പട്ടാമ്പിക്ക് പോകുന്നതിനായി പ്ലാറ്റ്ഫോമില് നിന്ന് പ്രധാനകവാടം വഴി പുറത്തേക്കിറങ്ങുമ്പോള് സംശയാസ്പദമായി കാണപ്പെട്ടപ്പോഴാണ് ഇവരെ പരിശോധിച്ചത്.
പാലക്കാട്: പാലക്കാട് റെയില്വേ സ്റ്റേഷനില് 100 ഗ്രാമിലധികം മാരക ലഹരിമരുന്നായ എംഡിഎംഎയുമായി യുവാക്കളെ പിടികൂടി. പട്ടാമ്പി പള്ളിപ്പുറം സ്വദേശി ഷൗക്കത്തലി (38), പുലാമന്തോള് കുരുവമ്പലം സ്വദേശി പ്രണവ് (26) എന്നിവരില് നിന്നും 44 ഗ്രാമാണ് പിടികൂടിയത്.
ബംഗളുരുവില് നിന്നെത്തി പാലക്കാട് സ്റ്റേഷനില് ഇറങ്ങി പട്ടാമ്പിക്ക് പോകുന്നതിനായി പ്ലാറ്റ്ഫോമില് നിന്ന് പ്രധാനകവാടം വഴി പുറത്തേക്കിറങ്ങുമ്പോള് സംശയാസ്പദമായി കാണപ്പെട്ടപ്പോഴാണ് ഇവരെ പരിശോധിച്ചത്. പട്ടാമ്പി - കൊപ്പം മേഖലയില് ലഹരി വില്പ്പന നടത്തുന്നവര്ക്കിടയിലെ മൊത്തവിതരണക്കാരാണ് ഇവര് എന്നാണ് പ്രാഥമികാന്വേഷണത്തില് അറിഞ്ഞതെന്ന് പൊലീസ് പറഞ്ഞു. ആര്പിഎഫ് ക്രൈം ഇന്റലിജന്സ് ബ്രാഞ്ചും പാലക്കാട് എക്സൈസ് സര്ക്കിളും സ്പെഷ്യല് സ്ക്വാഡും ചേര്ന്നാണ് ഇവരെ പിടികൂടിയത്.
മറ്റൊരു സംഭവത്തില്, ബംഗളൂരു-എറണാകുളം ഇന്റര്സിറ്റി എക്സ്പ്രസിലെ ജനറല് കമ്പാര്ട്ട്മെന്റില് നിന്നുമാണ് ഉടമസ്ഥന് ഇല്ലാത്ത നിലയില് കണ്ടെടുത്ത ബാഗില് വസ്ത്രങ്ങള്ക്കിടയില് ഒളിപ്പിച്ച് വച്ച 57 ഗ്രാം എംഡിഎംഎ കണ്ടെടുത്തത്. ട്രെയിന് മാര്ഗം ലഹരി കടത്തിനെതിരെയുള്ള പരിശോധനകള് കൂടുതല് ശക്തമായി തുടരുമെന്ന് ആപിഎഫ് എക്സൈസ് വൃത്തങ്ങള് അറിയിച്ചു.
വ്യാജ രേഖ: വിദ്യ കരിന്തളം കോളേജിൽ ഹാജരാക്കിയ രേഖകളും പൊലീസ് പരിശോധിക്കും
