വീട്ടില് മറ്റ് കുടുംബാംഗങ്ങള് ഇല്ലാതിരുന്ന സമയത്താണ് 23കാരന് തന്നെ പീഡിപ്പിക്കാന് ശ്രമിച്ചതെന്ന് യുവതി.
ലഖ്നൗ: വീടിനുള്ളില് വച്ച് പീഡിപ്പിക്കാന് ശ്രമിച്ച 23കാരനായ യുവാവിന്റെ ജനനേന്ദ്രിയം കത്തി ഉപയോഗിച്ച് മുറിച്ച യുവതി അറസ്റ്റില്. വീട്ടിലെ ജോലിക്കാരന് കൂടിയായ യുവാവിന്റെ ജനനേന്ദ്രിയമാണ് യുവതി മുറിച്ചത്. ഉത്തര്പ്രദേശിലെ കൗശാംബി ജില്ലയില് ബുധനാഴ്ചയാണ് കേസിനാസ്പദമായ സംഭവം നടന്നത്. ജനനേന്ദ്രിയം മുറിച്ച ശേഷം വിവരം പൊലീസ് സ്റ്റേഷനിലെത്തി യുവതി തന്നെ അറിയിക്കുകയായിരുന്നെന്ന് ഉദ്യോഗസ്ഥര് പറഞ്ഞു.
വീട്ടില് മറ്റ് കുടുംബാംഗങ്ങള് ഇല്ലാതിരുന്ന സമയത്താണ് 23കാരന് തന്നെ പീഡിപ്പിക്കാന് ശ്രമിച്ചതെന്ന് യുവതി പൊലീസിനോട് പറഞ്ഞു. യുവാവില് നിന്ന് രക്ഷപ്പെട്ട യുവതി അല്പസമയത്തിനുള്ളില് കത്തിയുമായി തിരികെ എത്തി യുവാവിന്റെ ജനനേന്ദ്രിയം മുറിച്ചു മാറ്റുകയായിരുന്നു. പിന്നാലെ പൊലീസ് സ്റ്റേഷനിലെത്തി വിവരം അറിയിക്കുകയായിരുന്നു. തുടര്ന്ന് വീട്ടിലെത്തിയ പൊലീസ് ആണ് അവശനിലയില് രക്തത്തില് കുളിച്ചു കിടക്കുന്ന യുവാവിനെ കണ്ടെത്തിയത്. ഉടന് തന്നെ പൊലീസ് വാഹനത്തില് തന്നെ യുവാവിനെ സമീപത്തെ ആശുപത്രിയില് എത്തിച്ചു. എന്നാല് ആരോഗ്യനില അതീവഗുരുതരമായതോടെ വിദഗ്ദ ചികിത്സയ്ക്കായി പ്രയാഗ് രാജിലെ ആശുപത്രിയില് പ്രവേശിപ്പിച്ചതായി പൊലീസ് അറിയിച്ചു.
അതേസമയം, സംഭവത്തില് വ്യത്യസ്ത മൊഴിയാണ് യുവാവ് നല്കിയതെന്ന് പൊലീസ് പറഞ്ഞു. തന്റെ ചെറുപ്പകാലം മുതല് പരാതിക്കാരിയുടെ വീട്ടിലെ ജോലിക്കാരനാണ് താന്. സംഭവദിവസം അവര് വീട്ടിലേക്ക് വിളിച്ചുവരുത്തി തന്നെ അബോധാവസ്ഥയിലാക്കിയ ശേഷം സ്വകാര്യഭാഗം മുറിക്കുകയായിരുന്നുവെന്നാണ് യുവാവ് നല്കിയ മൊഴിയെന്ന് പൊലീസ് പറഞ്ഞു. തുടര്ന്ന് യുവാവിന്റെ പിതാവ് നല്കിയ പരാതിയുടെ അടിസ്ഥാനത്തില് യുവതിയെ പൊലീസ് കസ്റ്റഡിയില് എടുക്കുകയായിരുന്നു. ഐപിസി 326, 308 വകുപ്പുകള് പ്രകാരമാണ് യുവതിക്കെതിരെ കേസെടുത്തിരിക്കുന്നതെന്ന് പൊലീസ് അറിയിച്ചു. സൗദി അറേബ്യയില് ഡ്രൈവറാണ് യുവതിയുടെ ഭര്ത്താവ്.
ശബരിമല ഡ്യൂട്ടിക്ക് ജീവനക്കാരുമായി പോയ ഫയർഫോഴ്സ് വാഹനത്തിന്റെ ടയറുകൾ ഊരിത്തെറിച്ചു
