പതിനാറുകാരി മകളെ കൊലപ്പെടുത്തി നദിയില് ഒഴുക്കി; ദമ്പതികള് അറസ്റ്റില്
മാൾഡയിൽ നാടിനെ നടുക്കിയ ദുരഭിമാനക്കൊല നടന്നത്. പതിനാറുകാരിയായ മകളെ കൊന്ന് ഗംഗയിൽ ഒഴുക്കിയ മാതാപിതാക്കളെ പോലീസ് അറസ്റ്റ് ചെയ്തു.
മാൾഡ: പശ്ചിമബംഗാളില് അമ്മയും അച്ഛനും മകളെ കൊലപ്പെടുത്തി നദിയില് ഒഴുക്കി. മാൾഡയിൽ നാടിനെ നടുക്കിയ ദുരഭിമാനക്കൊല നടന്നത്. പതിനാറുകാരിയായ മകളെ കൊന്ന് ഗംഗയിൽ ഒഴുക്കിയ മാതാപിതാക്കളെ പോലീസ് അറസ്റ്റ് ചെയ്തു. മാൾഡയിലെ മഹേന്ദ്രതോല സ്വദേശികളായ ധിരൻ മണ്ഡൽ, ഭാര്യ സുമതി മണ്ഡൽ എന്നിവരാണ് അറസ്റ്റിലായത്.
ഗ്രാമത്തിലെ ഒരു ചെറുപ്പക്കാരനുമായി മകൾക്ക് അടുപ്പമുണ്ടായിരുന്നതിനെ ഇവർ എതിർത്തിരുന്നു. എന്നാൽ ഈ ബന്ധവുമായി മുന്നോട്ടുപോയതിലുള്ള വൈരാഗ്യത്തിലാണ് മകളെ ധിരനും സുമതിയും കൊലപ്പെടുത്തിയത്. ഒമ്പതാം ക്ലാസ് വിദ്യാർഥിയായ മകളെ കൊലപ്പെടുത്തിയ ശേഷം ചാക്കിലാക്കി നദിയിൽ ഒഴുക്കുകയായിരുന്നു.