ഓപ്പണിംഗ് വിക്കറ്റില് 52 റണ്സ് കൂട്ടിചേര്ത്ത ശേഷമാണ് കേരളത്തിന്റെ ഓപ്പണിംഗ് സഖ്യം പിരിഞ്ഞത്. രോഹനെ ജയന്ത് യാദവ് ബൗള്ഡാക്കുകയായിരുന്നു. മൂന്നാമനായി ക്രീസിലെത്തിയ സഞ്ജുവിന് നാല് പന്ത് മാത്രമായിരുന്നു ആയുസ്. മൂന്ന് റണ്സെടുത്ത ക്യാപ്റ്റനെ അമിത് മിശ്ര, ഹിമാന്ഷു റാണയുടെ കൈകളിലെത്തിച്ചു.
മൊഹാലി: സയ്യിദ് മുഷ്താഖ് അലി ട്രോഫിയില് കേരളത്തിന് തുടര്ച്ചയായ മൂന്നാം ജയം. ഗ്രൂപ്പ് സിയില് ഹരിയാനക്കെതിരെ മൂന്ന് വിക്കറ്റിന്റെ വിജയമാണ് കേരളം സ്വന്തമാക്കിയത്. 132 റണ്സ് വിജയലക്ഷ്യം പിന്തുടര്ന്ന കേരളം 19 ഓവറില് ഏഴ് വിക്കറ്റ് നഷ്ടത്തില് ലക്ഷ്യം മറികടന്നു. മധ്യനിര താരങ്ങള് നിരാശപ്പെടുത്തിയപ്പോള് അബ്ദുള് ബാസിതിന്റെ (15 പന്തില് പുറത്താവാതെ 27) ഇന്നിംഗ്സാണ് കേരളത്തിന് തുണയായത്. നേരത്തെ ജയന്ത് യാദവ് (39), സുമിത് കുമാര് (30) എന്നിവരുടെ ഇന്നിംഗ്സാണ് ഹരിയാനയെ പൊരുതാവുന്ന സ്കോറിലേക്ക് നയിച്ചത്. ഒന്നാം സ്ഥാനത്തുള്ള കേരളത്തിന് ഇപ്പോള് 12 പോയിന്റുണ്ട്. ഹരിയാനയാണ് രണ്ടാത്. നേരത്തെ അരുണാചല് പ്രദേശ്, കര്ണാകട എന്നിവരെ കേരളം തോല്പ്പിച്ചിരുന്നു.
ഓപ്പണിംഗ് വിക്കറ്റില് 52 റണ്സ് കൂട്ടിചേര്ത്ത ശേഷമാണ് കേരളത്തിന്റെ ഓപ്പണിംഗ് സഖ്യം പിരിഞ്ഞത്. രോഹനെ ജയന്ത് യാദവ് ബൗള്ഡാക്കുകയായിരുന്നു. മൂന്നാമനായി ക്രീസിലെത്തിയ സഞ്ജുവിന് നാല് പന്ത് മാത്രമായിരുന്നു ആയുസ്. മൂന്ന് റണ്സെടുത്ത ക്യാപ്റ്റനെ അമിത് മിശ്ര, ഹിമാന്ഷു റാണയുടെ കൈകളിലെത്തിച്ചു. ഇതോടെ കേരളം രണ്ടിന് 57 എന്ന നിലയിലായി. സ്കോര്ബോര്ഡില് രണ്ട് റണ് കൂടി കൂട്ടിചേര്ത്ത ശേഷം വിഷ്ണു വിനോദും (25) മടങ്ങി. സച്ചിന് ബേബിക്കും (4) അധികം ആയുസുണ്ടായിരുന്നില്ല. തെവാട്ടിയയുടെ പന്തില് വിക്കറ്റിന് മുന്നില് കുടങ്ങുകയായിരുന്നു താരം. ഇംപാക്റ്റ് പ്ലയറായെത്തിയ കൃഷ്ണ പ്രസാദും (9), സിജോമോന് ജോസഫും (13) മടങ്ങിയതോടെ കേരളം തോല്വി മണത്തു. എന്നാല് മനു കൃഷ്ണനെ (4) കൂട്ടുപിടിച്ച് ബാസിത് കേരളത്തെ വിജയത്തിലേക്ക് നയിച്ചു. ഒരു സിക്സും മൂന്ന് ഫോറും ഉള്പ്പെടുന്നതായിരുന്നു ബാസിതിന്റെ ഇന്നിംഗ്സ്.
വനിതാ ഐപിഎല് മാര്ച്ചില്, അഞ്ച് ടീമുകള് മത്സരത്തിന്
നേരത്തെ, ഹരിയാനയുടെ മൂന്ന് മുന്നിര താരങ്ങള് രണ്ടക്കം കാണാതെ പുറത്തായി. അങ്കിത് കുമാര് (0), ചൈതന്യ ബിഷ്ണോയ് (5), ഹിമാന്ഷു റാണ (9) എന്നിവര്ക്ക് തിളങ്ങാന് സാധിച്ചില്ല. നാലാമനായി ക്രീസിലെത്തിയ നിഷാന്ത് സിന്ധുവും (10) നിരാശ മാത്രമാണ് സാധിച്ചത്. പ്രമോദ് ചന്ധില (24), ദിനേഷ് ബന (10) എന്നിവരും പുറത്തായതോടെ ഹരിയാന ആറിന് 62 എന്ന നിലയിലായി. തുടര്ന്നാണ് സുമിത് കുമാര് (പുറത്താവാതെ 30)- ജയന്ത് സഖ്യത്തിന്റെ കൂട്ടൂകെട്ട് പിറന്നത്. അവസാന ഓവറിലാണ് ജയന്ത് പുറത്താവുന്നത്. ഒരു സിക്സും അഞ്ച് ഫോറും ഉള്പ്പെടുന്നതായിരുന്നു ജയന്തിന്റെ ഇന്നിംഗ്സ്. രാഹുല് തെവാട്ടിയ (0) പുറത്താവാതെ നിന്നു. കേരളത്തിന് വേണ്ടി പന്തെടുത്ത എല്ലാവരും ഓരോ വിക്കറ്റ് നേടി.
കേരള ടീമില് സഞ്ജു ക്യാപ്റ്റനായി തിരിച്ചെത്തിയ മത്സരം കൂടിയാണിത്.ദക്ഷിണാഫ്രിക്കയ്ക്കെതിരായ ഏകദിന പരമ്പരയ്ക്ക് ശേഷമാണ് സഞ്ജു ടീമിനൊപ്പം ചേരുന്നത്. ആദ്യ രണ്ട് മത്സരങ്ങളിലും സഞ്ജു കളിച്ചിരുന്നില്ല. കര്ണാടകയ്ക്കെതിരെ കളിച്ച ടീമില് നിന്ന് ഒരു മാറ്റവുമായിട്ടാണ് കേരളം ഇറങ്ങിയത്. സഞ്ജു തിരിച്ചെത്തിയപ്പോള് കൃഷ്ണ പ്രസാദ് വഴിമാറി. പിന്നീട് ഇംപാക്റ്റ് പ്ലയറായി താരം ബാറ്റിംഗിനെത്തി.
കേരളം: സഞ്ജു സാംസണ് (ക്യാപ്റ്റന്, വിക്കറ്റ് കീപ്പര്), സച്ചിന് ബേബി, വിഷ്ണു വിനോദ്, രോഹന് കുന്നുമ്മല്, മുഹമ്മദ് അസറുദ്ദീന്, പി എ അബ്ദുള് ബാസിത്, സിജോമോന് ജോസഫ്, മനു കൃഷ്ണന്, ബേസില് തമ്പി, ആസിഫ് കെ എം, വൈശാഖ് ചന്ദ്രന്.
ഹരിയാന: ഹിമാന്ഷു റാണ (ക്യാപ്റ്റന്), അങ്കിത് കുമാര്, ചൈതന്യ ബിഷ്ണോയ്, ദിനേശ് ബന, നിശാന്ത് സിന്ധു, രാഹുല് തെവാട്ടിയ, സുമിത് കുമാര്, ജയന്ത് യാദവ്, അമിത് മിശ്ര, മോഹിത് ശര്മ, അമന് കുമാര്.
കര്ണാടക, ഹരിയാന എന്നിവരെ കൂടാതെ കേരളത്തെ വെല്ലുവിളിക്കാന് പറ്റിയ ടീമൊന്നും ഗ്രൂപ്പില് ഇല്ലെന്ന് പറയാം. സെര്വീസസ്, മഹാരാഷ്ട്ര, ജമ്മു കശ്മീര് എന്നിവര് അട്ടിമറിക്കാന് കെല്പ്പുള്ളവരാണ്. എന്നാല് സഞ്ജുവിന്റെ തിരിച്ചുവരോടെ ടീം കൂടുതല് ശക്തരാവും.
