എ ആര്‍ മുരുഗദോസ് ചിത്രത്തില്‍ വീണ്ടും വിജയ്, ആക്ഷൻ ത്രില്ലര്‍!
വിജയ്‍യെ നായകനാക്കി വീണ്ടും ആക്ഷൻ ത്രില്ലര്‍ ഒരുക്കാൻ എ ആര്‍ മുരുഗദോസ്.
തമിഴകത്ത് ഒട്ടേറെ വിജയ ചിത്രങ്ങള്‍ സംവിധാനം ചെയ്‍തയാളാണ് എ ആര്‍ മുരുഗദോസ്. ആരാധകരുടെ പ്രിയതാരം വിജയ്‍യെ നായകനാക്കി എ ആര്‍ മുരുഗദോസ് വീണ്ടും ഒരു ചിത്രം സംവിധാനം ചെയ്യുന്നുവെന്നതാണ് പുതിയ വാര്‍ത്ത.
ചിത്രത്തിന്റെ പ്രമേയം സംബന്ധിച്ച് സൂചനകള്‍ വ്യക്തമായിട്ടില്ല. പക്ഷേ ഒരു ആക്ഷൻ ത്രില്ലറായിരിക്കും വിജയ്‍യെ നായകനാക്കി എ ആര്‍ മുരുഗദോസ് ഒരുക്കുക. എ ആര്‍ മുരുഗദോസും വിജയ്‍യും വീണ്ടും ഒന്നിക്കുന്നുവെന്ന വാര്‍ത്ത വന്നത് ഇരുവരുടെയും സിനിമകള്‍ ഇഷ്‍ടപ്പെടുന്ന ആരാധകരെ ആവേശത്തിലാക്കിയിട്ടുണ്ട്. തുപ്പാക്കി, കത്തി, സര്‍ക്കാര്‍ എന്നിവയാണ് വിജയ്‍യെ നായകനാക്കി എ ആര്‍ മുരുഗദോസ് ഇതിനു മുമ്പ് സംവിധാനം ചെയ്‍ത ചിത്രങ്ങള്‍. വിജയ്‍യ്‍ക്കു പുറമെ ആരൊക്കെയാകും ചിത്രത്തില്‍ അഭിനയിക്കുകയെന്ന കാര്യം പുറത്തുവിട്ടിട്ടില്ല.
