ജാഗ്രത, ഒളിച്ചിരുന്ന് വാറ്റിയാലും ഇനി കുടുങ്ങും; ഡ്രോണ് നിരീക്ഷണവുമായി പൊലീസ്
ജില്ലയില് വ്യാജവാറ്റ് സജീവമായതോടെയാണ് ഡ്രോണ് പരിശോധന നടത്തുന്നതെന്ന് എറണാകുളം റൂറല് ജില്ലാ പൊലീസ് മേധാവി
കെ. കാര്ത്തിക് പറയുന്നു. ജില്ലയുടെ മലയോര മേഖലയായ കോതമംഗലത്തും സമീപ പ്രദേശങ്ങളിലുമാണ് കൂടുതല് കേസുകള്. വനാതിര്ത്തിയോട് ചേര്ന്നുള്ള ഈ ഭാഗത്ത് പൊലീസെത്തിയുള്ള പരിശോധന അത്ര എളുപ്പമല്ല.
ഈ സാഹചര്യത്തിലാണ് ഡ്രോണ് ഉപയോഗിച്ച് പരിശോധന നടത്തുന്നത്. പൂയംകുട്ടി, കുട്ടന്പുഴ തുടങ്ങിയ സ്ഥലങ്ങളില് വ്യാജവാറ്റ് കണ്ടെത്തിയത് ഡ്രോണ് നിരീക്ഷണത്തിലൂടെയാണ്. നാല് ഡ്രോണുകളാണ് നിലവില് ഉപയോഗിക്കുന്നത്. വ്യാജമദ്യ നിര്മ്മാണത്തിനിടെ പിടിയിലാകുന്നവര്ക്കെതിരെ കാപ്പ ചുമത്താനുള്ള നടപടികള് ആരംഭിച്ചതായും ജില്ലാ പൊലീസ് മേധാവി അറിയിച്ചു.