സതാംപ്ടണ്‍: ലോക ക്രിക്കറ്റില്‍ വിക്കറ്റിന് പിന്നിലെ മിന്നല്‍പ്പിണറാണ് എം എസ് ധോണി. ധോണിയുടെ മിന്നല്‍ സ്റ്റംപിംഗിന്‍റെ വേഗം നിരവധി താരങ്ങള്‍ ഇതിനകം അറിഞ്ഞിട്ടുണ്ട്. ധോണി വിക്കറ്റിന് പിന്നില്‍ നില്‍ക്കുമ്പോള്‍ മുന്നോട്ട് കയറി ബാറ്റ്സ്‌മാന്‍മാര്‍ ഷോട്ടിന് ശ്രമിക്കരുത് എന്നൊരു ശൈലി തന്നെ രൂപപ്പെട്ടു. 

എന്നാല്‍, ലോകകപ്പില്‍ അഫ്‌ഗാനെതിരായ മത്സരത്തില്‍ സംഭവിച്ചത് മറ്റൊന്നായിരുന്നു. സാക്ഷാല്‍ എം എസ് ധോണി പുറത്തായത് മിന്നല്‍ സ്റ്റംപിംഗിലാണ്. സ്‌പിന്നര്‍ റാഷീദ് ഖാന്‍ എറിഞ്ഞ 45-ാം ഓവറില്‍ സ്റ്റെപ്‌ ഔട്ട് ചെയ്ത ധോണിയെ വിക്കറ്റ് കീപ്പര്‍ ഇക്രം അലി തകര്‍പ്പന്‍ സ്റ്റംപിംഗില്‍ പുറത്താക്കി. 52 പന്തില്‍ 28 റണ്‍സാണ് ധോണി നേടിയത്.

റാഷിദിന്‍റെ പന്തില്‍ ധോണി പുറത്തായത് കാണാം

പക്ഷേ, തിരിച്ച് അഫ്ഗാന്‍ ബാറ്റിംഗിന് ഇറങ്ങിയപ്പോള്‍ ധോണി മധുരപ്രതികാരം ചെയ്തു. അതും തന്നെ പുറത്താക്കിയ റാഷിദ് ഖാനെ തന്നെ സ്റ്റംപിംഗിലൂടെ ധോണി പറഞ്ഞു വിട്ടു. ചഹാല്‍ എറിഞ്ഞ 45-ാം ഓവറില്‍ തന്നെയാണ് റാഷിദിനെ പുറത്താക്കിയ ധോണിയുടെ സ്റ്റംപിംഗ് എന്നതും മറ്റൊരു കൗതുകം. 

റാഷിദിനെ പുറത്താക്കിയ ധോണിയുടെ മിന്നല്‍ സ്റ്റംപിംഗ് കാണാം