ദേശീയ ചലച്ചിത്ര അവാര്‍ഡ്: മികച്ച ചിത്രം ആട്ടം, മികച്ച നടൻ ഋഷഭ് ഷെട്ടി, നടി നിത്യാ മേനൻ

കോസ്റ്റ്യൂം- നിഖിൽ ജോഷി
പ്രൊഡക്ഷൻ ഡിസൈൻ -അനന്ദ് അധ്യായ (അപരാജിതോ)
നൃത്തസംവിധാനം - ജാനി, സതീഷ് (തിരുചിത്രമ്പലം)
​ഗാനരചന - നൗഷാദ് സാദർ ഖാൻ (ഫൗജ)
നവാ​ഗത സംവിധായകൻ -പ്രമോദ് കുമാർ (ഫൗജ)
തെലുങ്ക് ചിത്രം - കാർത്തികേയ 2
സൗണ്ട് ഡിസൈൻ - ആനന്ദ് കൃഷ്ണമൂർത്തി (പൊന്നിയിൻ സെൽവൻ 1)
ക്യാമറ - രവി വർമൻ (പൊന്നിയിൻ സെൽവൻ-1)
മികച്ച ഗായകൻ - അരിജിത് സിം​ഗ് (ബ്രഹ്മാസ്ത്ര)
മികച്ച സഹനടൻ- പവൻ രാജ് മൽഹോത്ര (ഫൗജ)

നോൺ ഫീച്ചർ വിഭാ​ഗത്തിൽ മികച്ച സംവിധായികയായി തിളങ്ങി മലയാളിയായ മറിയം ചാണ്ടി മാനാഞ്ചേരി. 

കാന്താര മികച്ച ജനപ്രിയ ചിത്രത്തിനുള്ള അവാര്‍ഡ് സ്വന്തമാക്കി. ഋഷബ് ഷെട്ടിയാണ് ചിത്രത്തിന് രചനയും സംവിധാനവും നിർവഹിച്ചത്. 

ഉഞ്ചായ് എന്ന ചിത്രത്തിലൂടെ സൂരജ് ആർ ബർജാത്യ മികച്ച സംവിധായകനായി തെര‍ഞ്ഞെടുക്കപ്പെട്ടു.

മികച്ച വിഎഫ്എക്‌സ് ചിത്രമായി ബ്രഹ്മാസ്ത്രയെ തെരഞ്ഞെടുത്തു. അയൻ മുഖർജിയാണ് ചിത്രത്തിന്റെ രചനയും സംവിധാനവും നിർവഹിച്ചത്. 

ഉഞ്ചായിയിലെ അഭിനയത്തിന് നീന ഗുപ്ത മികച്ച സഹ നടിയായി.

ബ്രഹ്മാസ്ത്ര എന്ന ഹിന്ദി ചിത്രത്തിലൂടെ മികച്ച സംഗീത സംവിധായകനായി പ്രീതം തെരഞ്ഞെടുക്കപ്പെട്ടു. 

ഗുൽമോഹർ എന്ന ഹിന്ദി ചിത്രത്തിലൂടെ മനോജ് ബാജ്‌പേയിക്ക് പ്രത്യേക പരാമർശം ലഭിച്ചപ. സംഗീത സംവിധായകൻ സഞ്ജയ് സലിൽ ചൗധരിക്കും പ്രത്യേക പരാമർശം ലഭിച്ചിട്ടുണ്ട്. 

ഷർമിള ടാഗോറിൻ്റെ ഗുൽമോഹർ മികച്ച ഹിന്ദി ചിത്രത്തിനുള്ള ദേശീയ അവാർഡ് നേടി. 

മികച്ച നടനുള്ള പുരസ്കാരം ഋഷഭ് ഷെട്ടിയ്ക്ക്. കാന്താര എന്ന ചിത്രത്തിലെ പ്രകടനത്തിനാണ് പുരസ്കാരം. 

മികച്ച നടിയ്ക്കുള്ള പുരസ്കാരം നിത്യ മേനന്. തിരുചിത്രമ്പലം എന്ന ചിത്രത്തിലെ പ്രകടനത്തിനാണ് നിത്യ അവാർഡിന് അർഹയായത്. മിത്രൻ സംവിധാനം ചെയ്ത ചിത്രത്തിൽ ധനുഷ് ആയിരുന്നു നായകൻ. മാൻസി പരേഖറും മികച്ച നടിയ്ക്കുള്ള പുരസ്കാരം നേടി. 

മികച്ച ബാലതാരത്തിനുള്ള ദേശീയ ചലച്ചിത്ര പുരസ്കാരം ശ്രീപഥിന്. മാളികപ്പുറം എന്ന മലയാള ചിത്രത്തിലെ അഭിനയത്തിനാണ് ശ്രീപഥ് പുരസ്കാരത്തിന് അർഹനായത്. 

സൗദി വെള്ള എന്ന മലയാള ചിത്രത്തിലൂടെ ബോംബെ ജയശ്രീയ്ക്ക് മികച്ച ​ഗായികയ്ക്കുള്ള പുരസ്കാരം ലഭിച്ചു. 

പൊന്നിയിൻ സെൽവൻ എന്ന തമിഴ് ചിത്രത്തിലൂടെ മികച്ച പശ്ചാത്തല സം​ഗീതത്തിനുള്ള പുരസ്കാരം എ ആർ റഹ്മാന് ലഭിച്ചു. 

മലയാള ചിത്രം ആട്ടത്തിന് വീണ്ടും പുരസ്കാരം. മികച്ച എഡിറ്റർക്ക് ഉള്ള ദേശീയ പുരസ്കാരം ആണ് ആട്ടത്തിന് ലഭിച്ചിരിക്കുന്നത്. മഹേഷ് ഭൂവാനന്ദൻ ആണ് എഡിറ്റർ. 

മികച്ച ചിത്ര സംയോജനത്തിനുള്ള പുരസ്കാരം ആട്ടം എന്ന മലയാള സിനിമയ്ക്ക്. 

സ്റ്റണ്ട് കൊറിയോഗ്രഫിക്കുള്ള അവാർഡും ലഭിച്ചു കെജിഎഫിന്. അന്‍ബറിവ് ആണ് സംഘട്ടനം ഒരുക്കിയത്. 

എഴുപതാമത് ദേശീയ ചലച്ചിത്ര അവാര്‍ഡില്‍ മികച്ച സിനിമയ്ക്ക് ഉള്ള പുരസ്കാരം മലയാള ചിത്രമായ ആട്ടത്തിന്. ആനന്ദ് ഏകർഷി രചനയും സംവിധാനവും നിർവ്വഹിച്ച ചിത്രം. 

മികച്ച കന്നഡ സിനിമയ്ക്കുള്ള അവാർഡ് കെജിഎഫ് 2വിന് ലഭിച്ചു. പ്രശാന്ത് നീൽ ആണ് സംവിധാനം. 

മികച്ച മലയാളം സിനിമയ്ക്കുള്ള ദേശീയ ചലച്ചിത്ര പുരസ്കാരം സൗദി വെള്ളക്കയ്ക്ക് ലഭിച്ചു. തരുൺ മൂർത്തിയാണ് സംവിധാനം