Asianet News MalayalamAsianet News Malayalam

വീടിന് മുറ്റത്ത് നിർത്തിയിട്ടിരുന്ന ബൈക്ക് കത്തിനശിച്ച നിലയിൽ; അന്വേഷണം ആരംഭിച്ച് പൊലീസ്

അര്‍ദ്ധരാത്രിയാണ് സംഭവമെന്നാണ് നിഗമനം. മറ്റ് ശബ്ദങ്ങളൊന്നും വീട്ടുകാര്‍ കേട്ടിരുന്നില്ല. പുലര്‍ച്ചെയാണ് വീട്ടുകാര്‍ വിവരം അറിയുന്നത്. 

bike found burned at kozhikode nadapuram
Author
First Published Jun 14, 2024, 8:32 PM IST

കോഴിക്കോട്: കോഴിക്കോട് നാദാപുരത്ത് വീടിന് മുറ്റത്ത് നിര്‍ത്തിയിട്ടിരുന്ന ബൈക്ക് പൂര്‍ണ്ണമായി കത്തിനശിച്ച നിലയില്‍. നാദാപുരം പൊലീസ് അന്വേഷണം ആരംഭിച്ചു. നാദാപുരം തെരുവംപറമ്പത്താണ് വീട്ടു മുറ്റത്ത് നിര്‍ത്തിയിട്ട ബൈക്ക് കത്തിയ നിലയില്‍ കണ്ടെത്തിയത്. വട്ടക്കണ്ടി അഷ്റഫ് എന്നയാളുടെ ഉടമസ്ഥതയിലുള്ള ബൈക്ക് പൂര്‍ണ്ണമായും കത്തിയ നിലയിലാണ്. ബൈക്കില്‍ സൂക്ഷിച്ച പാസ്പോര്‍ട്ട് മറ്റ് പ്രധാനപ്പെട്ട രേഖകള്‍ എന്നിവ കത്തിനശിച്ചെന്ന് അഷ്റഫ് പറഞ്ഞു. 

അര്‍ദ്ധരാത്രിയാണ് സംഭവമെന്നാണ് നിഗമനം. മറ്റ് ശബ്ദങ്ങളൊന്നും വീട്ടുകാര്‍ കേട്ടിരുന്നില്ല. പുലര്‍ച്ചെയാണ് വീട്ടുകാര്‍ വിവരം അറിയുന്നത്. നാദാപുരം പൊലീസ് അന്വേഷണം ആരംഭിച്ചു. ഫോറന്‍സിക്, ഡോഗ് സ്ക്വാഡ് എന്നിവ വിശദമായി പരിശോധന നടത്തി. വീട്ടിലെ മറ്റു വസ്തുക്കള്‍ക്കൊന്നും കേടുപാടുകള്‍ സംഭവിച്ചിട്ടില്ല. പ്രദേശത്തെ സിസി ടിവി ദൃശ്യങ്ങള്‍ പൊലീസ് പരിശോധിക്കും.

Latest Videos
Follow Us:
Download App:
  • android
  • ios