സിറ്റി പൊലീസ് കമ്മീഷണറുടെ നേതൃത്വത്തിൽ നടത്തിയ പരിശോധനയിലാണ് 82 പേരെയും പിടികൂടിയിരിക്കുന്നത്. നഗരത്തിൽ സമാധാനാന്തരീക്ഷം സൃഷ്ടിക്കാനുള്ള ലക്ഷ്യത്തിന്റെ ഭാഗമായിട്ടാണ് പൊലീസ് നടപടി.
തിരുവനന്തപുരം: തലസ്ഥാനത്ത് കുപ്രസിദ്ധ ഗുണ്ടകൾ കരുതൽ തടങ്കലിൽ. ഓംപ്രകാശ് ഉൾപ്പെടെയുള്ള ഗുണ്ടകളെയാണ് പൊലീസ് പിടികൂടിയത്. വിവിധ ക്രിമിനൽ കേസുകളിൽ ഉൾപ്പെട്ട 82 പേരെയും പൊലീസ് പിടികൂടിയിട്ടുണ്ട്. ആറ്റുകാൽ പൊങ്കാല, തെരഞ്ഞെടുപ്പ് എന്നിവ മുന്നിൽകണ്ടാണ് നടപടി. ആറ്റുകാൽ പൊങ്കാലയ്ക്ക് ദിവസങ്ങൾ മാത്രമാണ് ബാക്കിയുള്ളത്. ഓംപ്രകാശ്, പൊക്കം ഷാജി, എയർപോർട്ട് ഡാനി, സൈഫാൻ എന്നീ നിരവധി ക്രിമിനൽ കേസുകളിലെ പ്രതികളും ഇക്കൂട്ടത്തിലുണ്ട്. സിറ്റി പൊലീസ് കമ്മീഷണറുടെ നേതൃത്വത്തിൽ നടത്തിയ പരിശോധനയിലാണ് 82 പേരെയും പിടികൂടിയിരിക്കുന്നത്. നഗരത്തിൽ സമാധാനാന്തരീക്ഷം സൃഷ്ടിക്കാനുള്ള ലക്ഷ്യത്തിന്റെ ഭാഗമായിട്ടാണ് പൊലീസ് നടപടി.
