ടോസ് നഷ്ടമായി ക്രീസിലിറങ്ങിയ ഗുജറാത്ത് ഭുവനേശ്വര് കുമാര് എറിഞ്ഞ ആദ്യ ഓവറില് 17 റണ്സടിച്ചാണ് തുടങ്ങിയത്. വൈഡിലൂടെ 10 റണ്സാണ് ഭുവി ആദ്യ ഓവറില് തന്നെ വഴങ്ങിയത്.
മുംബൈ: ഐപിഎല്ലില് (IPL 2022) സണ്റൈസേഴ്സ് ഹൈദരാബാദിനെതിരെ(Sunrisers Hyderabad vs Gujarat Titans) ഗുജറാത്ത് ടൈറ്റന്സിന് രണ്ട് വിക്കറ്റ് നഷ്ടം. ടോസ് നഷ്ടമായി ക്രീസിലിറങ്ങിയ ഗുജറാത്ത് പവര് പ്ലേ പിന്നിടുമ്പോള് രണ്ട് വിക്കറ്റ് നഷ്ടത്തില് 51 റണ്സെടുത്ത ഗുജറാത്ത് ഒഠുവില് വിവരം ലഭിക്കുമ്പോള് ഏഴോവറില് രണ്ട് വിക്കറ്റ് നഷ്ടത്തില് 54 റണ്സെന്ന നിലയിലാണ്. 18 പന്തില് 19 റണ്സോടെ മാത്യു വെയ്ഡും ആറ് റണ്സോടെ ക്യാപ്റ്റന് ഹാര്ദ്ദിക് പാണ്ഡ്യയുമാണ് ക്രീസില്. ശുഭ്മാന് ഗില്ലിന്റെയും സായ് സുദര്ശന്റെയും വിക്കറ്റുകളാണ് ഗുജറാത്തിന് നഷ്ടമായത്.
പവറോടെ തുടക്കം
ടോസ് നഷ്ടമായി ക്രീസിലിറങ്ങിയ ഗുജറാത്ത് ഭുവനേശ്വര് കുമാര് എറിഞ്ഞ ആദ്യ ഓവറില് 17 റണ്സടിച്ചാണ് തുടങ്ങിയത്. വൈഡിലൂടെ 10 റണ്സാണ് ഭുവി ആദ്യ ഓവറില് തന്നെ വഴങ്ങിയത്. രണ്ടാം ഓവറില് ഏഴ് റണ്സടിച്ചതോടെ ഗുജറാത്ത് സ്കോര് കുതിച്ചു. എന്നാല് മൂന്നാം ഓവറില് ഭുവിയുടെ പന്തില് ശുഭ്മാന് ഗില്ലിനെ(9 പന്തില് 7) കവറില് രാഹുല് ത്രിപാഠി പറന്നു പിടിച്ചതോടെ ഗുജറാത്ത് ഞെട്ടി.
ഗില് വിണതോടെ പവര് പ്ലേയില് പവര് കാട്ടാനാവാതെ ഗുജറാത്തിന് പിന്നീടുള്ള മൂന്നോവറില് ആറ് റണ്സ് വീതമാണ് നേടനായത്. പവര് പ്ലേയിലെ അവസാന ഓവറില് സായ് സുദര്ശനെ(9 പന്തില് 11)മടക്കി ടി നടരാജന് ഗുജറാത്തിന് രണ്ടാം പ്രഹരമേല്പ്പിച്ചു.
കഴിഞ്ഞ മത്സരം കളിച്ച ടീമില് മാറ്റങ്ങങ്ങളില്ലാതെയാണ് ഇരു ടീമുകളും ഇറങ്ങിയത്. സീസണില് ഇതുവരെ തോല്ക്കാത്ത ഒരേയൊരു ടീമാണ് ഹാര്ദ്ദിക് പാണ്ഡ്യയുടെ നേതൃത്വത്തിലിറങ്ങുന്ന ഗുജറാത്ത് ടൈറ്റന്സ് (Gujarat Titans). കളിച്ച മൂന്ന് കളികളും ഗുജറാത്ത് ജയിച്ചപ്പോള് ഹൈദരാബാദിന് മൂന്ന് കളികളില് ഒരു ജയം മാത്രമാണുള്ളത്.
Gujarat Titans (Playing XI): Matthew Wade(w), Shubman Gill, Sai Sudharsan, Hardik Pandya(c), David Miller, Rahul Tewatia, Abhinav Manohar, Rashid Khan, Lockie Ferguson, Mohammed Shami, Darshan Nalkande.
Sunrisers Hyderabad (Playing XI): Abhishek Sharma, Kane Williamson(c), Rahul Tripathi, Nicholas Pooran(w), Aiden Markram, Shashank Singh, Washington Sundar, Bhuvneshwar Kumar, Marco Jansen, Umran Malik, T Natarajan.
