ഇന്ത്യൻ പ്രീമിയർ ലീഗിൽ ഡൽഹി ക്യാപിറ്റൽസിനെതിരായ മത്സരത്തിൽ ചെന്നൈ സൂപ്പർ കിംഗ്സിനായി സഞ്ജു സാംസൺ സെഞ്ചുറി നേടി. ഈ ഐപിഎൽ സീസണിലെ ആദ്യ സെഞ്ചുറിയാണിത്.
ചെന്നൈ: ഇന്ത്യന് പ്രീമിയര് ലീഗില് ഡല്ഹി ക്യാപിറ്റല്സിനെതിരായ ചെന്നൈ സൂപ്പര് കിംഗ്സിന് സെഞ്ചുറി പൂര്ത്തിയാക്കി സഞ്ജു സാംസണ്. ചെന്നൈ, ചെപ്പോക്കില് 52 പന്തിലാണ് സഞ്ജു സെഞ്ചുറി നേടിയത്. മലയാളി താരം (106) ഇപ്പോഴും ക്രീസില് തുടരുകയാണ്. ടോസ് നഷ്ടപ്പെട്ട് ബാറ്റിംഗിനെത്തിയ ചെന്നൈ സഞ്ജുവിന്റെ ഇന്നിംഗ്സിന്റെ ബലത്തില് 18 ഓവറില് രണ്ട് വിക്കറ്റ് മാത്രം നഷ്ടത്തില് 184 റണ്സെടുത്തിട്ടുണ്ട്. ശിവം ദുബെയാണ് (1) സഞ്ജുവിനൊപ്പം ക്രീസില്. റുതുരാജ് ഗെയ്കവാദ് (18 പന്തില് 15), ആയുഷ് മാത്രെ (59) എന്നിവരുടെ വിക്കറ്റാണ് ചെന്നൈക്ക് നഷ്ടമായത്.
നേരത്തെ, ടോസ് നേടിയ ഡല്ഹി ക്യാപ്റ്റന് അക്സര് പട്ടേല് ആതിഥേയരെ ബാറ്റിംഗിന് അയക്കുകയായിരുന്നു. ഒന്നാം വിക്കറ്റില് സഞ്ജു-ഗെയ്കവാദ് സഖ്യം 62 റണ്സ് ചേര്ത്തു. ഗെയ്കവാദ് അല്പം കൂടി വേഗത്തില് റണ്സ് കണ്ടെത്തിയിരുന്നെങ്കില് പവര് പ്ലേയില് കൂടുതല് റണ്സ് നേടാന് ചെന്നൈക്ക് സാധിക്കുമായിരുന്നു. ഏഴാം ഓവറില് ഗെയ്കവാദ് പുറത്തായി. ഒരു ബൗണ്ടറി മാത്രമാണ് ചെന്നൈ ക്യാപ്റ്റന് നേടാന് സാധിച്ചത്. വൈകാതെ മാത്രെ അര്ധ സെഞ്ചുറിയും സഞ്ജു സെഞ്ചുറിയും പൂര്ത്തിയാക്കി. പിന്നാലെ മാത്രെ റിട്ടയേര്ഡ് ഔട്ടായി. 36 പന്തു നേരിട്ട താരം 56 റണ്സ് നേടി. നാല് സിക്സും മൂുന്ന് ഫോറും ഉള്പ്പെടുന്നതാണ് മാത്രെയുടെ ഇന്നിംഗ്സ്. 113 റണ്സിന്റെ കൂട്ടുകെട്ടുണ്ടാക്കാന് ഇരുവര്ക്കും സാധിച്ചു. സഞ്ജു ഇതുവരെ മൂന്ന് സിക്സും 15 ഫോറുമാണ് നേടിയത്.
പരിക്കേറ്റ എം എസ് ധോണി ഇല്ലാതെയാണ് ഇന്നും ചെന്നൈ ഇറങ്ങുന്നത്. അതേസമയം, ഡിവാള്ഡ് ബ്രേവിസ് ടീമില് തിരിച്ചെത്തി. ഗുര്ജപ്നീത് സിംഗും ടീമിലുണ്ട്. രണ്ട് മാറ്റങ്ങളുമായിട്ടാണ് ഡല്ഹി ഇറങ്ങുന്നത്. വിപ്രാജ നിഗം, നിതീഷ് റാണ എന്നിവര് പുറത്തായി. അക്വിബ് നബി, അഷുതോഷ് ശര്മ എന്നിവര് പുറത്തായി. ഇരു ടീമുകളുടേയും പ്ലേയിംഗ് ഇലവന് അറിയാം.
ചെന്നൈ സൂപ്പര് കിംഗ്സ്: സഞ്ജു സാംസണ് (വിക്കറ്റ് കീപ്പര്), റുതുരാജ് ഗെയ്ക്വാദ് (ക്യാപ്റ്റന്), ആയുഷ് മാത്രെ, സര്ഫറാസ് ഖാന്, ശിവം ദുബെ, ഡിവാള്ഡ് േ്രബവിസ്, ജാമി ഓവര്ട്ടണ്, നൂര് അഹമ്മദ്, അന്ഷുല് കംബോജ്, ഗുര്ജപ്നീത് സിംഗ്, ഖലീല് അഹമ്മദ്.
ഡല്ഹി ക്യാപിറ്റല്സ്: പതും നിസ്സങ്ക, കെ എല് രാഹുല് (വിക്കറ്റ് കീപ്പര്), സമീര് റിസ്വി, അക്സര് പട്ടേല് (ക്യാപ്റ്റന്), ഡേവിഡ് മില്ലര്, ട്രിസ്റ്റന് സ്റ്റബ്സ്, അക്വിബ് നബി ദാര്, ലുങ്കി എന്ഗിഡി, കുല്ദീപ് യാദവ്, ടി നടരാജന്, മുകേഷ് കുമാര്.
