ശബരിമല വിഷയം മുന്നിര്ത്തി തെരഞ്ഞെടുപ്പിനെ നേരിടുന്ന ബിജെപി ഇക്കുറിയും കേരളത്തില് അക്കൗണ്ട് തുറക്കില്ലെന്ന് സര്വ്വേ പ്രവചിക്കുന്നു.
ദില്ലി: വരാനിരിക്കുന്ന ലോക്സഭാ തെരഞ്ഞെടുപ്പില് കേരളത്തില് യുഡിഎഫിന് വന്ജയം പ്രവചിച്ച് എബിപി ന്യൂസ്- സീവോട്ടര് സര്വ്വേ. കേരളത്തിലെ ആകെയുള്ള 20 സീറ്റുകളില് 16-ലും യുഡിഎഫ് ജയിക്കുമെന്ന് സര്വ്വേ പ്രവചിക്കുന്നു.
Add Asianetnews as a Preferred Source
അവശേഷിക്കുന്ന നാല് സീറ്റുകളില് എല്ഡിഎഫ് ജയിക്കും. നിലവില് 12 സീറ്റുകള് യുഡിഎഫും എട്ട് സീറ്റുകള് എല്ഡിഎഫും ആണ് കൈവശം വച്ചിരിക്കുന്നത്. എല്ഡിഎഫിന്റെ എട്ട് സീറ്റില് പകുതിയും യുഡിഎഫ് പിടിച്ചെടുക്കും എന്ന പ്രവചനാണ് ഇപ്പോള്വരുന്നത്.
അതേസമയം ശബരിമല വിഷയം മുന്നിര്ത്തി തെരഞ്ഞെടുപ്പിനെ നേരിടുന്ന ബിജെപിയ്ക്കും എന്ഡിഎയ്ക്കും ഇക്കുറിയും അക്കൗണ്ട് തുറക്കാന് സാധിക്കില്ലെന്നും സര്വ്വേ പറയുന്നു. തമിഴ്നാട്ടില് ആകെയുള്ള 39 സീറ്റുകളും ഡിഎംകെ- കോണ്ഗ്രസ് സഖ്യം തൂത്തുവാരുമെന്നാണ് സര്വ്വേ പ്രവചനം.