പഠിച്ചുവരുന്നേ ഒള്ളൂ; ക്രിക്കറ്റ് ആരാധകരെ അമ്പരിപ്പിച്ച റൊമാനിയന്‍ താരത്തിന്റെ ബൗളിങ് കാണാം- വീഡിയോ
യൂറോപ്യന്‍ രാജ്യങ്ങളില്‍ ക്രിക്കറ്റ് വളര്‍ത്താന്‍ വേണ്ടി ആരംഭിച്ച ടൂര്‍ണമെന്‍റാണ് യൂറോപ്യന്‍ ക്രിക്കറ്റ് ലീഗ്. യൂറോപ്യന്‍ രാജ്യങ്ങളില്‍ നിന്നുള്ള വിവിധ ക്ലബുകളാണ് ടൂര്‍ണമെന്റില്‍ കളിക്കുന്നത്.
ലണ്ടന്‍: യൂറോപ്യന്‍ രാജ്യങ്ങളില്‍ ക്രിക്കറ്റ് വളര്‍ത്താന്‍ വേണ്ടി ആരംഭിച്ച ടൂര്‍ണമെന്‍റാണ് യൂറോപ്യന്‍ ക്രിക്കറ്റ് ലീഗ്. യൂറോപ്യന്‍ രാജ്യങ്ങളില്‍ നിന്നുള്ള വിവിധ ക്ലബുകളാണ് ടൂര്‍ണമെന്റില്‍ കളിക്കുന്നത്. ഇതില്‍ പലര്‍ക്കും ക്രിക്കറ്റ് പരിചിതമായി വരുന്നേയുള്ളൂ. അതിലൊരു താരമായിരുന്നു റൊമാനിയക്കാരന്‍ പവേല്‍ ഫ്‌ളോറിന്‍. തന്റെ ബൗളിങ് കൊണ്ട് ഇന്റര്‍നെറ്റില്‍ വൈറലായിരിക്കുകയാണ് ഫ്‌ളോറിന്‍.
റൊമാനിയന്‍ ക്ലബായ ക്ലുയ് ക്രിക്കറ്റ് ക്ലബിനെയാണ് ഫ്‌ളോറിന്‍ പ്രതിനിധീകരിക്കുന്നത്. ഫ്രാന്‍സില്‍ നിന്നുള്ള ഡ്രക്‌സ് ക്രിക്കറ്റ് ക്ലബിനെതിരായ മത്സരത്തിലായിരുന്നു ഫ്‌ളോറിന്റെ അമ്പരപ്പിക്കുന്ന ബൗളിങ്. വൈഡും ഫുള്‍ടോസും നിറഞ്ഞതായിരുന്നു ഫ്‌ളോറിന്റെ പന്തുകള്‍.
ആദ്യമായിട്ടാണ് പന്തെറിയുന്നത് എന്ന് തോന്നിപ്പിക്കും വിധമായിരുന്നു ബൗളിങ്. എന്നാല്‍ അടുത്തിടെ താരത്തിന്റെ കാലിന് പരിക്കേറ്റിരുന്നുവെന്നും അതുകൊണ്ടാണ് ഇത്തരത്തില്‍ പന്തെറിയുന്നതെന്നും സംസാരമുണ്ട്. താരം പന്തെറിയുന്ന വീഡിയോ കാണാം...
