്ചില്ലെങ്കിലും മഴയെ തുടര്ന്ന് ഇപ്പോഴും മത്സരം ആരംഭിക്കാന് കഴിഞ്ഞിട്ടില്ല. മൂന്ന് മാറ്റങ്ങളുമായിട്ടാണ് ഇന്ത്യ ഇറങ്ങുന്നത്. റിച്ചാ ഘോഷ്, ക്രാന്തി ഗൗദ്, സ്നേഹ് റാണ എന്നിവര്ക്ക് വിശ്രമം അനുവദിച്ചു. ഉമ ഛേത്രി, അമന്ജോത് കൗര്, രാധ യാദവ് എന്നിവര് ടീമിലെത്തി. ഇരു ടീമുകളുടേയും പ്ലേയിംഗ് ഇലവന് അറിയാം.
ഇന്ത്യ: പ്രതിക റാവല്, സ്മൃതി മന്ദാന, ഹര്ലീന് ഡിയോള്, ജെമീമ റോഡ്രിഗസ്, ഹര്മന്പ്രീത് കൗര് (ക്യാപ്റ്റന്), ദീപ്തി ശര്മ, ഉമാ ചേത്രി (വിക്കറ്റ് കീപ്പര്), അമന്ജോത് കൗര്, രാധാ യാദവ്, ശ്രീ ചരണി, രേണുക താക്കൂര്.
ബംഗ്ലാദേശ്: സുമയ്യ അക്തര്, റുബ്യ ഹൈദര് ജെലിക്, ഷര്മിന് അക്തര്, ശോഭന മൊസ്താരി, നിഗര് സുല്ത്താന (ക്യാപ്റ്റന് / വിക്കറ്റ് കീപ്പര്), ഷൊര്ണ ആക്തര്, റിതു മോണി, റബീയ ഖാന്, നഹിദ അക്തര്, നിഷിത അക്തര് നിഷി, മറുഫ അക്തര്.
Related Articles
ഇന്ത്യയെ സംബന്ധിച്ചിടത്തോളം അപ്രധാന മത്സരമാണിത്. പ്രാഥമിക റൗണ്ടില് ഇന്ത്യ നാലാം സ്ഥാനത്തായിരുന്നു. കഴിഞ്ഞ ദിവസം ന്യൂസിലന്ഡിനെ തോല്പ്പിച്ചതോടെയാണ് നാലാം സ്ഥാനത്തോടെ ഇന്ത്യ സെമിയില് കടന്നത്. വ്യാഴാഴ്ച നടക്കുന്ന സെമി ഫൈനലില് ഓസ്ട്രേലിയയാണ് ഇന്ത്യയുടെ എതിരാളി. അതിന് മുമ്പ് ജയത്തോടെ ആത്മവിശ്വാസം വീണ്ടെടുക്കാനാണ് ഇന്ത്യ ശ്രമിക്കുക. പ്രാഥമിക ഘട്ടത്തില് ഓസീസ് വനിതകള് ഒന്നാം സ്ഥാനം ഉറപ്പിച്ചതോടെയാണ് അവര്ക്ക് ഇന്ത്യയെ എതിരാളിയായി ലഭിച്ചത്. ഒന്നാം സ്ഥാനക്കാരും നാലാം സ്ഥാനക്കാരുമാണ് നേര്ക്കുനേര് വരിക.
ഈ മാസം 30ന് നവി മുംബൈയിലാണ് മത്സരം. ഏഴില് ഒരു മത്സരം പോലും തോല്ക്കാതെയാണ് ഓസീസ് ഒന്നാം സ്ഥാനം ഉറപ്പിച്ചത്. 13 പോയിന്റാണ് ഓസീസിന്. ആറെണ്ണത്തില് ജയിച്ചപ്പോള് ഒരു മത്സരത്തിന് മഴയെ തുടര്ന്ന് ഫലമുണ്ടായില്ല. ഇന്ത്യക്ക് ആറ് മത്സരങ്ങളില് മൂന്ന് വീതം തോല്വിയും ജയവുമാണുള്ളത്. ആറ് പോയിന്റ് മാത്രം. ഇന്ന് ബംഗ്ലാദേശിനെതിരെ ജയിച്ചാല് പോലും ഇന്ത്യക്ക് ഒരു സ്ഥാനം മെച്ചപ്പെടുത്താന് സാധിക്കില്ല.
