ഇരു ടീമുകളും ആദ്യ മത്സരം തോറ്റാണ് ഇറങ്ങുന്നത്. കൊല്ക്കത്ത എവേ മത്സരത്തില് മുംബൈ ഇന്ത്യൻസിനോട് തോറ്റപ്പോള് ഹൈദരാബാദ് എവേ മത്സരത്തില് ആര്സിബിയോടാണ് തോറ്റത്.
കൊല്ക്കത്ത: ഐപിഎല്ലിലെ രണ്ടാം മത്സരത്തില് സണ്റൈസേഴ്സ് ഹൈദരാബാദിനെിരെ ടോസ് നേടിയ കൊല്ക്കത്ത നൈറ്റ് റൈഡേഴ്സ് ഫീല്ഡിംഗ് തെരഞ്ഞെടുത്തു. മുംബൈ ഇന്ത്യൻസിനെതിരായ ആദ്യ മത്സരം തോറ്റ ടീമില് മാറ്റങ്ങളില്ലാതെയാണ് കൊല്ക്കത്ത ഇന്നിറങ്ങുന്നത്. അതേസമയം, ആര്സിബിക്കെതിരെ ആദ്യ മത്സരം കളിച്ച ടീമില് ഹൈദരാബാദ് മാറ്റം വരുത്തി. ഹര്ഷല് പട്ടേലിന് പകരം ശിവാംഗ് കുമാര് പ്ലേയിംഗ് ഇലവനിലെത്തി.
ഇരു ടീമുകളും ആദ്യ മത്സരം തോറ്റാണ് ഇറങ്ങുന്നത്. കൊല്ക്കത്ത എവേ മത്സരത്തില് മുംബൈ ഇന്ത്യൻസിനോട് തോറ്റപ്പോള് ഹൈദരാബാദ് എവേ മത്സരത്തില് ആര്സിബിയോടാണ് തോറ്റത്. ആദ്യ മത്സരത്തില് നിരാശപ്പെടുത്തി ഓപ്പണര് അഭിഷേക് ശര്മയുടെ പ്രകടനമാണ് ആരാധകര് ഇന്ന് ഉറ്റുനോക്കുന്നത്. കൊല്ക്കത്ത നിരയില് കാമറൂണ് ഗ്രീന് ബൗള് ചെയ്യുമോ എന്നും ആരാധകര് ആകാംക്ഷയോടെ ഉറ്റു നോക്കുന്നു. ആദ്യ മത്സരത്തില് ഗ്രീന് ബൗള് ചെയ്തിരുന്നില്ല. 25 കോടി രൂപക്ക് ടീമിലെത്തിച്ച ഗ്രീന് ബൗള് ചെയ്യാത്തതിനെക്കുറിച്ചുള്ള ചോദ്യത്തിന് ക്രിക്കറ്റ് ഓസ്ട്രേലിയയോട് ചോദിക്കാനായിരുന്നു നായകന് രഹാനെ പറഞ്ഞത്.
സൺറൈസേഴ്സ് ഹൈദരാബാദ് പ്ലേയിംഗ് ഇലവൻ: അഭിഷേക് ശർമ്മ, ട്രാവിസ് ഹെഡ്, ഇഷാൻ കിഷൻ (വിക്കറ്റ് കീപ്പർ/ക്യാപ്റ്റൻ), ഹെൻറിച്ച് ക്ലാസൻ, അനികേത് വർമ്മ, നിതീഷ് കുമാർ റെഡി, സലിൽ അറോറ, ഹർഷ് ദുബെ, ശിവാംഗ് കുമാർ, ജയദേവ് ഉനദ്കട്ട്, ഡേവിഡ് പെയ്ൻ.
കൊൽക്കത്ത നൈറ്റ് റൈഡേഴ്സ് പ്ലേയിംഗ് ഇലവൻ: അജിങ്ക്യ രഹാനെ (ക്യാപ്റ്റൻ), കാമറൂൺ ഗ്രീൻ, അംഗ്രിഷ് രഘുവംശി (വിക്കറ്റ് കീപ്പർ), റിങ്കു സിംഗ്, രമൺദീപ് സിംഗ്, അനുകുൽ റോയ്, സുനിൽ നരെയ്ൻ, വരുൺ ചക്രവർത്തി, വൈഭവ് അറോറ, കാർത്തിക് ത്യാഗി, ബ്ലെസിംഗ് മുസറബാനി.
