പിറന്നാൾ ആശംസകൾക്ക് നന്ദി പറഞ്ഞു; പിന്നാലെ സമൂഹമാധ്യമങ്ങളോട് ‘വിട ചൊല്ലി‘ ആമിർ ഖാൻ!
ജോലി സംബന്ധമായ കാര്യങ്ങള്‍ക്ക് മാനേജര്‍ വഴി ആമിറിനെ ലഭ്യമാകുമെന്നാണ് അദ്ദേഹവുമായി അടുത്ത വൃത്തങ്ങൾ അറിയിക്കുന്നത്.
തന്റെ സമൂഹമാധ്യമ അക്കൗണ്ടുകൾ പൂർണ്ണമായും ഉപേക്ഷിക്കുന്നുവെന്ന് ബോളിവുഡ് താരം ആമിർ ഖാൻ.ട്വിറ്ററിലൂടെയാണ് താരം ഇക്കാര്യം അറിയിച്ചത്. പിറന്നാൾ ആശംസ അറിയിച്ചവർക്ക് നന്ദി പറഞ്ഞുകൊണ്ടുള്ള പോസ്റ്റിലാണ് സമൂഹമാധ്യമങ്ങളിൽ നിന്നും വിട്ടുനിൽക്കാനുള്ള കാര്യം താരം പ്രഖ്യാപിച്ചത്. മാര്‍ച്ച് പതിനാലിനായിരുന്നു താരത്തിന്‍റെ 56-ാം പിറന്നാള്‍.
ആമിര്‍ ഖാന്‍ പ്രൊഡക്‌ഷന്‍സിന്റെ പേജിലൂടെ സിനിമാ വിശേഷങ്ങൾ പങ്കുവയ്ക്കുമെന്നും ആമിർ കൂട്ടിച്ചേർക്കുന്നു. ജോലി സംബന്ധമായ കാര്യങ്ങള്‍ക്ക് മാനേജര്‍ വഴി ആമിറിനെ ലഭ്യമാകുമെന്നാണ് അദ്ദേഹവുമായി അടുത്ത വൃത്തങ്ങൾ അറിയിക്കുന്നത്.
നേരത്തെ ആമിർ ഖാൻ ഫോൺ ഓഫ് ചെയ്യാൻ അദ്ദേഹം തീരുമാനിച്ചിരുന്നു. ഈ വർഷം ഫെബ്രുവരിയിലായിരുന്നു അത്. സെറ്റിൽ ആയിരിക്കുമ്പോൾ കോൾ വരുന്നതുമൂലമുള്ള ശല്യമുണ്ടാവാതിരിക്കാനാണ് ഫോൺ ഉപേക്ഷിക്കാനുള്ള തീരുമാനം എടുത്തതെന്നായിരുന്നു ആമിറിന്റെ വിശദീകരണം. ഔദ്യോഗികവും വ്യക്തിപരവുമായ ജീവിതത്തിൽ ഒരു തടസ്സമാണ് മൊബൈലെന്നും ആമിർ പറഞ്ഞിരുന്നു.
