സാന്‍വിച്ച് എത്താന്‍ വെെകി; വെയിറ്ററെ വെടിവെച്ച് കൊന്നു
താന്‍ ഓര്‍ഡര്‍ ചെയ്ത സാന്‍വിച്ച് എത്താന്‍ ഒരുപാട് വെെകിയെന്നാണ് കൊലയാളിയുടെ ആരോപണം. കടുത്ത ദേഷ്യത്തിലായിരുന്ന കൊലപാതകി വെയിറ്ററിന് നേര്‍ക്ക് വെടിയുതിര്‍ക്കുകയായിരുന്നുവെന്ന് ദൃക്സാക്ഷികളും വ്യക്തമാക്കി
പാരീസ്: ഓര്‍ഡര്‍ ചെയ്ത സാന്‍വിച്ച് എത്താന്‍ വെെകിയതോടെ ഹോട്ടല്‍ വെയിറ്ററെ വെടിവെച്ച് കൊന്നു. വെള്ളിയാഴ്ച രാത്രിയില്‍ പാരീസിലാണ് സംഭവം. ഏതാനും മാസങ്ങള്‍ക്ക് മാത്രം മുമ്പ് ആരംഭിച്ച പാരീസിലെ പിസ, സാന്‍വിച്ച് എന്നിവ മാത്രം ലഭിക്കുന്ന ഹോട്ടലിലാണ് സംഭവം.
താന്‍ ഓര്‍ഡര്‍ ചെയ്ത സാന്‍വിച്ച് എത്താന്‍ ഒരുപാട് വെെകിയെന്നാണ് കൊലയാളിയുടെ ആരോപണം. കടുത്ത ദേഷ്യത്തിലായിരുന്ന കൊലപാതകി വെയിറ്ററിന് നേര്‍ക്ക് വെടിയുതിര്‍ക്കുകയായിരുന്നുവെന്ന് ദൃക്സാക്ഷികളും വ്യക്തമാക്കി.
വെടിയേറ്റ് വീണ വെയിറ്ററെ ആശുപത്രിയിലെത്തിക്കാന്‍ ശ്രമിച്ചെങ്കിലും സംഭവസ്ഥലത്ത് തന്നെ മരിക്കുകയായിരുന്നു. സംഭവത്തില്‍ കൂടുതല്‍ അന്വേഷണം നടത്തുമെന്ന് പൊലീസ് അറിയിച്ചു.
