ദുല്ഖര് നായകനാകുന്ന ഏറ്റവും പുതിയ ചിത്രത്തിന്റെ അപ്ഡേറ്റ്.
ദുല്ഖര് നായകനാകുന്ന ഏറ്റവും പുതിയ ചിത്രമാണ് 'കിംഗ് ഓഫ് കൊത്ത'. മലയാളത്തിന്റെ ഹിറ്റ് മേക്കര് ജോഷിയുടെ മകൻ അഭിലാഷ് ജോഷിയാണ് ചിത്രം സംവിധാനം ചെയ്യുന്നത്. പ്രഖ്യാപനം തൊട്ടേ ചര്ച്ചയില് നിറഞ്ഞുനിന്ന 'കിംഗ് ഓഫ് കൊത്ത'യുടെ അപ്ഡേറ്റുകള്ക്ക് വലിയ സ്വീകാര്യത ലഭിക്കാറുണ്ട്. ദുല്ഖര് നായകനായി വേഷമിടുന്ന ചിത്രത്തിന്റെ ടീസര് വൈകാതെ റിലീസ് ചെയ്യുമെന്നാണ് ട്രേഡ് അനലിസ്റ്റുകള് ട്വീറ്റ് ചെയ്തിരിക്കുകയാണ്.
ഛായാഗ്രാഹകൻ അരവിന്ദ് എസ് കശ്യപ് ചിത്രത്തിന്റെ ക്ലൈമാക്സിലെ ആക്ഷൻ മികച്ച ഒന്നായിരിക്കും എന്ന് വ്യക്തമാക്കിയതും അടുത്തിടെ ആരാധകര് ആവേശത്തിലാക്കിയിരുന്നു. നിങ്ങള്ക്ക് സങ്കല്പ്പിക്കുന്നത്ര തീവ്രവും മാസുമായിരിക്കും ചിത്രത്തിലെ ആക്ഷൻ എന്ന് അരവിന്ദ് എസ് കശ്യപ് വ്യക്തമാക്കുന്നു. നിമിഷ് രവിയും ചിത്രത്തിന്റെ ഛായാഗ്രാഹകനാണ്. ഐശ്വര്യ ലക്ഷ്മി ചിത്രത്തില് നായികയാകുന്നു എന്നും റിപ്പോര്ട്ടുണ്ട്. മലയാളം, തമിഴ്, തെലുങ്ക്, ഹിന്ദി, കന്നഡ ഭാഷയില് മാസ് ഗ്യാങ്സ്റ്റര് ചിത്രമായി ഒരുക്കുന്ന ചിത്രത്തില് നടി ശാന്തി കൃഷ്ണയും ഒരു പ്രധാന കഥാപാത്രമായി എത്തും.
ആര് ബല്കി സംവിധാനം ചെയ്ത 'ഛുപ്: റിവെഞ്ച് ഓഫ് ദ് ആര്ട്ടിസ്റ്റ്' എന്ന ബോളിവുഡ് ചിത്രമാണ് ദുല്ഖറിന്റേതായി ഏറ്റവും ഒടുവില് പ്രദര്ശനത്തിന് എത്തിയത്. ആര് ബല്കിയുടെ തന്നെ രചനയില് എത്തിയ ചിത്രമാണ് ഇത്. വിശാല് സിന്ഹ ഛായാഗ്രഹണം നിര്വ്വഹിച്ചിരിക്കുന്ന ചിത്രത്തിന് സംഗീതം പകരുന്നത് അമിത് ത്രിവേദിയാണ്. എഡിറ്റിംഗ് നയന് എച്ച് കെ ഭദ്ര.
സംവിധായകനൊപ്പം രാജ സെന്, റിഷി വിര്മാനി എന്നിവര് ചേര്ന്നാണ് തിരക്കഥ, സംഭാഷണം ഒരുക്കിയിരിക്കുന്നത്. പ്രൊഡക്ഷന് ഡിസൈനര് സന്ദീപ് ഷറദ് റവാഡെ, സൗണ്ട് ഡിസൈനിംഗ് ദേബഷിഷ് മിശ്ര, വരികള് സ്വാനന്ദ് കിര്കിറെ, വസ്ത്രാലങ്കാരം അയ്ഷ മര്ച്ചന്റ്, സംഘട്ടനം വിക്രം ദഹിയ. ഗൗരി ഷിന്ഡെ, ആര് ബല്കി, രാകേഷ് ജുന്ജുന്വാല എന്നിവര് ചേര്ന്നാണ് നിര്മ്മാണം. പ്രമുഖ ബോളിവുഡ് സംവിധായകനും നടനുമൊക്കെയായിരുന്ന ഗുരു ദത്തിനുള്ള ആദരം എന്ന നിലയ്ക്കാണ് ചിത്രം ഒരുക്കിയിരുന്നത്.
Read More: പ്രൊഫഷണല് ജീവിതത്തിലെ വിജയ രഹസ്യം വെളിപ്പെടുത്തി സായ് പല്ലവി
'ഇത് എന്റെയല്ല, അവരുടെ ഷോ'; ഫിറോസ് ഖാനുമായുള്ള അഭിമുഖം
