ഡബ്ല്യു ഡബ്ല്യു ഇയിലും ചര്‍ച്ചാവിഷയം ഇന്ത്യന്‍ ടീം; കോലിപ്പടയ്‌ക്ക് ചാമ്പ്യന്‍റെ ആശംസ!

നീലപ്പടയ്‌ക്ക്, വിരാട് കോലിക്കും എം എസ് ധോണിക്കും സഹതാരങ്ങള്‍ക്കും എല്ലാ ആശംസകളും നേരുന്നതായി ഡബ്ല്യു ഡബ്ല്യു ഇ ചാമ്പ്യന്‍.

WATCH WWE Champion Kofi Kingston wishes to indian team

Web Team

london, First Published Jun 7, 2019, 9:38 PM IST

ലണ്ടന്‍: ലോകകപ്പില്‍ ഇന്ത്യന്‍ ക്രിക്കറ്റ് ടീമിന് ആശംസകളുമായി ഡബ്ല്യു ഡബ്ല്യു ഇ ചാമ്പ്യന്‍ കോഫി കിങ്‌സ്‌ടണ്‍. നീലപ്പടയ്‌ക്ക്, വിരാട് കോലിക്കും എം എസ് ധോണിക്കും സഹതാരങ്ങള്‍ക്കും എല്ലാ ആശംസകളും നേരുന്നു. നിങ്ങള്‍ക്ക് കിരീടം നേടാന്‍ കഴിയുമെന്നും ഡബ്ല്യു ഡബ്ല്യു ഇയുടെ ഔദ്യോഗിക ട്വിറ്റര്‍ അക്കൗണ്ടിലൂടെയുള്ള വീഡിയോയില്‍ കോഫി പറഞ്ഞു.

YOU CAN DO IT! #WWEChampion @TrueKofi wishes @imVkohli, @msdhoni and the entire #TeamIndia all the luck and positivity! @ICC #INDvSA pic.twitter.com/ASGVgGYsqF
— WWE (@WWEIndia) June 5, 2019

ഇന്ത്യന്‍ ക്രിക്കറ്റ് ടീമിനും നായകന്‍ കോലിക്കും ലോകമെമ്പാടുനിന്നും ആശംസകള്‍ ലഭിക്കുകയാണ്. ജര്‍മന്‍ ഫുട്ബോളര്‍ തോമസ് മുള്ളര്‍, ചെല്‍സിയുടെ ബ്രസീലിയന്‍ താരം ഡേവിഡ് ലൂയിസ് തുടങ്ങിയവര്‍ ആശംസകള്‍ നേര്‍ന്നിരുന്നു. ഇന്ത്യയില്‍ ഡബ്ല്യു ഡബ്ല്യു ഇ റെസിലിംഗിനുള്ള പ്രചാരം കൂട്ടാനുള്ള ശ്രമങ്ങളുടെ ഭാഗം കൂടിയാണ് കോഫി കിങ്‌സ്‌ടണിന്‍റെ വീഡിയോ.

ദക്ഷിണാഫ്രിക്കയെ ആറ് വിക്കറ്റിന് തകര്‍ത്ത് ഇന്ത്യ ലോകകപ്പ് തുടക്കം ഗംഭീരമാക്കിയിട്ടുണ്ട്. ഞായറാഴ്‌ച ഓസ്‌ട്രേലിയക്ക് എതിരെയാണ് ഇന്ത്യയുടെ അടുത്ത മത്സരം.

Last Updated Jun 21, 2019, 10:36 AM IST