കോഴിക്കോട് കഞ്ചാവുമായി യുവാവ് പിടിയിൽ
രഹസ്യ വിവരം കിട്ടിയതിനെ തുടർന്ന് നടത്തിയ പരിശോധനയിലാണ് യുവാവ് പിടിയിലായത്.
കോഴിക്കോട്: എക്സൈസ് റെയ്ഡില്‍ 425 ഗ്രാം കഞ്ചാവുമായി യുവാവ് അറസ്റ്റിൽ. കോഴിക്കോട് കോവൂർ ഉമ്മളത്തൂർത്താഴം സ്വദേശി അതുൽമിത്ത് (23) ആണ് പിടിയിലായത്. രഹസ്യ വിവരം കിട്ടിയതിനെ തുടർന്ന് നടത്തിയ പരിശോധനയിലാണ് യുവാവ് പിടിയിലായത്. എക്സൈസ് എൻഫോഴ്സ്മെൻറ് & ആൻറി നർക്കോട്ടിക് സ്പെഷ്യൽ സ്ക്വാഡ് ഇൻസ്പെക്ടർ ജിജോ ജെയിംസിന്‍റെ നേതൃത്വത്തിലായിരുന്നു പരിശോധന.
പരിശോധന സംഘത്തിൽ പ്രിവന്റീവ് ഓഫീസർ ഷംസുദ്ധീൻ.കെ, സി.ഇ.ഒമാരായ ദിനോബ്.പി,ദീൻ ദയാൽ എസ്.ആർ,അജിത്ത്.പി,അഖിൽ.പി,സി.എം പ്രജിത്ത്, എന്നിവരുമുണ്ടായിരുന്നു.
പരിസര പ്രദേശങ്ങളിൽ ശക്തമായ നിരീക്ഷണവും പരിശോധനയും തുടർന്നും ഉണ്ടാകുമെന്നും എക്സൈസ് ഉദ്യോഗസ്ഥർ അറിയിച്ചു.
Last Updated Feb 6, 2020, 7:46 PM IST
