'ആ രണ്ട് ടീമുകള്‍ ഇവയാണ്'; ടി20 ലോകകപ്പ് ഫൈനലിസ്റ്റുകളെ പ്രവചിച്ച് മിതാലി രാജ്
എന്നാല്‍ ടി20 ലോകകപ്പിലെ സൂപ്പര്‍ 12 പോരാട്ടങ്ങള്‍ അവസാനഘട്ടത്തിലേക്ക് കടക്കുമ്പോള്‍ സെമി ഫൈനൽ ലൈനപ്പ് നിശ്ചയിക്കുക മിതാലി പ്രവചിക്കും പോലെ എളുപ്പമല്ല. ഗ്രൂപ്പ് ഒന്നിലാണ് ഇഞ്ചോടിഞ്ച് പോരാട്ടം നടക്കുന്നത്. ന്യുസീലൻഡ്, ഇംഗ്ലണ്ട്, ഓസ്ട്രേലിയ ടീമുകൾ നാല് മത്സരങ്ങൾ പൂർത്തിയായപ്പോൾ അഞ്ച് പോയിന്‍റ് വീതം നേടിയതിനാൽ അവസാന മത്സരഫലം അനുസരിച്ചാകും ഭാവി. നാലു പോയിന്‍റുള്ള ശ്രീലങ്കയ്ക്കും സെമിപ്രതീക്ഷ നിലനിൽക്കുന്നുണ്ട്.
മെല്‍ബണ്‍: ടി20 ലോകകപ്പിൽ ഇന്ത്യ-ന്യൂസിലൻഡ് ഫൈനൽ പ്രവചിച്ച് ഇന്ത്യൻ വനിതാ ടീമിന്‍റെ മുൻ ക്യാപ്റ്റന്‍ മിതാലി രാജ്. ഗ്രൂപ്പ് ഒന്നിൽ നിന്ന് ന്യൂസിലൻഡിനൊപ്പം, ഇംഗ്ലണ്ടോ ഓസ്ട്രേലിയയോ സെമിയിലെത്തും. രണ്ടാം ഗ്രൂപ്പിൽ നിന്ന് ഇന്ത്യയും ദക്ഷിണാഫ്രിക്കയും സെമിയിലേക്ക് മുന്നേറും. സെമിയിൽ ഇന്ത്യയും ന്യൂസിലൻഡും ജയിക്കുമെന്നും മിതാലി രാജ് സ്റ്റാര്‍ സ്പോര്‍ട്സിലെ ടോക് ഷോയില്‍ പങ്കെടുത്ത് പ്രവചിച്ചു.
എന്നാല്‍ ടി20 ലോകകപ്പിലെ സൂപ്പര്‍ 12 പോരാട്ടങ്ങള്‍ അവസാനഘട്ടത്തിലേക്ക് കടക്കുമ്പോള്‍ സെമി ഫൈനൽ ലൈനപ്പ് നിശ്ചയിക്കുക മിതാലി പ്രവചിക്കും പോലെ എളുപ്പമല്ല. ഗ്രൂപ്പ് ഒന്നിലാണ് ഇഞ്ചോടിഞ്ച് പോരാട്ടം നടക്കുന്നത്. ന്യുസീലൻഡ്, ഇംഗ്ലണ്ട്, ഓസ്ട്രേലിയ ടീമുകൾ നാല് മത്സരങ്ങൾ പൂർത്തിയായപ്പോൾ അഞ്ച് പോയിന്‍റ് വീതം നേടിയതിനാൽ അവസാന മത്സരഫലം അനുസരിച്ചാകും ഭാവി. നാലു പോയിന്‍റുള്ള ശ്രീലങ്കയ്ക്കും സെമിപ്രതീക്ഷ നിലനിൽക്കുന്നുണ്ട്.
ടി20 ലോകകപ്പ്: ബംഗ്ലാ കടുവകള്‍ക്കെതിരെ ഇറങ്ങുമ്പോള്‍ വമ്പന്‍ റെക്കോര്‍ഡിനരികെ കോലിയും സൂര്യയും
പട്ടികയിൽ മുന്നിലുള്ള ന്യുസീലൻഡിന് മികച്ച റൺറേറ്റ് പ്രതീക്ഷ നൽകുമ്പോൾ നെഗറ്റീവ് റൺറേറ്റ് മറികടക്കാൻ അവസാന മത്സരത്തിൽ വമ്പൻജയമാകും ഓസ്ട്രേലിയയുടെ ലക്ഷ്യം. അവസാന റൗണ്ട് മത്സരങ്ങളിൽ ഇംഗ്ലണ്ടിന് ശ്രീലങ്കയും ന്യുസീലൻഡിന് അയർലൻഡും ഓസ്ട്രേലിയക്ക് അഫ്ഗാനിസ്ഥാനുമാണ് എതിരാളികൾ.അട്ടിമറിക്ക് കെൽപ്പുള്ളവരായതിനാൽ ന്യുസീലൻഡിനും ഓസ്ട്രേലിയക്കും മത്സരം ഏകപക്ഷീയമാകില്ലെന്നുറപ്പ്. ഇംഗ്ലണ്ടിനെ തോൽപ്പിച്ചാലും മറ്റ് മത്സരഫലം അനുസരിച്ചാകും ശ്രീലങ്കയുടെ ഭാവി.
ഇന്ത്യ ഉൾപ്പെടുന്ന ഗ്രൂപ്പ് ഒന്നിലും സെമിലൈനപ്പ് ഉറപ്പിക്കാൻ അവസാന മത്സരം വരെ കാത്തിരിക്കേണ്ടി വരുമെങ്കിലും നിലവിലെ ഫോം വെച്ച് മിതാലി പ്രവചിക്കും പോലെ ഇന്ത്യയും ദക്ഷിണാഫ്രിക്കയും സെമിയിലേക്ക് മുന്നേറാനാണ് സാധ്യത. ഇന്ത്യൻ വനിതാ ക്രിക്കറ്റിലെ എക്കാലത്തേയും മികച്ച താരങ്ങളിൽ ഒരാളായ മിതാലി രാജ് ഇന്ത്യ-ദക്ഷിണാഫ്രിക്ക മത്സരത്തിലൂടെ കമന്‍റേറ്ററായി അരങ്ങേറ്റം കുറിച്ചിരുന്നു.
