ക്യാപ്റ്റനായിരുന്നപ്പോള് മൂന്ന് തവണ റണ്ണൗട്ടായിട്ടുള്ള ആര്ച്ചി മക്ലാരന്റെ പേരിലുള്ള റെക്കോര്ഡാണ് ഇന്ന് റണ്ണൗട്ടായതിയലൂടെ റൂട്ടിന്റെ പേരിലായത്.
മാഞ്ചസ്റ്റര്: വെസ്റ്റ് ഇന്ഡീസിനെതിരായ മൂന്നാം ക്രിക്കറ്റ് ടെസ്റ്റില് 17 റണ്സെടുത്ത് റണ്ണൗട്ടായ ഇംഗ്ലണ്ട് നായകന് ജോ റൂട്ടിന്റെ പേരില് നാണക്കേടിന്റെ റെക്കോര്ഡ്. ടെസ്റ്റില് ഏറ്റവും കൂടുതല് തവണ റണ്ണൗട്ടായി പുറത്താവുന്ന ഇംഗ്ലണ്ട് നായകനെന്ന റെക്കോര്ഡാണ് ഇന്ന് റൂട്ടിന്റെ പേരിലായത്. ഇംഗ്ലണ്ട് നായകന്മാരുടെ റണ്ണൗട്ടുകളുടെ ചരിത്രത്തില് 118 വര്ഷം പഴക്കമുള്ള റെക്കോര്ഡാണ് റൂട്ട് ഇന്ന് സ്വന്തം പേരിലാക്കിയത്.
ക്യാപ്റ്റനായിരുന്നപ്പോള് മൂന്ന് തവണ റണ്ണൗട്ടായിട്ടുള്ള ആര്ച്ചി മക്ലാരന്റെ പേരിലുള്ള റെക്കോര്ഡാണ് ഇന്ന് റണ്ണൗട്ടായതിയലൂടെ റൂട്ടിന്റെ പേരിലായത്. ബാറ്റ്സ്മാനെന്ന നിലയില് ഇംഗ്ലീഷ് ബാറ്റ്സ്മാന്മാരായ ജെഫ് ബോയ്ക്കോട്ടും മാറ്റ് പ്രയറും മാത്രമാണ് റണ്ണൗട്ടുകളില് റൂട്ടിന് മുമ്പിലുള്ളത്. ടെസ്റ്റ് കരിയറില് ഇതുവരെ ആറ് തവണ റൂട്ട് റണ്ണൗട്ടായിട്ടുണ്ട്. ക്യാപ്റ്റനായശേഷം നാലു തവണയും.
