വിഘ്നേഷ് പുത്തൂര്‍ രാജസ്ഥാന്‍ റോയല്‍സില്‍, ആസിഫിന് ആവശ്യക്കാരില്ല, ഞെട്ടിച്ച് പ്രശാന്ത് വീറും കാര്‍ത്തിക് ശര്‍മയും

അബുദാബി: ഐപിഎല്ലില്‍ ആദ്യ രണ്ട് റൗണ്ടുകളിലും ആവശ്യക്കാരില്ലാതിരുന്ന ഇന്ത്യൻ ഓപ്പണര്‍ പൃഥ്വി ഷായെ മൂന്നാം റൗണ്ട് താരലേലത്തില്‍ ടീമി‌ൽ തിരിച്ചെത്തിച്ച് ഡല്‍ഹി ക്യാപിറ്റല്‍സ്. അടിസ്ഥാന വിലയായ 75 ലക്ഷം രൂപക്കാണ് ഡല്‍ഹി പൃഥ്വി ഷായെ മൂന്നാം റൗണ്ടില്‍ ടീമിലെടുത്തത്.

ഐപിഎല്‍ താരലേലത്തില്‍ മുംബൈ ഇന്ത്യൻസും ലക്നൗ സൂപ്പര്‍ ജയന്‍റ്സും കൊല്‍ക്കത്ത നൈറ്റ് റൈഡേഴ്സും 25 താരങ്ങളെ വീതം തികച്ചു.

ആദ്യ റൗണ്ടില്‍ ആരും ടീമിലെടുക്കാതിരുന്ന ഇന്ത്യൻ താരം സര്‍ഫറാസ് ഖാനെ ടീമിലെത്തിച്ച് ചെന്നൈ സൂപ്പര്‍ കിംഗ്സ്. അടിസ്ഥാനവിലയായ 75 ലക്ഷം രൂപക്കാണ് ചെന്നൈ സര്‍ഫറാസിനെ ടീമിലെടുത്തത്.

ഐപിഎല്‍ താരലേലത്തില്‍ മലയാളി പേസര്‍ കെ എം ആസിഫിനും വെടിക്കെട്ട് ബാറ്റര്‍ സല്‍മാന്‍ നിസാറിനും ആവശ്യക്കാരില്ല. 40 ലക്ഷം രൂപയായിരുന്നു ആസിഫിന്‍റെ അടിസ്ഥാന വില. മുഷ്താഖ് അലി ട്രോഫിയില്‍ മുംബൈക്കെതിരെ അഞ്ച് വിക്കറ്റ് വീഴ്ത്തി കേരളത്തിനായി തിളങ്ങിയിട്ടും ആസിഫിനെ ആരും വാങ്ങിയില്ല. കെസിഎല്ലില്‍ വെടിക്കെട്ട് ബാറ്റിംഗ് കാഴ്ചവെച്ച സല്‍മാന്‍ നിസാറിന് 30 ലക്ഷം രൂപയായിരുന്നു അടിസ്ഥാന വില. അതേസമയം വിഘ്നേഷ് പുത്തൂരിനെ രാജസ്ഥാന്‍ റോയല്‍സ് 30 ലക്ഷം രൂപ അടിസ്ഥാന വിലക്ക് ടീമിലെത്തിച്ചു.

ചെന്നൈ സൂപ്പര്‍ കിംഗ്സ്: പ്രശാന്ത് വീർ, കാർത്തിക് ശർമ്മ, അക്കീൽ ഹൊസൈൻ, അമാന്‍ ഖാൻ,
ഡല്‍ഹി ക്യാപിറ്റല്‍സ്: അക്വിബ് നബി, ഡേവിഡ് മില്ലർ, ബെൻ ഡക്കറ്റ്, പാതും നിസങ്ക 
ഗുജറാത്ത് ടൈറ്റന്‍സ്: അശോക് ശർമ്മ, ജേസണ്‍ ഹോള്‍ഡര്‍
കൊല്‍ക്കത്ത നൈറ്റ് റൈഡേഴ്സ്: കാമറൂൺ ഗ്രീൻ, മതീഷ പതിരാന, തേജസ്വി സിംഗ്, ഫിൻ അലൻ, പ്രശാന്ത് സോളങ്കി, കാർത്തിക് ത്യാഗി, ടിം സീഫര്‍ട്ട്, രാഹുല്‍ ത്രിപാഠി, മുസ്തഫിസുര്‍ റഹ്മാന്‍
ലക്നൗ സൂപ്പര്‍ ജയന്‍റ്സ്: മുകുൾ ചൗധരി, ആൻറിച്ച് നോർക്യ, വാനിന്ദു ഹസരംഗ, നമൻ തിവാരി, അക്ഷത് രഘുവംശി 
മുംബൈ ഇന്ത്യൻസ്: ക്വിന്‍റൺ ഡി കോക്ക്, ഡാനിഷ് മലെവാര്‍, മുഹമ്മസ് ഇസ്ഹര്‍, അഥര്‍വ അങ്കലേക്കര്‍
പഞ്ചാബ് കിംഗ്സ്: കൂപ്പര്‍ കൊണോലി
രാജസ്ഥാന്‍ റോയല്‍സ്: രവി ബിഷ്‌ണോയ്, സുശാന്ത് മിശ്ര, വിഘ്നേഷ് പുത്തൂർ, യാഷ് രാജ് പുഞ്ച, രവി സിംഗ്,
റോയല്‍ ചലഞ്ചേഴ്സ് ബെംഗളൂരു: വെങ്കിടേഷ് അയ്യർ, ജേക്കബ് ഡഫി, മങ്കേഷ് യാദവ്, സാത്വിക് ദേശാല്‍, 
സണ്‍റൈസേഴ്സ് ഹൈദരാബാദ്: ശിവങ് കുമാർ, ഓംകാര്‍ ടര്‍മാലെ, സാക്കിബ് ഹുസൈന്‍, സലീല്‍ അറോറ, 

ശ്രീലങ്കന്‍ താരം പാതും നിസങ്ക ആദ്യമായി ഐപിഎല്ലിന്. ഏഷ്യാ കപ്പില്‍ ഇന്ത്യക്കെതിരെ സെഞ്ചുറി നേടിയ നിസങ്കയെ നാലു കോടി രൂപക്ക് ഡല്‍ഹി ക്യാപിറ്റല്‍സാണ് ടീമിലെത്തിച്ചത്.

വാശിയേറിയ ലേലം വിളിക്കൊടുവില്‍ വെസ്റ്റ് ഇന്‍ഡീസ് ഓള്‍ റൗണ്ടര്‍ ജേസണ്‍ ഹോള്‍ഡറെ ഏഴ് കോടി രൂപക്ക് ഗുജറാത്ത് ടൈറ്റന്‍സ് സ്വന്തമാക്കി.

ചൈനാമാന്‍ സ്പിന്നറായ മലയാളി താരം വിഘ്നേഷ് പുത്തൂരിനെ സ്വന്തമാക്കി രാജസ്ഥാന്‍ റോയല്‍സ്. അടിസ്ഥാന വിലയായ 30 ലക്ഷം രൂപക്കാണ് വിഘ്നേഷിനെ രാജസ്ഥാന്‍ സ്വന്തമാക്കിയത്. വിഘ്നേഷിനായി മുന്‍ ടീമായ മുംബൈ ഇന്ത്യൻസ് അടക്കം ആരും രംഗത്തുവന്നില്ല.

ഐപിഎൽ താരലേലത്തില്‍ ഞെട്ടിച്ച് യുവതാരം പ്രശാന്ത് വീര്‍. അൺക്യാപ്ഡ് താരങ്ങളുടെ ലേലത്തില്‍ 30 ലക്ഷം രൂപ അടിസ്ഥാന വിലയുണ്ടായിരുന്ന പ്രശാന്ത് വീറിനെ വാശിയേറിയ ലേലം വിളിക്കൊടുവില്‍ ചെന്നൈ സൂപ്പര്‍ കിംഗ്സ് 14.20 കോടി മുടക്കി സ്വന്തമാക്കി. സണ്‍റൈസേഴ്സ് ഹൈദരാബാദും പ്രശാന്തിനായി വാശിയോടെ രംഗത്തെത്തിയിരുന്നു.

ജമ്മു കശ്മീര്‍ പേസര്‍ അക്വിബ് ദറിന് ഐപിഎൽ മിനി താരലേലത്തില്‍ റെക്കോര്‍ഡ് തുക. വാശിയേറിയ ലേലം വിളിക്കൊടുവില്‍ 8.40 കോടി രൂപക്ക് ഡല്‍ഹി ക്യാഹി ക്യാപിറ്റല്‍സാണ് അക്വിബ് ദറിനെ സ്വന്തമാക്കിയത്. സണ്‍റൈസേഴ്സ് ഹൈദരാബാദും അക്വിബിനായി രംഗത്തുണ്ടായിരുന്നു.

ഐപിഎല്‍ മിനി താരലേലത്തില്‍ സ്പിന്നര്‍ രവി ബിഷ്ണോയിയെ 7.20 കോടിക്ക് സ്വന്തമാക്കി രാജസ്ഥാന്‍ റോയല്‍സ്.

ചെന്നൈ സൂപ്പര്‍ കിംഗ്സ് കൈവിട്ട മതീഷ പതിരാനക്കും ഐപിഎൽ മിനി താരലേലത്തില്‍ റെക്കോര്‍ഡ് തുക. ഡല്‍ഹിയും ലക്നൗവും തമ്മിലുള്ള വാശിയേറിയ ലേലത്തിനൊടുവില്‍ അവസാന നിമിഷം രംഗത്തെത്തിയ കൊല്‍ക്കത്ത 18 കോടിക്ക് ലങ്കന്‍ പേസറെ ടീമിലെത്തിച്ചു. 

ന്യൂസിലന്‍ഡ് പേസര്‍മാരായ മാറ്റ് ഹെന്‍റിക്കും ഇന്ത്യൻ പേസര്‍ ആകാശ് ദീപിനും ലേലത്തില്‍ ആവശ്യക്കാരില്ല.

കഴിഞ്ഞ സീസണില്‍ കൊല്‍ക്കത്ത നൈറ്റ് റൈഡേഴ്‌സിന് വേണ്ടി കളിച്ച വെങ്കടേഷ് അയ്യര്‍ റോയല്‍ ചലഞ്ചേഴ്‌സ് ബാംഗളൂരിന് വേണ്ടി കളിക്കും. ഗുജറാത്ത് ടൈറ്റന്‍സിന് താല്‍പര്യമുണ്ടായിരുന്നെങ്കിലും പിന്മാറേണ്ടി വന്നു. രണ്ട് കോടി അടിസ്ഥാന വിലയുണ്ടായിരുന്ന താരത്തെ 7.00 കോടിക്കാണ് അര്‍സിബി സ്വന്തമാക്കിയത്. കൊല്‍ക്കത്ത നൈറ്റ് റൈഡേഴ്‌സ് രംഗത്ത് വന്നെങ്കിലും ആര്‍സിബിക്ക് മുന്നില്‍ മുട്ടുമടക്കേണ്ട വന്നു.

ഓസ്‌ട്രേലിയന്‍ ഓള്‍റൗണ്ടര്‍ വരും സീസണില്‍ കൊല്‍ക്കത്ത നൈറ്റ് റൈഡേഴ്‌സില്‍ കളിക്കും. രണ്ട് കോടി അടിസ്ഥാന വിലയുണ്ടായിരുന്ന താരത്തെ 25.20 കോടിക്കാണ് കൊല്‍ക്കത്ത ടീമിലെത്തിച്ചത്. രാജസ്ഥാന്‍ റോയല്‍സും ചെന്നൈ സൂപ്പര്‍ കിംഗ്‌സും താരത്തില്‍ താല്‍പര്യം പ്രകടിപ്പിച്ചെങ്കിലും പിന്മാറേണ്ടി വന്നു. 13.60 കോടിയിലാണ് രാജസ്ഥാന്‍ പിന്മാറിയത്. പിന്നീട് ചെന്നൈ സൂപ്പര്‍ കിംഗ്‌സ് താല്‍പര്യം കാണിച്ചു. എന്നാല്‍ തുക ഉയര്‍ന്നപ്പോള്‍ ചെന്നൈ പിന്മാറി.

ഇന്ത്യന്‍ താരം പൃഥ്വി ഷായെ ആദ്യ ഘട്ടത്തില്‍ സ്വന്തമാകകാന്‍ ആരും തയ്യാരായില്ല. 75 ലക്ഷമായിരുന്നു അദ്ദേഹത്തിന്റെ അടിസ്ഥാന വില. ന്യൂസിലന്‍ഡ് താരം ഡെവോണ്‍ കോണ്‍വെയും അണ്‍സോള്‍ഡായി.

ദക്ഷിണാഫ്രിക്കന്‍ വെറ്ററന്‍ താരം ഡേവിഡ് മില്ലര്‍ ഡല്‍ഹി ക്യാപിറ്റല്‍സില്‍. അടിസ്ഥാന തുകയായ രണ്ട് കോടിക്കാണ് മില്ലറെ ടീമിലെത്തിച്ചത്.

കെ എം ആസിഫാണ് ഉയര്‍ന്ന അടിസ്ഥാന വിലയുള്ള മലയാളിതാരം. 40 ലക്ഷം രൂപയാണ് ആസിഫിന്റെ അടിസ്ഥാന വില. കേരളത്തിന്റെ സീനിയര്‍ ടീമില്‍ കളിച്ചിട്ടില്ലാത്ത ജിക്കു കഴിഞ്ഞ സീസണില്‍ മുംബൈ ഇന്ത്യന്‍സിന്റെ നെറ്റ്‌സ് ബൗളറായിരുന്നു. വിഘ്‌നേഷ് പുത്തൂര്‍ കഴിഞ്ഞ സീസണില്‍ മുംബൈ ഇന്ത്യന്‍സ് താരമായിരുന്നു.

ഐപിഎല്‍ താരലേലത്തില്‍ പ്രതീക്ഷയോടെ പതിനൊന്ന് കേരള താരങ്ങള്‍. കെ എം ആസിഫ്, രോഹന്‍ കുന്നുമ്മല്‍, സല്‍മാന്‍ നിസാര്‍, അഹമ്മദ് ഇമ്രാന്‍, ഏദന്‍ ആപ്പിള്‍ ടോം, വിഘ്നേഷ് പുത്തൂര്‍, ശ്രീഹരി നായര്‍, അബ്ദുല്‍ ബാസിത്, അഖില്‍ സ്‌കറിയ, മുഹമ്മദ് ഷറഫുദ്ദീന്‍, ജിക്കു ബ്രൈറ്റ് എന്നിവരാണ് ലേലപ്പട്ടികയിലുളള താരങ്ങള്‍.

രാജസ്ഥാന്‍ റോയല്‍സിന് താരലേലത്തില്‍ ബാക്കിയുള്ളത് 16.05 കോടി രൂപ. ഒരുവിദേശ താരം ഉള്‍പ്പടെ ഒന്‍പത് താരങ്ങളെ സ്വന്തമാക്കാം. ബിഷ്‌ണോയ്, ചാഹര്‍, വിഘ്‌നേഷ്, സല്‍മാന്‍ നിസാര്‍ തുടങ്ങിയരെ കൊണ്ടുവരാന്‍ ശ്രമിക്കും.