അടുത്ത സീസണിൽ ആര്‍സിബിയില്‍ എടുക്കുമോ? കൗണ്ടര്‍ അറ്റാക്കിംഗ് ബാറ്റ്സ്മാനാക്കാമെന്ന് കെയ്നോട് കോലി.!
ഹാരി കെയ്ന്‍റെ മിന്നും ബാറ്റിംഗും ഇപ്പോൾ ശ്രദ്ധനേടുന്നത്. ബാറ്റിംഗ് വീഡിയോ പങ്കുവെച്ച ഹാരി ഐപിഎല്‍ ടീമായ റോയല്‍ ചലഞ്ചേഴ്‌സ് ബാംഗ്ലൂര്‍ ടീമില്‍ സ്ഥാനം തേടുകയും ചെയ്തു.
ലണ്ടൻ: ഇംഗ്ലീഷ് പ്രീമിയർ ലീഗിൽ ഒന്നാമതുള്ള ടോട്ടൻഹാം ഹോട്സ്പർ താരങ്ങളുടെ ക്രിക്കറ്റ് കളി ട്വിറ്ററില്‍ ട്രെന്‍റിംഗായിരുന്നു. ഡ്രസിംഗ് റൂമിൽ ഹാരി കെയ്നും ടീമംഗങ്ങളും ക്രിക്കറ്റ് കളിക്കുന്ന വീഡിയോ ടോട്ടനം തന്നെയാണ് ആദ്യം പുറത്തുവിട്ടത്.
അതിൽ ഹാരി കെയ്ന്‍റെ മിന്നും ബാറ്റിംഗും ഇപ്പോൾ ശ്രദ്ധനേടുന്നത്. ബാറ്റിംഗ് വീഡിയോ പങ്കുവെച്ച ഹാരി ഐപിഎല്‍ ടീമായ റോയല്‍ ചലഞ്ചേഴ്‌സ് ബാംഗ്ലൂര്‍ ടീമില്‍ സ്ഥാനം തേടുകയും ചെയ്തു.
"ടി20യില്‍ എന്‍റെ മാച്ച് വിന്നിംഗ് കളി. അടുത്ത ഐപിഎൽ സീസണില്‍ ആര്‍സിബിയില്‍ എനിക്ക് സ്ഥാനമുണ്ടാകുമോ?' ഹാരി ട്വീറ്റ് ചെയ്തു. ആര്‍സിബിയേയും കോഹ്‌ലിയേയും ടാഗ് ചെയ്തുകൊണ്ടായിരുന്നു ഹാരി കെയ്ന്‍റെ ട്വീറ്റ്. കൗണ്ടര്‍ അറ്റാക്കിംഗ് ബാറ്റ്‌സ്മാനായി പരിഗണിക്കാമെന്നാണ് കെയ്‌നിന് കോഹ്‌ലി നല്‍കുന്ന മറുപടി. കെയ്ന്‍റെ ബാറ്റിംഗ് മികവിനെ കോലി അഭിനന്ദിക്കുകയും ചെയ്തു.
ഇംഗ്ലണ്ട് സൂപ്പർ താരമായ ഹാരി കെയ്നും ഇന്ത്യൻ നായകൻ വിരാട് കോലിയും സുഹൃത്തുക്കളാണ്. 2019 ലോകകപ്പിനെത്തിയ കോഹ്‌ലി കെയ്നെ സന്ദർശിക്കുകയും സൗഹൃദം പങ്കുവെക്കുകയും ചെയ്തിരുന്നു.
