അവസാന ഏഴ് ഇന്നിങ്സുകളില് ഒരു അര്ധ സെഞ്ചുറി പോലും കോലിയുടെ ബാറ്റില് നിന്നുണ്ടായിട്ടില്ല. ലോര്ഡ്സ് ടെസ്റ്റില് രണ്ട് ഇന്നിങ്സിലും കോലി നിരാശപ്പെടുത്തി.
ലണ്ടന്: കരിയറിലെ മോശം ഫോമിലാണ് ഇന്ത്യന് ക്യാപ്റ്റന് വിരാട് കോലി. 2019 അവസാനം മുതല് ഒരു സെഞ്ചുറി പോലും നേടാന് കോലിക്ക് സാധിച്ചിരുന്നില്ല. അവസാന ഏഴ് ഇന്നിങ്സുകളില് ഒരു അര്ധ സെഞ്ചുറി പോലും കോലിയുടെ ബാറ്റില് നിന്നുണ്ടായിട്ടില്ല. ലോര്ഡ്സ് ടെസ്റ്റില് രണ്ട് ഇന്നിങ്സിലും കോലി നിരാശപ്പെടുത്തി. രണ്ടാം ഇന്നിങ്സില് 20 റണ്സിന് കോലി പുറത്തായി.
സാം കറന്റെ പന്തില് വിക്കറ്റ് കീപ്പര് ജോസ് ബട്ലര്ക്ക് ക്യാച്ച് നല്കിയാണ് കോലി മടങ്ങിയത്. എന്തായാലും ആ പുറത്താവല് കോലിയെ നിരാശനാക്കിയെന്ന് ഉറപ്പാണ്. ഡ്രസിംഗ് റൂമില് നിന്നുള്ള ദൃശ്യങ്ങള് അതാണ് പറയുന്നത്. ഇന്ത്യന് നായകന് നിരാശയോടെ ടൗവ്വല് വലിച്ചെറിയുകയായിരുന്നു. വീഡിയോ കാണാം...
കോലിക്ക് പുറമെ രോഹിത് ശര്മ, കെ എല് രാഹുല് എന്നിവരും നേരത്തെ പുറത്തായിരുന്നു. രണ്ടാം ഇന്നിങ്സില് രഹാനെ- പൂജാര സഖ്യത്തിന്റെ കൂട്ടുകെട്ടാണ് ഇന്ത്യയെ തകര്ച്ചയില് നിന്ന് രക്ഷിച്ചത്. രഹാനെ 61ഉം പൂജാര 45 റണ്സും നേടി പുറത്തായി.
